Tekstil beton tayyorlash uchun komponentlar. Matritsa.
Tekstil beton matritsasi oddiy betonga nisbatan nafaqat tarkibi, balki reologik xossalari bilan ham farqlanadi. Tekstil betonda to‘ldiruvchi sifatida asosan mayda to‘ldiruvchi bo‘lgan qumdan foydalaniladi. Bog‘lovchi modda sifatida odatda portlandsementdan foydalaniladi. Mayda to‘ldiruvchi, bog‘lovchi va suv miqdori hal qiluvchi omil bo‘lib, matoning shimilishiga va bu bilan materialning sifatiga katta ta’sir ko‘rsatadi. Bundan tashqari bir qatorda yangi betonning konsistensiyasi ishlab chiqarish jarayoniga bog‘liqdir. Quyish, laminatsiyalash yaxshi oquvchanlikni talab qiladi va buning oqibatida qolip to‘ldiriladi va zarur geometrik shakl tayyorlanadi. Foydalaniladigan armaturalovchi materialning turiga qarab shishaning korroziyasini kamaytirish maqsadida betonning ishqoriyligini boshqarish mumkin (2.9, 2.10-jadvallar).
