Kompyuter lingvistikasi

Deep Blue tizimi - IBM kompaniyasi tomonidan ishlab chiqilgan shax-mat bo‘yicha superkompyuter. Deep Blue 1997-yil 11-mayda shaxmat bo‘yicha jahon chempioni Garri Kasparov ustidan g‘alaba qozondi. «Deep Blue» nomi «Deep Thought» («Chuqur mulohaza, tafakkur» ma’nosini ang-latadi) loyihasiga aloqadordir.

MYCIN tizimi - bir qator kasalliklarga shifokor singari to‘g‘ri tashxis qo‘yishni ta’minlaydi.

20Q - «20 savol» klassik o‘yini asosida yaratilgan loyiha bo‘lib, u sun’iy intellekt bo‘yicha o‘tkazilgan dastlabki tajribalardan biridir. Bu o‘yin muallifi Robin Byorgenerdir. Bunda foydalanuvchidan biror obyektni topishso‘raladi, so‘ng foydalanuvchiga 20 ta savol beriladi, berilgan javoblardan kelib chiqqan holda o‘sha narsa topiladi. Ayniqsa, bu tizim Internet paydo bo‘lgandan so‘ng juda mashhur bo‘ldi (http://www. 20q.net sayti mavjud).

• 
  Via Voice - nutqni tovush orqali tanish tizimi.
  
• 
  Robo.Cup - har yili soddalashtirilgan futbol bo‘yicha robotlar turniri. Sun’iy intellekt tizimini baholash bo‘yicha 2 xil nuqtayi nazar mavjud:
  

1) sun’iy intellektni inson tafakkuridan ko‘ra kuchliroq, deb baholash. Ush-bu qarash tarafdorlari sun’iy intellekt inson intellektiga qaraganda ko‘proq operatsiyalarni qisqa muddatlarda bajarishi mumkin, deb hisoblaydilar; 2) sun’iy intellekt inson tafakkuridan, intellektidan kuchsiz. Bu yo‘nalishdagi olimlarning fikricha, sun’iy intellektning imkoniyatlari cheklangan bo‘ladi, u faqat programmaviy ta’minot asosida muayyan sohalarda ishlaydi, lekin u insonning bilish qobiliyatining, tafakkurining barcha qirralarini qamrab ololmaydi. Buni Jon Syorl tomonidan o‘tkazilgan «Xitoy uyi» nomi bilan mashhur bo‘lgan semantik eksperiment ham tasdiqlaydi. Olim bu tajribasi-ni 1980-yilda «Minds, Brains and Programs» («Tafakkur, miya va program-malar») nomli maqolasida e’lon qildi. J.Syorlning fikricha, kompyuter sin-taktik qoidalarni algoritm nazariyasi orqali formallashtira oladi, lekin se-mantika, tajakkurni to‘la modellashtirishga dasturlar ojizlik qiladi.⁹⁴ Xuddi shu pjxzitsiyada turgan olimlardan yana biri Rodjer Penrouz o‘zining «Qirol-ning yangi aqli» kitobida tafakkurni formal tizimlar asosida mutlaq model-lashtirishning imkonsizligini bayon qilgan.
Ayrim olimlar sun’iy intellekt bo‘yicha erishilayotgan yutuqlarning ke-yingi oqibatlaridan qo‘rqmoqdalar. AQSHda Sun’iy intellekt singular insti-tuti (SIAI) tadqiqotchisi E.Yudkovskiy insoniyatni sun’iy intellektlar bilan bog‘liq global xavf kutayotganidan ogohlantiradi. Olimning fikricha, agar kelajakdagi sun’iy intellekt tizimiga insonlarga nisbatan do‘stlona munosa-batda bo‘lishini ta’minlovchi dastur o‘rnatilmasa, butun insoniyat uchun katta xavfpaydo bo‘ladi.⁹⁶ Ilmiy fantastik asarlar muallifi Veror Vinj ham sun’iy intellektlar tizimi to‘la yaratib bo‘lingan paytda jamiyatda keskin o‘zgarishlar bo‘lishi haqida yozgan. Bu davr ilmiy adabiyotlarda texnologik singularlik deb atalmoqda. Hatto futurologlarning fikricha, bu davr 2030-yilda boshlanadi Sun’iy intcllektga doir izlanishlar XX asrning 40-yillarida boshlangan. Sun’iy intellekt muammosiga bag‘ishlangan tadqiqotlarning eyforiyasi davrida «Mashina fikrlay oladimi?», «Mashina o‘z yaratuvchisidan aqlliroqmi?» sarlavhalarida maqolalar e’lon qilindi. «Mashina fikrlay oladimi» (1950) sarlavhali maqolaning muallifi ingliz olimi Alan Tyuring mashina imkoniya-tini insonning aqllilik darajasi bilan qiyoslash protscdurasini ishlab chiqdi, u «Tyuring testi» deb nomlanadi. Ushbu empirik test g‘oyasi 1950-yilda «Mind» falsafiy jurnalida «Hisoblash mashinalari va tafakkxir» (Computing Machinery and Intelligence) nomli maqolasida e’lon qilindi. Bu testdan ko‘zlangan maqsad sun’iy tafakkurning inson tafakkuriga yaqin kelishi mumkinligini aniqlash hisoblanadi. Unga ko‘ra, inson bir kompyuter va bir inson bilan o‘zaro munosabatga kirishadi. Savollarga javob berish asosida u kim bilan (inson bilanmi yoki kompyuter dasturi bilanmi) gaplashayotga-nini aniqlashi lozim bo‘ladi. Kompyuter dasturining va/ifasi esa insonni xatoga yoi qo‘yishiga, noto‘g‘ri tanlov qabul qilishiga majbur qildirish sanaladi. Barcha ishtirokchilar bir-birini ko‘rmaydilar.
TURING TESTidagi savol-javob namunasi:
Q: Please write me a sonnet on the topic of the Forth Bridge.
A: Count me out on this one. I never could write poetry
Q: Add 34957 to 70764
A: (Pause about 30 seconds and then give answer as) 105621.
Test natijasida A.Tyuring shunday xulosaga keladi: «Mashina (komp­yuter) kelajakda 10 gegabaylli xotira bilan insonni 5 minut ichida 30% ga chalg‘itishi mumkin bo‘ladi».
Avtomatlashtirilgan ekspert tizimlar mantiqiy masalalarni kompyuter yordamida yechishga imkon beradi. Mazkur tizimlar ma’lum sohadagi bi-limlar majmuiga asoslangan implikativ qoidalar - «agar .. .sa, u holda ...» qolipidagi mantiqiy qoidalarni o‘z ichiga oladi. Masalan, MYCIN ekspert tizimi shifokorlarga qon tarkibidagi bir qancha bakterial infeksiyalarga tash-xis qo‘yishda va ularga mos davolash metodini tanlashda yordam beradi.
MYCIN tizimining kompyuter dasturi dastlab simptomlar asosida kasalning holati haqida fikr yuritadi, so‘ng mikroorganizmning kasallik qo‘zg‘otish tabiatiga mos keluvchi tashxisni aniqlaydi, bundan so‘ng infeksiya sababini aniqlab, bir yoki bir nechta muqobil davolash usullarini tavsiya etadi.
Tabiiy tilda kompyuter bilan muloqot qilishni ta’minlashga yordam beradigan dasturlar (lingvistik protsessorlar) ham yaratilmoqda. XX asrning 70-yillarida AQSHda kompyuter bilan cheklangan muloqotni ta’minlaydigan tabiiy tilli interfeys tizimi (LIFER - Language Interface Facility with Ellipsis and Recursion) yaratildi. 1985-yilda «Semantek» kor-poratsiyasi tomonidan Q&A dasturi, «Karnegi gruppa» kompaniyasi to-monidan Language Craft dasturiy ta’minoti ishlab chiqildi." Bu turdagi dasturlar hozirda ingliz tilining standartlashgan so‘zlashuv uslubida uncha katta bo‘lmagan lu’g‘at zaxirasi bilan ishlamoqda. Tabiiy tilni tushunishga imkon beruvchi dasturlarning qamrovini kengaytirish kompyuter lingvis-tikasining dolzarb vazifalaridan biridir. Bunday dasturlarni rivojlantirish inson kabi muloqot qila oladigan, erkin kommunikatsiyaga kirisha oladi-gan sun’iy intellekt g‘oyasining istiqbolini belgilaydi.
Sun’iy intellekt yo‘nalishidagi tadqiqotlar sirasiga «ekspert tizimlar» yoki «neyron tarmoqlar» bo‘yicha olib borilgan amaliy tadqiqotlar ham kiradi. Mazkur ikki yo‘nalishga nisbatan «kompyuter intellekti» («computer intel­ligent) termini ishlatilmoqda, bunda inson tafakkurini global modellash-tirish jarayoni hamda murakkab masalalarni operativ tarzda yechishga mo‘ljallangan avtomatlarning yaratilishi tushuniladi.
Sun’iy intellekt tizimi bo‘yicha izlanayotgan mutaxassislar inson ta-fakkuri, ong-u shuurining barcha qirralarini modellashtirish masalasi im-konsiz qolayotganligini ta’kidlamoqdalar. Mazkur jihatlar sirasiga inson-ning ichki dunyosi, intuitsiyasi, ong osti jarayonlari, ilhom kabi sirli feno-menlarni aytish mumkin.
Inson miyasi murakkab biologik to‘r hisoblanadi, u yuz mlrd nerv tolalaridan - neyronlardan tarkib topgan. Neyronlarning bir-biriga uzviy alo-qadorligi, zanjirli bog‘lanishi natijasida miya faoliyati me’yoriy darajada ishlaydi. Zamonaviy sun’iy neyron tarmoqlar inson miyasidagi neyronlar modeli asosida yaratilmoqda. Hozirgi kunda neyron tarmoqlar bir qator amaliy masalalarni hal etishda keng qo‘llanilmoqda. Jumladan, ob-havo prognozini aniqlashda, obrazlarni tanishda (xususan, og‘zaki va yozma nutqni aniqlashda), robotlarni boshqarishda, tibbiyotda tashxis qo‘yishda ishlatilmoda. Amerikaning NASA kosmik agentligida neyron tarmoqladan fazoda robotlarni boshqarish, hududga tasodifan kelib tushgan obyckt-larni tutishda foydalanilmoqda. «General Dynamics» kompaniyasi esa dvi-gatel shovqiniga qarab kemalarni tanishga imkon beruvchi tizim ishlab chi-qishdi. AQSH Pensilvaniya universitetida uchuvchi obyektlarni (NUJ) aniqlash uchun neyron tarmoqlar tizimi yaratildi.
Neyron tarmoqlarining ishlash tizimi matematik ifodalar yoki mantiqiy qoidalarga asoslanmaydi, balki namuna (example based approach) asosida o‘qitishga asoslangan. Bunda muayyan masalani yechish uchun namunalar (misollar), ya’ni o‘qituvchi tanlamalar tayyorlanadi va tarmoq shu asosda tekshiradi. Bunda turli xil metodlardan foydalaniladi. Eng keng tarqalgan mctod - bu dastlabki yechim va sinov natijalarini e’tiborga olgan holda neyron tarmoqlari strukturasini korrektirovka qilishga asoslangan metod (back propagation method) bo‘lib, unda oldindan ko‘plab o‘qitish tanlama-lari tayyorlab olinadi, u o‘z bazasidagi mavjud ma’lumotlarni yangi kiriti-layotgan o‘qituvchi namuna-tanlamalar bilan solishtiradi. Agar ma’lumotlar bir-biriga mos kelsa, neyron tarmoqlari strukturasida korrektirovka amalga oshirilmaydi. Faqatgina ma’lumotlar bir-biriga muvofiq kelmaganda korrektirovka yuz beradi. Shundan so‘ng neyron tarmoqlarida muayyan amaliy vazifani hal etish tizimi to‘la shakllanadi.
Sun’iy intellekt tizimiga doir amaliy ishlardan biri ekspert tizimlari hisob-lanadi. Ekspert tizimi - bu muayyan sohadagi eksperllik yoki mavjud bilimlarning imitatsiyasi tarzida yaratilgan kompyuter dasturi. Boshqacharoq aytganda, ekspert tizimi maxsus sohaga oid barcha bilimlar jamlangan qo-mus yoki o‘ta professional ekspertlarning kompyuter modelidir. Ekspert tizimlari odatiy kompyuter dasturlaridan farq qiladi. Odatiy kompyuter dasturlari qidiruv tizimi, hisoblash va manipulyatsiya tizimigagina ega bo‘ladi. Ekspert tizimlari mazkur jihatlardan tashqari, xuddi insonlarda bo‘lgani kabi dalillarga tayanib muhokama yuritish imkoniyatiga ham egadir. Eks­pert tizimlarining asosiy ikkita tarkibiy qismi mavjud: ma’lumotlar ombori va mantiqiy mashina.
Ekspert tizimlari konsepsiyasi Stenford universiteti professori Eduard Feygenbaum nomi bilan bog‘liq bo‘lib, u 1977-yilda murakkab mantiqiy masalalarni yechishda kompyuter dasturlarining samaradorligi formallash-tirish va dasturlash texnikasidan ko‘ra muammoli sohaga doir bilimlar bazasiga bog‘liq ekanligini asoslab berdi. Dastlab ekspert tizimlari diagnostika va kasallikni davolash sohasiga tatbiq etildi. Ekspert tizimlari keyinchalik kimyo, biologiya, geologiya sohalarida ham qo‘llanila boshlandi.
Ekspert tizimlariga bilimlar bazasini kiritish uchun simvolli ma’lumotlarga ishlov berishga xizmat qiladigan LISP, REFAL, PROLOG kabi sun’iy tillardan foydalanilmoqda. Bu tillar evristik bilimlar va manti-qiy xulosalarni yuzaga chiqarishda eng qulay programmalashtirish tillari hisoblanadi. Bunda yagona qabul qilingan bilimlar bazasi uchun deklarativ formalizm hamda qaror qabul qilish tizimi uchun protsedura tizimi qo‘llaniladi.
Ekspert tizimlari ichiga ekspertlar hamda bir qator yordamchi programmalar kiradi:

• 
  savol-javobli dastur foydalanuvchi bilan tabiiy tilda munosabatga kirishishni ta’minlab beradi;
  
• 
  bilimlar ombori dasturi foydalanuvchiga bilimlar bazasiga
  o‘zgartirishlar kiritish hamda toidirib, boyitib borishga imkon beradi;
  
• 
  tushuntiruvchi dastur - javoblar tizimini tekshiradi;
  
• 
  interpretator-dastur muayyan sohadagi terminlarni sharhlash, izohlash-ga yordam beradi;
  
• 
  ijro etuvchi dastur barcha tizimlar ishini ta’minlab beradi.
  

Yuqorida aytilganidek, ekspert tizimlari deklarativ va protsedurali bosqichlar.asosida ishlaydi. Deklarativ bosqich - bu ekspert tizimiga kiritilgan bilimlar bazasi bo‘lsa, protsedurali bosqich ekpert tizimlarining mavjud bi­limlar bazasiga tayanib hukm chiqarish va aniq qaror qabul qilish bosqichi-ni o‘z ichiga oladi. Ekspert tizimlarining ishlash prinsipiga doir bir misol keltiraylik. Masalan, qanday sababga ko‘ra avtomobildagi benzonasosdan benzin ajralishi qisqarmoqda?
Bu holat bo‘yicha ekspert tizimlariga kiritilgan deklarativ bilimlar qu-yidagilar: klapanning tiqilishi, filtrning axlatga to‘lganligi, klapan tepa qismining ifloslanganlgi, nasos membranasining zararlanganligi. Agar ben­zonasosdan benzin ajralishi yetarli bo‘lmasa, u holda kiritish shlangi axlat­ga to‘lib, tiqilib qolgan bo‘lishi mumkin kabi.
Informatsiya shiddat bilan ko‘payib borayotgan bugungi davrda ekspert tizimlarining bilimlar bazasini uzluksiz to‘ldirib, yangi bilimlar bazasi bi­lan boyitib borish birlamchi vazifa bo‘lib qolmoqda. Chunki vaqt o‘tgan sari mavjud bilimlar eskirib, talabga javob bermay qolishi mumkin, shunda ularni yangi va qo‘shimcha ma’lumotlar bilan to‘ldirish joiz bo‘ladi. Bilim laming mavjud holatlar bilan muvofiqligi hamda bilimlar bazasining bo-yitilishi ekspert tizimlarining tushuntiruvchi programmalari asosida amal-ga oshiriladi. Hatto keyingi paytlarda bilimlar bazasi bilan shug‘ullanuvchi maxsus yo‘nalish ham shakllandi. Bu yo‘nalish «bilimlar injenerligi» («Knowledge Engineering») deb ataladi.

• 
  Bilimlar injenerligi kognitiv lingvistika, kompyuter semantikasi va komp-yuter lingvistikasining yutuqlariga tayanadi. Bunda informatsiya va bilim­lar strukturasiga oid bo‘lgan semantik tarmoq, freym, senariy, Word-net kabi tushunchalar va ularning tatbiqi muhim hisoblanadi. Semantik tarmoq borliqni so‘zlar va ularning semantik munosabatlari yordamida modellash-tirishga yo‘naltirilgan tizim hisoblanadi. Semantik tarmoq aniq belgilan-gan uzellar (obyektlar kesishadigan joy) va dugalar (semantik munosabat-larning biri ikkinchisiga ta’sir ko‘rsatadigan nuqta) munosabatdorligi asosida modellashtiriladi. Semantik tarmoq g‘oyasi kompyuter texnologiyalarida-gi lokal va global tarmoq nazariyasi ta’sirida kelib chiqqan. Uzellar muay­yan obyektlarga, muayyan sohaga oid tushunchalarga, dugalar obyektlar o‘rtasidagi semantik munosabatlarga aloqador tushunchalardir. Semantik tarmoq ikki qismdan tashkil topadi: 1) mavhum tarmoq; 2) aniq tarmoq. Mavhum tarmoq umumiy tushunchalar orqali ifodalanadigan (zamon, ma-kon, miqdor, sifat kabi) bilimlar fondini o‘z ichiga oladi; 2) aniq tarmoq mavhum tarmoq tarkibiga kiruvchi tushunchalarning real obyektlarini va konkret bilimlar fondini o‘z ichiga oladi.
  

Semantik tarmoq tizimi quyidagi munosabatlarni o‘rnatish orqali yara-tiladi:

1. 
   To‘plam va obyekt o‘rtasidagi munosabat (muayyan obyekt aniq to‘plamga mansub bo‘ladi) tasnif munosabati deyiladi. Masalan, «Sharik it hisoblanadi» holati kabi. Ba’zan ushbu munosabat Member Of, Instance Of deb ham yuritiladi.
   
2. 
   Tur va jins o‘rtasidagi munosabat AKO - «A Kind Of», «Subset Of» («turlaridan biri») deb ataladi. Masalan: «It hayvon hisoblanadi» holati kabi. Sistem leksikologiyada tur uchun giponim (it), jins uchun giperonim (hayvon), tur-jins munosabati uchun giponimiya terminlari qabul qilingan.
   
3. 
   Butun va qism o‘rtasidagi munosabat sistem leksikologiyada mexit nimiyii termini bilan ataladi. Masalan, kompyuter - butun; monitor, klavia-tura, sichqoncha, protsessor kabilar - qismdir. Butun uchun xolonim, qism uchun meronim atamalari ishlatiladi. Demak, motor - avtomobil uchun meronirjfi, avtomobilning o‘zi esa motor uchun xolonim sanaladi.
   

Bilimlar strukturasiga oid tayanch tushunchalardan yana biri freym hisob­lanadi: Freym (inglizcha «frame» - «karkas», «ramka», «skelet» ma’nolarini anglatadi) - sun’iy intellekt tizimida bilimlarni, stereotip (juda ko‘p kuzatiladigan, tipik) vaziyatlarni gavdalantirishning bir usuli sanala­di. Ya’ni freymga modellashtirilayotgan hodisa, vaziyat va jarayonlarni umumlashtirilgan holda joylashtirish mumkin. Freym - mavhum obraz modeli bo‘lib, muayyan obyekt, voqea-hodisa, vaziyat va jarayonlarning formal tavsifi demakdir (masalan, restoranga borish, shifokor qabulida bo‘lish, ma’ruzalarga qatnashish, tug‘ilgan kun, futbol o‘yini kabi tipik vaziyatlar). Dastlab «freym» termini XX asrning 70-yillarida Marvin Mins-kiy tomonidan olamning kompyuter modelini o‘z ichiga oluvchi bilimlar strukturasiga nisbatan ishlatilgan.¹⁰² Shundan so‘ng freym semantikasi kon-sepsiyasi (frame semantics) amerikalik tilshunos Charlz Fillmor tomonidan rivojlantirildi. Mazkur konsepsiyaga ko‘ra, so‘zlar, so‘z birikmalari, gap-lar, matn ma’nosi sahnalar bilan uyg‘unlashtirilgan, shartlangan bo‘ladi. Bir freym boshqa bir freymning davomi yoki tarkibiy qismi bo‘lishi mumkin. Ch.Fillmorning qarashlariga L.Tenyening aktantlar (fe’lning bo‘sh o‘rinlarini to‘ldiruvchilar) haqidagi g‘oyasi katta ta’sir ko‘rsatgan. Fillmor-ning Case (kelishiklar) g‘oyasiga asosan aktantlar (fe’lning hamrohlari) fe’l yordamida ifodalanadigan holat yoki harakat munosabatlaridagi bajarila-digan «rollar» sifatida talqin qilinadi. Ch.Fillmor ajratgan kelishiklar quyi-dagilar:

1.