O‘quvchilarda shakllangan fanga oid kompetensiya elementlari: Nutqiy kompetensiya (tinglab tushunish, so‘zlash, o‘qish, yozish): video va audio (multimedia ilovalari) matnlarni, topshiriqlarni tinglab tushuna oladi;
rasmlar asosida va o‘qib eshittirilgan matn yuzasidan suhbatga kirisha oladi, nutq jarayonida o‘zlashtirgan yangi so‘zlarni og‘zaki nutqda qo‘llay oladi;
mashq matnidagi so‘zlarni gaplarni ohangiga rioya qilgan holda ifodali o‘qiy oladi; kim?, nima?, kimlar?, nimalar? kabi so‘roqlarga javob bo‘ladigan so‘zlarni to‘g‘ri yoza oladi, kishilarning ism-familiyasi, hayvonlarga, shahar, qishloq, ko‘cha va daryolarga atab qo‘yilgan nomlarni bosh harf bilan yoza oladi;
so‘zda nechta unli tovush bo‘lsa, uni shuncha bo‘g‘inga bo‘lib yoza oladi;
shaxs va narsa harakatini bildirgan so‘zlar nima qildi?, nima qilyapti?, nima qiladi? so‘roqlariga javob bo‘lishini va ularni to‘g‘ri yoza oladi, qarama-qarshi ma’noli so‘zlarni, shaxs va narsa belgisini bildirgan so‘zlar qanday?, qanaqa? so‘roqlariga javob bo‘lishini va ularni to‘g‘ri yoza oladi (sariq-qanaqa?, uzun-qanday?); qarama-qarshi ma’noli shaxs, narsa, harakat, belgi bildirgan so‘zlarni aniqlay oladi, bir mavzu doirasidagi savollarga javob yoza oladi, rasmlar va berilgan reja asosida 5-6 ta gapdan iborat ijodiy matn yarata oladi.
Lingvistik kompetensiya:o‘zbek tilida nutq tovushlarini to‘g‘ri talaffuz qila oladi, bo‘g‘in ko‘chirish qoidasiga rioya qila oladi, mavzuga oid so‘zlarni og‘zaki va yozma nutqda qo‘llay oladi, tinish belgilarini to‘g‘ri qo‘llay oladi.
A1+ Nutqiy kompetensiya (tinglab tushunish, so‘zlash, o‘qish, yozish): mashq va topshiriqlardagi axborotni tushuna oladi;
mashq va topshiriqlarda berilgan matnni gap ohangiga rioya qilgan holda o‘qiydi; nutqida qarama-qarshi ma’noli so‘zlardan o‘rinli foydalangan holda fikrini to‘g‘ri va ravon bayon qila oladi;
Lingvistik kompetensiya: gap tarkibidagi so‘zlarga to‘g‘ri so‘roq bera oladi.
