Kompozitsion materiallarning zamonaviy texnologiyalari

3.17-jadval

Ayrim materiallarning salqilik moduli

№	Ashyo nomi	Salqilik moduli, MPa (10^5)	№	Ashyo nomi	Salqilik moduli, MPa (10^5)
1	Po‘lat	2-2,2	6	Poliefirli shisha plastiklar	0,1-0,31
2	Alyuminiy	1-1,2
3	Shisha	0,47-0,82	7	To‘ldirgichsiz plastmassalar	0,001-0,045
4	Granit	0,24
5	Yog‘och	0,063-0,14

Polimer qurilish materiallarini ishlab chiqarilishi va ishlatilish haroratining ta’siri bilan uzluksiz bog‘liq hisoblanadi. Plastmassalar juda yaxshi dielektrik bo‘lib, ularning bu xususiyati elektr o‘tkazgichlarda, elektroarmaturalarda va maxsus jihozlashda qo‘llash imkoniyatini beradi.
Ko‘pchilik polimer materiallar yonish xususiyatiga ega. Agar material 750⁰C gacha qizdirilganda yonmasa va sinashdan keyingi yo‘qotilgan massa 10% dan kam bo‘lsa ushbu material yonmaydi deb hisoblanadi. Yonmaydigan materiallarga ftoroplastlar, perxlorvinil materiallar misol bo‘la oladi. Kerakli paytda polimerli materiallarning o‘tga chidamligi maxsus antipiren qo‘shimchalar shuningdek
mineral to‘ldirgichlar, turli plastifikatorlar kiritib oshiriladi.
Polimer materiallar qurilishda faqatgina ularning zarar keltirishi darajalari aniqlangandan so‘ng ishlatish mumkin. Agar zararli moddalarni chiqarish miqdori belgilangan me’yordan oshsa, plastmassa zararlilar qatoriga kiritiladi. Polimerlarni olishda kimyoviy jarayonlarning oxirigacha etkazilmaganligi natijasida atseton, benzol, fenol, furfurol, xlor, vinilatsetat va boshqalar kabi zararli moddalar ajralib chiqishi mumkin. Zararlilik va tozalik ko‘rsatgichlari pollar, shiftlar, uning ichki devorlarini qoplashda ishlatiladigan polimer materiallar uchun ayniqsa katta ahamiyatga ega.