Ko’phadlarning haqiqiy ildizlarini aniqlash haqidagi teoremalar

3.Reja; Ko'phadning haqiqiy ildizlarini sonini topish.
Haqiqiy koeffisientli f(x) ko'phadning haqiqiy ildizlarini sonini topish masalasini ko'raylik.Quyida biz musbat ildizlar soni, manfiy ildizlar soni va avvaldan berilgan a va b sonlar orasidagi ildizlar sonini topish masalasini ko'ramiz.Bu masalalarga bir muncha sodda bo'lgan Shturm metodini qo'llab javob beramiz.Noldan farqli bo'lgan haqiqiy sonlarning birorta tartiblangan sistemasi, masalan
1, 3, - 2, - 5, 6, 1, 3, -1, -1, 4, 1 (1) berilgan bo'lsin, Bu sonlarni ishoralarini yozib chiqaylik:
+ , + , - , - , + , + , + , - , - , + , + (2)
Biz bu ishoralar sistemasida qarama-qarshi ishoralar 4 marta almashganini, ketma-ket turganini ko'ramiz.Shu sababli (1) tartiblangan sistemada 4 marta ishora o'zgaradi (almashadi ) deyiladi. Demak noldan farqli haqiqiy sonlarning ixtiyoriy tartiblangan chekli sistemasi uchun ishora almashishlar sonini har doim topish mumkin. Haqiqiy koeffisientli f (x) ko'phad berilgan bo'lsin va u karrali ildizga ega emas deb faraz qilaylik.Agar f (x) ko'phad karrali ildizlarga ega bo'lsa, u holda uni o'zi bilan hosilasining eng katta umumiy bo'luvchisiga bo'lib yuborib har doin karrali ildizga ega bo'lmagan ko'phadni hosil qilishimiz mumkin.

Shturm teoremasi ko’phadning haqiqiy ildizlari soni haqidagi masalani batamom hal qiladi. Ammo Shturm sistemasini tuzish jarayonida hisoblashlarning uzundan - uzoqligi uning muhim kamchiligidan iborat, bunga yuqorida keltirilgan misollardan ham ko'rish mumkin. Shu sababli, hozir haqiqiy ildizlarning sonini aniq bermasa ham, bu sonni yuqoridan chegaralovchi (baholovchi) ikkita teorema isbotlaylik. Grafikdan foydalanib haqiqiy ildizlar soni quyidan chegaralangach, tatbiq qilinadigan bu teoremalar Shturm metodiga murojaat etmay turib ham haqiqiy ildizlarning aniq sonini topishga ba’zan imkon beradi. n — darajali haqiqiy koeffitsientli f (x) ko’phad berilgan bo’lsin, shu bilan birga u karrali ildizlarga ega bo’lishi ham mumkin deylik. Uning ketma - ket hosilalari f (x) = f ⁽⁰⁾( x) , f '(x), f "(x),..., f^(n—1)(x), f ⁽ⁿ⁾( x) (1)

sistemasini qaraylik; ulardan oxirgisi f (x) ko’phadning - yuqori koeffitsientini n! ga ko’paytmasiga teng bo’lgani uchun har doim o’zgarmas ishora saqlaydi. Agar c haqiqiy son (1) sistemadagi birorta ham ko’phadning ildizi bo'lmasa, u holda S (c) orqali ushbu
f (c), f' (c), f" (c),...., f^(n—1)(c) , f ⁽ⁿ⁾(c)
tartiblangan sonlar sistemasidagi ishora o’zgarishlar sonini belgilaymiz. Shunday qilib, (1) sistema ko’phadlarining birortasini ham nolga aylantirmaydigan barcha x lar uchun aniqlangan butun sonli funksiya S (x) ni qarash mumkin.
S (x) son x o’sishi bilan qanday o’zgarishini o'rganaylik. f^(k)(x), 1 < k < n — 1 hosilalardan birortasining ildizidan o’tishi. a son f (x) ko’phadning l karrali ildizi bo’lsin, l > 1, ya’ni f (a) = f'(a) =... = f^(l—1) (a) = 0, f^(l) (a) * 0 bo'lsin. s shunday kichik musbat son bo’lsinki, (a — s,a + s) oraliq f (x), f' (x),...., f^(l—1)(x) ko’phadlarning a dan tashqari birorta ham ildizini o’z ichiga olmasin, shuningdek f^{(l )}(x) ko’phadning ham birorta ildizini o’z ichiga olmasin.