KOʻZ NURINI ASRAYLIK
Nutqiy mavzuning maqsadi:
matnda berilgan maʼlumotlar va rasmlar
oʻrtasidagi bogʻliqlikni
aniqlash, mavzu yuzasidan berilgan savollarga mazmun
ketma-ketligini rejalashtirgan holda izchil va tushunarli tarzda ogʻzaki javob berish,
matn va uning tuzilishi, matn qismlarini oʻzaro farqlash, kichik sarlavhalar tanlash,
grafik koʻrinishda berilgan maʼlumotlarni oʻqiy olish, ularni bir shakldan ikkinchi
shaklga keltirish bilan bogʻliq nutqiy koʻnikmalarni mustahkamlash. Koʻrsatish
olmoshlari, feʼlning zamon va
shaxs-songa oid kategoriyalari, koʻz bilan bogʻliq
iboralar, kesim va uning ifodalanishi, olmosh va undan foydalanish bilan bogʻliq
bilimlarni rivojlantirish.
1-soat
Dars jarayoni
Kirish.
1. Insonlar his-tuygʻularni oʻzgalarga faqat soʻzlar orqaligina emas, balki
yuz ifodalari bilan ham yetkaza oladilar. Ayting-chi, koʻzlarimiz orqali ushbu
holatlarni qanday amalga oshiramiz? Mashq qilib koʻring.
2. “Koʻzimning nuri” ifodasi kimlarga nisbatan qoʻllanadi?
Asosiy qism.
Rasmda berilgan koʻz qarashlariga mos soʻzlarni toping.
Mazkur topshiriq oʻquvchilarning vizual aloqani tushunish,
unga mos til
birliklarini qoʻllashga qaratilgan. Oʻquvchilar berilgan rasmlarni kuzatib unda
qanday nigoh yashiringanligini aytishi lozim.
Bunda rasmning tartib
raqamlari doskada yozilib, oʻquvchilarning fikri
ketma-ket tinglanib, uni ifodalagan tushunchalar yozilishi maqsadga muvofiq.
Oʻqib tushunish.
Matnni oʻqing va savollarga javob bering.
Matn: “Koʻzlarimiz – eng aziz doʻstlarimiz”.
Manba: “Jajji akademik” jurnali.
Oʻquvchilar matn va koʻz haqidagi qiziq maʼlumotlarni oʻqib chiqqanlaridan
soʻng matn ostidagi savollar bilan suhbat boshlanadi.
