5. Hasan ibn al-Haysamni nima uchun “optika otasi” deb atashadi? Oʻquvchilar
olimning nazariyasiga asosan uni shu nom bilan atalishini
tushunib aytib berishi lozim.
6. Fotokameraning yaratilishiga turtki boʻlgan tajriba haqida gapiring. Bu savol audiomatnda eksplitsit ifodalangan maʼlumotni topishga qaratilgan.
Oʻquvchilar tajriba aytilgan qismni yodga olib, uni berilgan rasm asosida ketma-
ketlikda aytib berishlari lozim.
7. Hasan ibn al-Haysam oʻzining “Optika” kitobida koʻz haqidagi qanday maʼlumotlarni keltirgan? Oʻquvchilar
olim ushbu kitobda koʻz va uning tuzilishi borasida ham koʻplab tadqiqotlari hatto koʻzdagi nerv tolalarining suratlari ham berilganini tushunib
aytib bera olishi lozim.
8. Hasan ibn al-Haysam gʻarbda qanday nom bilan ataladi? Javob: Ibn al-Haysam Gʻarbda “Alhazen” nomi bilan mashhur boʻlgan. Yozma nutq. Berilgan gaplarni shunday tartib bilan yozingki, ular siz eshitgan audiomatn uchun reja vazifasini bajara olsin. Mazkur topshiriq oʻquvchilarning matn va uning tuzilishi, matn qismlarini
oʻzaro farqlash hamda matn mazmuni asosida reja tuzish koʻnikmasini
shakllantirishga qaratilgan. Oʻquvchilarga berilgan gaplar bilan tanishib, tinglagan
audiomatnlari asosida rejani ketma-ketlikda yozib olishlari aytiladi. Oʻquvchilar
topshiriqni bajarib boʻlgach, oʻqituvchi audiomatnni qayta qoʻyib eshittiradi.
Bajarilgan topshiriqlar tekshirilib, ularga munosabat bildirilishi lozim.
Javob: Qadimgi odamlarning koʻrish va yorugʻlik haqidagi tasavvurlari; Olimning koʻz va uning tuzilishi bilan bogʻliq qarashlari; Hasan ibn al-Haysam – optikaning otasi; Hasan ibn al-Haysamning tajribasi.
