Teqvim-2015. pdf

Ə d ə b i y y a t
Dadaşov, A. Möhsün 
Sənani : (həyat və yaradı-
cılığı) /A.Dadaşov.- Bakı: 
Yazıçı, 1981.- 126 s.
Abbaslı, T. Bir aktyorun 
üç möhtəşəm rolu: Biri 
həyatda, ikisi sənətdə 
/T.Abbaslı //Mədəniyyət.- 
2011.- 17 iyun.- S.11.
Abbaslı, T. Lütfən 
oxuyasız... /T.Abbaslı                  
//Mədəniyyət.- 2014.- 12 
fevral.- S.11.
Fərəcov, S. Unudulmaz 
sənətkarlar...: Möh-
sün Sənani /S.Fərəcov              
//Mədəniyyət.- 2011.- 11 
fevral.- S.11.
Zümrüd. Aktyoru xalqa 
sevdirən onun sənətə 
olan böyük məhəbbətidir            
/Zümrüd //Səs.- 2014.- 11 
fevral.- S.13.
İ n t e r n e t d ə
www.anl.az
www.az.wikipedia.org
19
Aktyor
Teatr.Kino

---

166
İYUN
2
100 
illiyi
Süleyman Ələsgərov
1915-1998
İYUN
 Süleyman Ağababa oğlu  Ələsgərov 
1915-ci il iyun ayının 20-də Bakıda do-
ğulmuşdur. Yeddiillik təhsilini başa vura-
raq Maliyyə Texnikumuna daxil olmuş, 
orada üç il oxumuş və iqtisadçı diplomu 
alandan sonra Azərbaycan Dövlət Tibb 
İnstitutuna imtahan vermiş  və üç il də 
orada oxumuşdur. O, səhnəyə 1933-cü 
ildə Dənizçilər Mədəniyyət Evinin dram 
dərnəyində  çıxmışdır. Səhnə  sənətinə 
bağlandığına görə  təhsilini yarımçıq 
qoymuşdu. 1936-cı ilin sentyabrında 
Süleyman Ələsgərov Gənc Tamaşaçılar 
Teatrına müsabiqə yolu ilə aktyor götü-
rülmüşdür.
Onun GTT-da ifa etdiyi əsas rollar bun-
lardır: Polad (“Qızıl quş”, M.Seyidzadə), 
Fərzəli bəy (“Nəsrəddin”, Y.Əzimzadə), 
Aqşin (“Babək”,  Ə.Yusifov), Vəzir, 
Oruc (“Fitnə” və “Qaraca qız”, A.Şaiq), 
Kaçkaryov, Poçt müdiri (“Evlənmə”, 
və “Müfəttiş” N.Qoqol), Arqant (“Ska-
penin kələkləri”, J.B.Molyer), Müşavir 
(“Qarlar Kraliçası”, Y.Şvarts), Eldostu 
(“Çiçəkii dağ”, M.Təhmasib), Hacı Nuru 
və Molla Salman (“Molla İbrahimxəlil 
kimyagər”, M.F.Axundzadə), Valentin 
və Pontolone (“İki ağanın bir nökəri”, 
K.Haldoni), Molla Səfi və Hacı Qəmbər 
(“Hacı  Qəmbər”, N.Vəzirov), Loren-
so (“Romeo və Cülyetta”, V.Şekspir), 
Yaşar (“Yaşar”, C.Cabbarlı), Musa 
(“Bəxtsiz cavan”, Ə.Haqverdiyev), Va-
lentin (“İki veronalı”, V.Şekspir), Çux-
ray (“Polad necə bərkidi”, N.Ostrovski), 
Komissar (“Anacan”, Y.Əzimzadə), 
Zeynalabdm  Şirvani (“Əlvida, Hin-
distan!”, Q.Rəsulov), Səməd Vurğun, 
Baba,  Əfrasiyab (“Komsomol poema-
sı”, “Açıl bənövşəm, açıl” və “Rüstəm 
və Söhrab”, İ.Coşqun), Montanel-
li (“Ovod”, E.Voyniç), Namaz (“Xırs 
quldurbasan”, M.F.Axundzadə), Mah-
mud (“Dağ seli”, Ə.Əsgərov), Kaplar 
(“Qavroş”, V.Hüqonun “Səfillər” ro-
manı üzrə səhnələşdirənləri Z.Nemətov 
və  Ə.İsmayılov), Murtuz (“Mənim 
nəğməkar bibim”, Ə.Əylisli), Naçal-
nik (“Danabaş  kəndinin məktəbi”, 
C.Məmmədquluzadə).
Süleyman  Ələsgərov “Azərbay-
canfilm” kinostudiyasında istehsal olu-
nan bir neçə kinolentlərində çox kiçik 
epizodlara çəkilmişdir. Onun ən popul-
yar və irihəcmli ekran obrazı “Bizim 
Cəbiş müəllim” filmində əsas qəhrəman 
olan Cəbiş müəllim roludur. 
Aktyor GTT-nın inkişafında xidmət-
lərinə görə 1954-cü il fevral ayının 27-də 
“Azərbaycan Respublikasının Əməkdar 
artisti”, 1982-ci il dekabr ayının 1-də 
isə “Xalq artisti” fəxri adlarına layiq 
görülüb. 1961-ci ildə oynadığı  Səməd 
Vurğun  roluna görə Respublika Lenin 
komsomolu mükafatı laureatı olub. Ya-
radıcılığının özəyi, mayası əsasən realist 
aktyor məktəbinin estetik prinsipləri ilə 
yoğrulmuşdur. Qəhrəman personajları-
nın ifası psixoloji dramatizmi, komik və 
satirik rolları  təbiiliyi, koloritli gülüşü, 
estetik zərifliyi ilə səciyyəvi idi. 
Süleyman  Ələsgərov 1998-ci il de-
kabr ayının 10-da Bakıda vəfat etmişdir.