Kirish kimyoviy elementlar er po’stida sof xolatda deyarlik uchramaydi, ular doimiy tarkibga EGA bo’lgan kimyoviy birikmalar xosil qiladi

Orolsimon silikatlar Bu turdagi strukturada kremniy-kislorodli tetraedrlar yakka-yakka, qo'shaloq yoki bir-biri bilan halqa holida bog'langan 3,4 yoki 6 ta tetraedr guruhlari bo'ladi.
Kremniy-kislorodli tetraedrlarning bu orolchalarini Mg, Ca va boshqa kationlar ushlab turadi. Yakka tetraedrli orolsimon silikatlar kimyoviy jihatdan tub ortosilikatlarga to'g'ri keladi. Orolsimon silikatlar­ga minerallardan sirkon Zr₂[SiO₄], forsterit Mg₂[SiO₄] va granat kiradi.
Forsterit minerali olivin guruhiga kiradi va ular izomorf qatorni tashqil qiladi. Bu qatorning chekka hadlari magneziyli forsterit va temirli fayalit Fe₂[SiO₄] dir. Odatda, shu ikki komponentning izomorf aralashmasi olivin (MgFe)₂[SiO₄]₂ deb ataladi. Temir magniy­li, lekin silikat kislotasi ham bo'lgan bu silikat asos va o'ta asos magmatik jinslar uchun xosdir.
Granatlar (anortosh). Magmatik jinslarda kam uch­raydi. U asosan metamorflashgan jinslar uchun xosdir. Granatlarning xillari ko'pdir. Ularga pirop Mg₃A1₂[SiO₄]₃; almandin - Fe₃A1₂[SiO₄]₃; spessartin Ca₃Al₂[SiO₄]₃; grossulyar Ca₃A1₂[SiO₄]₃; andratit Ca₃A1₂[SiO₄]₃; uvarovit Ca₃Cr₂[8 SiO₄]]₃ kiradi. Hammadan ko'p tarqalgani pushti-qizil rangdagi temir glinezyomli granat - almandin va yashil-qo'ng'ir va qoramtir ohak temirli andradit va eng kam tarqalgan granat - yashil rangdagi ohak gilli grossulyardir. Granat kristallari juda ko'plab uchraydi. Ularning juda katta kristallari ham ko'pdir. Masalan: Norvegiyada 700 kg og'irlikdagi granat topilgan. Granat abraziv va yarim qimmatbaho toshdir.
Orolli silikatlarga (ortosilikatlarga) magmatik va metamorflashgan jinslarni hosil qiluvchi, odatda ko'kimtir-sariq rangdagi donador va shu'lasimon agregatlar hosil qiluv­chi epidot (CaSe)(A1,Fe)₃·(OH)O[SiO₄][Si₂O₇] yoki Ca₃(A1,Fe)Si₃O₁₂[OH] kiradi. Uning qattiqligi 6-7, kris­tallari triklin singoniyada; oq va zangori rangli, (shishasimon yaltiroq , plastinkasimon. Qattiqligi 4-6,5 bo'lgan disten A1₂O[SiO₄]; rombik singoniyali, kulrang va pushti, shishasimon yaltiroq va ulanish tekisligi aniq bo'lmagan ustunsimon, prizmasimon kristall, qattiqligi 7,5 bo'lgan andalo’zit A1₂O[SiO₄]; qizil-qo'ng'ir rangdagi, qat­tiqligi 7-7,5 bo'lgan stavrolit 2A1₂O[SiO₄]Fe(OH)₂ va qattiqlik shkalasida 8 o'rinda turuvchi, jins hosil qilishi jihatidan uncha ahamiyati yo'q, rombik singoniyali topaz A1₂(F,OH)₂[SiO₄] minerallari kiradi.
Ortosilikatlar juda sodda tuzilgan bo'lib, ionlari zich joylashgan. Shuning uchun ham solishtirma og'irligi va nur sindirish ko'rsatkichi katta. Ayni vaqtda alyumi­niy umumiy kislorod ionlari bilan birikmaydi. Ortosilikatlarning kristallari odatda izomorf bo'ladi.