Kirisiw Temanın aktuallıǵı

Magistrlik dissertaciya jumısınıń maqset hám waziypaları. Biz dissertaciya jumısımızda tiykargi maqset T.Qabulovtıń lirikasında, tematikalıq hám kórkemlik izlenislerdi. lirikasının tematikalıq hám ideyalıq baǵdarın, lirikasında turmis shinligi hám lirikalıq qaharman obrazın ashıp beriw bolıp tabıladı. Usı maqsetten kelip shıǵıp jumısımızda tómendegi wazıypalardı orınlaw zárurligi tuwaldı:
- shayırdıń poeziyasına tematikalıq talqı jasaw;
- poeziya hám lirikalıq qaharman teriminleriniń teoriyalıq táreplerin úyreniw;
- lirikalıq qaharman jaratıwdaǵı avtordıń sheberligin úyreniw;
- dáwir problemalarınıń shayır poeziyasında sáwleleniwin úyreniw;
- shayır lirikasının kórkemlik ózgesheliklerin aship beriw;
- T.Qabulovtin lirikasında qaharman obrazın jaratiwda monolog, dialog.. kórkem detal, portret hám peyzajlardın qollaniw sheberligin ashıw;
- TQabulovtin lirikasında kórkem suwretlew quralları menen usıllarının qollanılıw ózgesheligin anıqlaw.
Magistrlik dissertaciya jumısınıń teoriyalıq hám metodologiyalıq negizi: Biz izertlew barısında Ózbekstan Respublikası Prezidentiniń hám ádebiyat hám kórkem ónerdi rawajlandırıw haqqındaǵı kórsetpelerin basshılıqqa aldıq. Soǵan qosımsha bızıń jumısımızdıń teoriyalıq hám metodologiylıq tiykarı retinde T.Boboevtiń «Adabiyotshunoslikka kirish»(Toshkent, 2009), Q.Yuldosh hám M.Yuldoshtıń «Badiiy tahlil asoslari» (Toshkent, 2016), S.Axmetov. Q.Sultanovtıń «Ádebiyattanıw» (Nókis, 1987), S.Axmetov, Q.Járimbetovtıń «Ádebiyattanıw atamalarınıń orissha-qaraqalpaqsha túsindirme sózligi» (Nókis,1994), Z.Bekbergenovanıń «Qaraqalpaq romanlarında kórkem sóz poetikası» (Nókis, 2016) h.t.b miynetlerdegi ilimiy-teoriyalıq pikirlerden hám bir qansha teoriyalıq miynetlerden metodologiyalıq tiykar sipatında paydalandıq. Sonday-aq jumisimizdi jazıw barısında qaraqalpaq ádebiyatshi alımları S.Axmetov, Q.Kamalov, K.Qudaybergenov, S.Bahadırova, Q.Jarimbetov, Q.Orazımbetov, K.Allambergenov hám taǵı basqa ádebiyatshılardıń miynetindegi ilimiy-teoriyalıq juwmaqlardı basshılıqqa aldıq.