4. ƏHALĠNĠ MÜHAFĠZƏ ETMƏK VASĠTƏLƏRĠ VƏ ÜSULLARI 4.1. Mülki müdafiənin mühafizə qurğuları Əhalini kütləvi qırğın silahlarından mühafizənin ən etibarlı
üsulu onların mühafizə qurğularında qorunmasından ibarətdir.
Kütləvi qırğın silahlarının fasiləsiz olaraq təkmilləşdirilmə-
si, mühafizə tədbirlərinin mülki müdafiə tərəfindən çox qısa
zamanda icrasını tələb edir. Ona görə də əhalinin mühafizəsi
onun yerləşmə məkanında- iş yeri, tədris müəssisəsi, daimi ya-
şayış yerində aparılmalıdır.
Mühafizə qurğuları mühəndis tikintisi olaraq əhalinin nüvə,
kimyəvi bakterioloji və adi siılahların tətbiqi zamanı mühafizə
üçün nəzərdə tutulur. Mühafizə xüsusiyyətlərindən asılı olaraq
qurğular sığınacaqlara, radiasiya əleyhinə daldanacaqlara
(RƏD), həmçinin sadə qorunacaqlara bölünür. Sığınacaqlar və
RƏD sülh vaxtı əvvəlcədən hazırlanır. Belə qurğular əhalinin
say tələbatına uyğunlaşdırılaraq işçi vəziyyətdə saxlanılmalı və
mülki müdafiənin xəbərdarlıq siqnalı vaxtı ən qısa zaman
ərzində əhali tərəfindən tutulmalıdır. Sığınacaqlar və RƏD əha-
linin mühafizəsi üçün yetərli tutuma malik olmadıqda düşmən
hücumu təhlükəsi yarandıqda hazır inşaat elementlərindən, kər-
pic və betondan, taxta materiallardan sığınacaqlar tikilməli, zir-
zəmi, qazma, tərəvəz anbarları və digər bu növ tikililər RƏD
kimi hazırlanmalı, həmçinin sadə qorunacaqlar yaradılmalıdır.
