Gidromelioratsiya qurilishida temirbetondan suv ta’minoti va kollektor
tizimi quvurlari, yig‘ma quduq, kanal qoplama plitalari, sug‘orish lotoklari va
boshqalar tayyorlanadi. Temirbeton quvurlar bosimli va bosimsiz turlarga
bo‘linadi. Bosimsiz quvurlar kanalizatsiya va kollektor tarmoqlarida ishlatiladi.
Quvurlarning diametri 300-1200 mm. Ular M300 va undan yuqori markali
betonlardan tayyorlanadi va suv o‘tkazmaslik va korroziyaga chidamlilik bo‘yicha
yuqori talablar qo‘yiladi. YUqori bosimda (W6-W12) ishlaydigan quvurlar
avvaldan taranglangan armaturalar va to‘rlar bilan armaturalangan bo‘ladi. Ular
yuqori bosim ostida ishlaydigan suv uzatish tizimlarini barpo etishda ishlatiladi.
Turli maqsadlarda ishlatiladigan temirbeton buyum va konstruksiyalarga
yig‘ma devor, elektr tarmog‘i tayanchlari, ariq lotoklari va shu kabilar kiradi. Ular
M200-M300 markali betonlardan tayyorlanadi, sovuqqa chidamliligi /150-/200.
3. Yig‘ma temirbeton konstruksiyalar ishlab chiqarish Yig‘ma temirbeton konstruksiyalar ishlab chiqarish quyidagi asosiy
texnologik jarayonlardan iborat: beton qorishmasini tayyorlash, armatura
tayyorlash, qolip tayyorlash, konstruksiyani armaturalash, qoliplash, issiqlik bilan
qayta ishlash, konstruksiya yuzasini pardozlash, omborxonalarga joylashtirish.
Beton qorishmasini tayyorlash. Yig‘ma temirbeton konstruksiyalar ishlab
chiqarish zavodlarida beton qorishmasi bevosita beton qorish sexida tayyorlanadi.
Beton qorish texnologiyasi mukammal ravishda 8 bobda berilgan.
Armatura tayyorlash. Armatura sexida armatura karkaslari va to‘rlari
maxsus payvandlash uskunalari vositasida tayyorlanadi. Sexda armatura sterjenlari
va simlari kalavalar va o‘ramlarni maxsus stanoklarda metall zaklardan,
zanglardan tozalanadi, to‘g‘rilanadi, kerakli uzunlikda qirqiladi. Alohida sterjenlar
ko‘p nuqtali payvandlash uskunalarida kontakt usulida payvandlab armatura
karkaslari va to‘rlari tayyorlanadi.
Armatura karkaslari va to‘rlari zavodning qoliplash sexiga yuboriladi.
Armaturalarni avvaldan taranglash qoliplash sexida maxsus stendlar va
qoliplarda gidravlik domkratlar yordamida yoki elektrotermomexanik usulda beton
quyilmasdan oldin amalga oshiriladi.
Avvaldan taranglangan armaturalar stend yoki qolipning chekka qismiga
moslamalar yordamida maxkamlanadi. Beton qotib siqilishdagi mustahkamligi 20
MPa dan ortganda maxkamlangan armatura bo‘shatiladi.
