Kirish i-bob. Jismoniy tarbiya darslarini tashkil etishda mashg’ulotlar jarayoninig tasnifi

Тarbiyaviy vazifalar mashqlar guruhiga yoki alohida har biriga rejalashtirilishi mumkin. Masalan, yengil atletika bo’limidagi mashqlar mashg’ulotlarga ijobiy yondashishni tarbiyalashga ko’maklashadi, sport o’yinlari bo’limidagi mashqlarni o’rganishda jamoatchilik fazilatlarini tarbiyalashga qulay sharoit yaratiladi.
Keyingi ustunlar darslar nomerini ko’rsatadi. Тayanch o’quv rejasiga asosan har bir sinfda 68 ta dars o’tiladi. Biroq, bayram kunlari va boshqa nazarda tutilmagan vaziyatlarni hisobga olgan holda 65 tadan ziyod bo’lmagan darslarni rejalashtirish tavsiya qilinadi. Rejalashtirish asosida darslar seriyasi yotadi, shuning uchun ular choraklar doirasida bo’lsa maqsadga muvofiq bo’lar edi deb o’ylaymiz.
Bu ishlar bajarilgandan keyin o’quv materialini darslar bo’yicha bevosita joylashtirish boshlanadi. Bu esa muayyan mashq yoki darsga mos ravishda kataklarga shartli belgilarni qo’yish bilan erishiladi.
O’rgatish bosqichlariga rioya qilgan holda quyidagi belgilardan foydalanish mumkin: yeng muhim mashqlarni o’rganishga tayyorlanish va bevosita o’rganish (O’); dastlab o’rganish (Do’); chuqur o’rganish (Cho’); mustahkamlash (M); takomillashtirish (Т); nazorat (N); uyga vazifa (Uv).
Agar material darsda asosiy hisoblansa bosh harf, yordamchi bo’lsa kichik harf qo’yiladi. Shunday qilib, yillik reja jadvalning mohiyati va asosiy talablarini ifodalashda, bizlar faqat uning shaklini misol keltirdik. Materiallarni darslar bo’icha taqsimlash – bu o’qituvchining alohida ahamiyatli individual ishi.
Ish jarayonining keyingi yillarida o’qituvchi rejaga o’zgartirishlar kiritadi, uni takomillashtiradi, real sharoitlarga moslashtiradi.

II-BOB. BOSHLANG’ICH SINFLARDA JISMONIY MADANIYAT DARSLARINI TASHKIL ETISH USULLARI

2.1. Mashg`ulotlarni rejalashtirish, jismoniy tayyorgarlik vazifalarini hal etish muammolari

Mashg`ulotlarni rejalashtirish-jismoniy tayyorgarlik vazifalarini hal etish shartlari, vositalari va uslublarini, o'quvchilar egallashi lozim bo'lgan sport natijalarini oldindan ko'zlashdir. O'quvchilar jismoniy tayyorgarligini to'g`ri rejalashtirish bu mazkur o'quvchilar kontengenti (yoki bitta o'quvchi) xususiyatlarining tahlilidan kelib chiqib, tayyorgarlik jarayonidagi asosiy ko'rsatkichlarni belgilash hamda ularni vaqt oralig`ida taqsimlashdir.

Shuni alohida ko'zda tutish kerakki, sanab o'tilgan o'quvchilar faoliyatining guruhlar turi shartli xarakterga ega. Masalan, navbatdagi vazifani bajarish oldidan qayta saflanish, bir mashg`ulot o'rnidan ikkinchi mashg`ulot o'rniga o'tish faqat tashkiliy xarakterga ega bo'lmasdan, ta'lim va tarbiya vazifalarini ham hal etadi: navbatdagi vazifalarni bajarish oldidagi dam va navbat yoki uni tashkil etish natijasi ham bo'lishi mumkin. Har bir tur faoliyati pedagogika nuqtai nazardan tahlil qilmoq zarur. Aynan shuning uchun xronometrlash metodi pedagogik kuzatuv metodi bilan birga olib borish maqsadga muvofiqdir.
Mashg`ulotning zichligi butun dars 45 daqiqa vaqtga nisbatan harakat faoliyatlarining hamma turlariga sarflangan vaqt yig`indisini bir-biriga nisbati orqali foiz bilan aniqlanadi. Shu o'rinda “darsning zichligi”ga ta'rif berib o'tamiz. Darsning zichligi-
unga ajratilgan vaqtdan maqsadga muvofiq juda unumli foydalanish tushuniladi. Vaqtdan qanday oqilona foydalanilsa, demak dars shunchalik zich o'tgan hisoblanadi. Binobarin, dars zichligi nagruzkaga, dars oldiga qo'yilgan vazifalarning bajarilishiga, o'quv dasturlarining muvaffaqiyatli amalga oshirilishiga va hokazolarga ta'sir ko'rsatadi. Har bir o'qituvchi dars zichligidan manfaatdor, chunki bu unga darsni to'liq o'tishga imkon beradi. O'qituvchi darsga tayyorlanishda dars o'tish rejasini ikirchikirlarigacha o'ylab olishi va mashqlarni qaerda namoyish qilishi, qaerda tushuntirish olib borishi, qaerda buyruq berishni aniq nazarda tutishi darkor.
Dars boshlangungacha zarur jihoz va asbob-anjomlarni tayyorlash shart. Bu asbob-anjomlarni joylashtirish yoki turli buyumlar (tayoqlar, to'plar, arg`amchilar va hokazolar)ni tarqatishga kam vaqt sarflashga imkon beradi.
Darsni birdaniga ko'plab o'quvchilar shug`ullanadigan qilib tashkil etish darsni samarali qiladi. Shunda saflanish mashqlarini, yurish, yugurish, umumrivojlantiruvchi mashqlarni va boshqalarni bajarib ulgurishi mumkin.
Albatta dars zichligiga hamma vaqt birdek erishish qiyin. Chunonchi sakrash, uloqtirish, tirmashib chiqish, muvozanat saqash mashqlarini bajarishda zichlikka erishish shular jumlasidandir. Bir vaqtda shug`ullanadigan o'quvchilar sonini oshirish uchun iloji boricha ko'proq asbob-anjomlardan (bir xil yoki har xil) foydalanish zarur. Bunday paytda o'quvchilar snaryadlar soniga qarab ikki guruhga bo'linadilar va o'qituvchi har bir guruhga boshliq tayinlaydi. O'qituvchi o'z oldiga darsni zichlashtirish vazifasini qo`yar ekan, o'quvchilar butun dars davomida rejada belgilangan darajada band bo'lishlariga harakat qiladi.
Yuqori zichlikda o'tilgan dars o'quvchilarning faol
shug`ullanishlarini ta'minlaydi, organizmga tushadigan jismoniy nagruzkani oshiradi, uyushqoqlik va intizomlilikni tarbiyalaydi. Jismoniy tarbiya jarayonida spetsifik vazifalarni hal qila turib, shaxsni har tomonlama rivojlantirish muhim ahamiyatga ega. O'quv ko'nikma va malakalarini shakllantirish barobarida tafakkur operatsiyalari (taqqoslash, analiz, sintez, umumlashtirish), axloqiy sifatlar (onglilik, intizom va boshqalar), estetik did ham rivojlantiriladi. Jismoniy tarbiyani tashkil etishning turli formalarida (mashg`ulotlar, harakatli o'yinlar, mustaqil harakat faoliyati va hokazolar) tarbiyachining e'tibori fikrlaydigan, o'z yosh imkoniyatlariga ko'ra ongli harakat qiladigan, o'quv ko'nikmalarini muvaffaqiyat bilan egallaydigan, atrof muhitda mo'ljal ola biladigan, uchraydigan qiyinchiliklarni aktiv tarzda bartaraf etadigan, ijodiy izlanishga intiladigan bolani tarbiyalashga qaratiladi.
Olib borilgan tadqiqotlar shuni ko'rsatdiki, bola ruhiy faoliyatining neyrofiziologik mexanizmi shartli reflektor xarakteriga ega va u bolalik yillari davomida tashqi ta'sirlar, ya'ni tarbiya jarayoni ta'sirida shakllanadi. Shuni ta'kidlash kerakki, fikrlash, his qilish, ongli rivojlantirishning potentsial imkoniyatlariga ega bo'lgan inson organizmi hayotning birinchi kunidanoq, kompleks tarbiyaviy ta'sirni talab qiladi. Bu ta'sir inson shaxsini muntazam og`ishmay shakllantirib borishga yo'naltirilgandir, shuning uchun bolaning jismoniy rivojlanishi va salomatligi haqidagi g`amxo'rlik uning ma'naviy, aqliy rivojlanishi bilan birgalikda amalga oshirilishi kerak.
Hozirgi paytda jismoniy mashqlarning katta miqdori mavjud va ularning rivojlanishi davom etmoqda. Jismoniy mashqlar birbiridan ham mazmun, ham forma jihatdan farqlanadi. Jismoniy mashqlar tarkibiga kiruvchi harakatlar shuningdek, mashqlar davomida organizmda kechadigan, o'quvchilarda ularning ta'sirini belgilaydigan jarayonlar (psixologik, fiziologik, bioximik, biologik va boshqalar) jismoniy mashqlarning mazmunini tashkil etadi. Jismoniy mashqlarni bajarish (ixtiyoriy harakatlar) harakat tasavvuri, diqqat, tafakkur, irodaviy zo'r berish, emotsiyalar va boshqa shu kabi psixik jarayonlar bilan bog`liqdir.
Jismoniy mashqlar mazmuniga pedagogik nuqtai nazardan qaraganda ularning ta'lim-tarbiyaviy vazifalarini hal etish o'quvchilarning o'quv ko'nikma va malakalarini shakllanishidagi ahamiyatini belgilab olmoq kerak.
Misol uchun, o'quv ko'nikma va malakalarni shakllantirishning yana bir tavsifi bilan tanishib chiqamiz: deyaylik sinfda 30 ta o'quvchi ta'lim oladi. Ularni shartli ravishda 2 guruhga bo'lamiz va basketbol shiti oldida bir-biriga qarama-qarshi tarzda saflantiramiz. Topshiriq basketbol to'pini halqaga tashlash (har bir jamoa o'quvchisi 2 martadan). Qaysi guruh o'quvchilari ko'proq savatga to'p tushirsa o'sha guruh g`olib va g`olib komanda o'quvchisi yutqazgan guruh o'quvchilariga savol bilan murojaat qiladi. Agar yutqazgan guruh g`olib komanda savollariga javob bera olmasa, g`olib komanda shartlarini bajarishga majbur. Misol uchun qo'llarni bukib yozish, o'tirib turish va hokazo. Va aksincha savatga to'p tushurishda yutqazgan komanda g`olib jamoa savollariga javob bera olsa, keyingi musobaqa shartini o'sha jamoa tanlaydi.
Inson bolalikdan turli yo’nalishdagi harakat malakalarini ongsiz va ongli tarzda bajaradi. Natijada shu harakatlar ma’lum jismoniy sifatlar (kuch, tezkorlik, chaqqonlik, chidamkorlik, egiluvchanlik) tusida rivojlana boradi. Sekin-asta hayotiy zarur harakat malakalari (yurish, yugurish, sakrash, to’xtash, osilish va h.) sayqal topadi.
Mutaxassislarning fikriga asosan shu jismoniy sifatlar va hayotiy zarur harakat malakalari harakatli o’yinlar yordamida yanada samaraliroq rivojlanishi isbotlab berilgan.
Oilada, maktabgacha tarbiya muassasalarida, turli bosqichdagi ta’lim maskanlarida ushbu muammoga har doim ham rejali va ilmiy jihatdan yondoshilmaydi.
Jismoniy mashqlarni to’g’ri qo’llash, ularni bolalar qanday o’zlashtirayotganligini nazorat qilib borish shu bolalardagi jismoniy sifatlarni, uning qaddi-qomati, jismoniy va funksional taraqqiyoti to’g’ri yo’nalishda tarbiyalanib borishga imkon yaratadi.
Ma’lumki, insonning jismoniy sifatlari uning tug’ilishidan boshlab shakllana boradi. Lekin, uning bolaligida shu sifatlar qanday darajada shakllanishi, oddiy yoki murakkab harakatlarni o’zlashtirib olishi nafaqat uni o’sib yashab kelayotgan muhitga bog’liq, balki bolaning muayyan sifatini qanday vositalar yordamida rivojlantirish bilan belgilanadi.
Shu bilan bir qatorda harakatni turi, yo’nalishi va qanday maqsadga qaratilganligiga (kasb, ro’zg’or ishi, sport, harbiy faoliyat va hokazo) qarab, har bir jismoniy sifatni shu harakat ijrosidagi o’rni turlicha bo’ladi. SHunday bo’lsada, turli kasb faoliyatlarida yoki sport turlarida shu jismoniy sifatlarning integral ahamiyati o’ziga xos ulushga ega bo’ladi. Ammo qanday bo’lmasin, ko’pincha tadqiqotchilarning fikricha, barcha harakat faoliyatida ayrim jismoniy sifatlarning ustuvorligi darhol ko’zga tashlanadi.
3amonaviy sport amaliyotida yuqori natijalarga erishish sportchining uzoq muddat davomida yuqori sifatli va samarali ish qobiliyatini saqlay olish imkoniyati bilan bog’liqdir.
Har xil sport turlari bo’yicha o’tkaziladigan musobaqalar muddati xalqaro musobaqalar qoidalari bilan belgilanadi. SHu musobaqalar muddatida qaysi sportchi o’z ish qobiliyatini sifati va samaradorligi jihatidan qanchalik uzoq vaqt saqlay olsa yoki uni oshira olish «kuchi»ga ega bo’lsa, unga muvaffaqiyat shunchalik «kulib» boqishi muqappap. Boshqacha qilib aytganda ish qobiliyatining sifat va samaradorlik darajasini ko’p yoki kam vaqt davomida saqlanishi umumiy va maxsus chidamkorlik sifatlarining turlari (tezkorlik, kuch, tezkor-kuchga bo’lgan chidamkorlik, sakrashga bo’lgan chidamkorlik,
«texnik–taktik chidamkorlik» va hokazo) qanchalik rivojlanganligi bilan belgilanadi.
Ma’lumki, ish qobiliyati haqida gap ketganda, ayniqsa so’z uning sifati va samaradorligiga tegishli bo’lsa, masalaning mohiyati va pirovard «mag’izi» boshqa jismoniy sifatlarning shakllangan yoki shakllanmaganligiga borib taqaladi. YA’ni samarali natijaga mos umumiy va maxsus chidamkorlik kuch, tezkorlik, chaqqonlik, egiluvchanlik sifatlarini o’zida mujassam qilgan bo’ladi. Ushbu sifatlarning o’zaro uzviy bog’liqligi va ularning yuksak darajadagi integral natijasi mahoratining muayyan taqdirini belgilab beradi.
Maqsadga muvofiq rejalashtirilgan jismoniy tayyorgarlik sport mahoratini shakllantirish va musobaqa davomida yuksak natijaga erishishda nihoyatda muhim omillardan biridir. Lekin, sport amaliyotida har doim ham rejalashtirilgan jismoniy mashqlar muvofiq harakat sifatlarini rivojlantirishda kutilgan natijani bermaslik holatlari tez-tez uchrab turadi. Buning asosiy sabablaridan biri mashg’ylotlarda qo’llanilgan u yoki bu jismoniy mashqlarning hajmi va shiddati hamda ushbu ko’rsatkichlarni shug’ullanuvchilar organizmiga ta’sir etish darajasi (organizmni nagruzkaga bo’lgan aks javobi – reaksiyasi) ob’ektiv ravishda baholanmasligidadir. SHuning uchun ham o’quv trenirovka jarayonida qo’llanilayotgan jismoniy nagruzka (jismoniy mashqlar) ning shug’ullanuvchilar organizmining funksional imkoniyatlariga muvofiqligi e’tiborga olinishi shu nagruzkani maqcadga muvofiq rejalashtirish imkoniyatini yaratadi.
Umumiy jismoniy tayyorgarlik tushunchasi bu sportchining harakat sifatlarini har tomonlama (garmonik ravishda) rivojlanganlik darajasini anglatadi. Masalaga shu tarzda yondoshish oddiy inson sog’lig’ini (sportchini ham) shakllantirish nuqtai nazaridan maqcadga muvofiqdir. Albatta, «Katta» sportda bu ham zarur. Lekin, bunday amaliyot va shunga asoslangan trenirovka uslubiyati malakali sportchilarni tayyorlash hamda yuksak musobaqa natijasiga erishish samarasini susaytirishi ehtimoldan holi emas. CHunki, har bir sport turining o’ziga xos va o’ziga mos xususiyatlari mavjudligi tufayli bir sport turida ko’proq kuch-tezkorlik sifati ustun tursa, ikkinchi bir sport turida chidamkorlik sifati yetakchi rolni o’ynaydi yoki uchinchi bir sport turida egiluvchanlik sifati asosiy ahamiyatga ega bo’ladi. Ammo, qayd etilgan fikrdan muayyan sport turida ma’lum jismoniy sifat juda zarur, boshqasi esa muhim emas degan xulosa kelib chiqmaydi. Aksincha, har bir sifatning muayyan sport vaziyatida ozmi-ko’pmi, lekin muhim
«ulushi» mavjud bo’ladi (M.A.Godik, 2006; Yu.V.Verxoshanskiy, 1988; Yu.D.Jeleznyak, 1973, 1978, 1988; Yu.D.Jeleznyak, A.V.Ivoylov, 1991; V.M.Zatsiorskiy, 1970; L.P.Matveyev, 1999; V.N.Platonov, 1997;
M.I.Perelman, 1969; V.P.Filin, 1982; V.E.Fomin, 1985 va b).
So’ngi yillarga kelib olimlar o’rtasida malakali sportchilarni tayyorlashda jismoniy tayyorgarlikni o’rni, jumladan jismoniy sifatlarning bir-biriga uzviy bog’liqligi hamda ularni sport mahoratiga bo’lgan ta’siri haqidagi muammolar tobora katta qiziqish uyg’otib bormoqda (V.M.Zatsiorskiy, 1970; YU.V. Verxoshanskiy, 1988; V.N.Platonov, 1986; M.A.Godik, 2006; V.P.Filin, 1987, F.A.Kerimov, 2001 va h.)
Yuqori malakali sportchilarni erishgan yutuqlari ma’lum ma’noda ularning fundamental tayyorgarligiga bog’liqdir (V.P.Filin, N.A.Fomin, 1980; M.YA.Nabatnikova, 1982).
Shunday ekan, yuqori malakali sportchilarni tayyorlash va sport mahoratini yuksak darajaga olib chiqish dastlabki o’rgatish jarayoni samaradorligiga to’g’ridan-to’g’ri bog’liqdir. Yu.D.Jeleznyak (1991) ning fikricha voleybolga ixtisoslashgan mashg’ulotlar bilan ilk bor shug’ullanishni 10-11 yoshdan boshlash maqsadga muvofiqdir. U o’zining tadqiqotlarida aynan shu yoshdagi bolalarni jismoniy va texnik tayyorgarligini jadal o’stirish imkoniyatlarini ochib berdi.
Isbot qilinganki, dastlabki tayyorgarlik bosqichida yosh sportchilarning kelajakdagi iste’dodini aniqlashga yordam beradigan test mashqlarini tanlay bilish va qo’llash katta ahamiyatga ega. E.A.Sergeyev (1979) bunday mashqlar qatoriga birinchi navbatda sakrovchanlik va chaqqonlikni baholovchi mashqlarni kiritish muhimligini ta’kidlaydi. Tayyorgarlikning keyingi bosqichlarida asosiy jismoniy sifatlarni, shu jumladan maxsus sifatlarni baholash imkoniyatini beruvchi test mashqlarini tarkibini oshirish tavsiya etiladi.
Albatta, sakrovchanlik va sakrash chidamkorligini rivojlantirish tayyorgarlikning qaysi bosqichida amalga oshirilishidan qat’iy nazar bu masala umumiy va maxsus jismoniy tayyorgarlik jarayonini qanday darajada rejalashtirilishiga bog’liq. SHuning uchun ushbu jarayonning malakali sportchilarni tayyorlashdagi ahamiyati, qolaversa asosiy o’yin malakalarini ijro etish samarasi sakrovchanlik va sakrash chidamkorligiga to’g’ridan-to’g’ri bog’liqligi haqidagi ma’lumotlar tahlili alohida ahamiyatga egadir.
Maxsus jismoniy tayyorgarlik (MJT) sport faoliyatidagi dolzarb muammolardan biridir va barcha sport turlarida yuksak sport natijalarga erishish uchun muhim ahamiyatga ega (V.V.Kuznetsov, 1975; V.B.Sorvalov, 1979; ye.V.Fomin, 1985; Z.K.Aurelius-Kazis, 1989; Chan Suan Dong, 1987). SHuning uchun maxsus jismoniy sifatlarni (MJS) rivojlantirish sportchilarni musobaqa oldi tayyorgarligining asosiy yo’nalishlaridan biri bo’lib turibdi (S.S.Kryuchek, 1981). «Sportchilar mashg’ulotining muvaffaqiyati, o’yinchilar MJSlarining rivojlanish darajasini aniq va to’g’ri nazorat qilinishiga bog’liqdir. Pedagogik nazorat (PN) alohida MJSni o’zgarish darajasi dinamikasini (sur’atini) aniqlash imkoniyatini beradi. Buni asosida,
MJTni samarali boshqarishni yangi yo’llarini belgilash mumkin» (E.V.Fomin, 1981). Negaki «tayyorgarlik tuzilishini oqilona tashkil etishni zamonaviy yo’llaridan biri, qisqa vaqt ichida sport formasini rivojlantirishni ko’p qirrali modelini tuzishdir» (V.M.Maksimova, V.A.Nikulichev, 1983).
Voleybol, basketbol, futbol va boshqa sport o’yinlari bilan shug’ullanuvchi sportchilarning jismoniy sifatlari bir-biridan farq qiladi. Ta’kidlash lozimki, hatto bir sport o’yinida, masalan voleybolda – zarba yoki to’siq qo’yish, to’p kiritish yoki uzatish uchun ijro etiladigan sakrashlar mohiyati bir-biriga sira o’xshamaydi (Golomazov V.A., Kovalev V.D., Melnikov A.G. 1976). Boz ustiga yana shuni eslatish o’rinliki, faqat bir o’yin malakasi – zarba berish turiga qarab (qisqa yoki baland to’pdan zarba berish) sakrash xususiyati umuman boshqacha bo’ladi. Binobarin, sakrovchanlik yoki sakrash chidamkorligi degan tushuncha ko’p qamrovli mazmun, mohiyat, xususiyat va ma’noni anglatadi. Demak, bu sifatlarni rivojlantirish haqida gap borganda muayyan sakrash turi va uni o’ziga munosib mashqlariga alohida e’tibor berilishi o’ta muhim masaladir.
Ko’p yillik sport tayyorgarligi jarayonida malakali sportchilarni tayyorlash samarasi jismoniy sifatlarini har tomonlama mukammal tarbiyalash ustivorligiga bevosita bog’liq bo’lib boryapti.
Sportchilar jismoniy sifatlarini rivojlantirish muammolarini yorituvchi ilmiy tadqiqotlar hamda ilmiy adabiyotlar doirasi juda keng
(Kao Van Txы, 1971; Kondak N.N., 1985; Ivoylov A.V., 1974, 1981, 1985; Jeleznyak YU.D., 1978, 1988; Popichev M.I., 1990; Ayrapetyans L.R., 2003; Boyirbekov M., 2003 va boshqalar).
Ma’lumotlar shuni ko’rsatadiki, yosh sportchilarni maxsus jismoniy tayyorgarligini oshirish, ularning texnik malakalarini shakllanishida muhim ahamiyat kashf etadi. Binobarin, dastlabki tayyorgarlik bosqichidan boshlab jismoniy sifatlarni sport turi xususiyatiga moslab rivojlantirish texnik malakalarga o’rgatish jarayonini ancha yengillashtiradi.