Lazar Markoviĉ Zamenhof kaj la Zamenhof-falsaĵaro Resumo

estas preskaŭ tute nekonata. El la 97 enciklopedioj de la mondo nur en unu estas Ludoviko 

(fi1) kiel antaŭnomo de Zamenhof kaj en unu estas la antaŭnomoj Lazaro Ludoviko (hu14). 

Pri la mistera vorto Ludoviko la leganto ekscios nenion, eĉ tion ne, ke ĝi devus esti Esperanta 

vorto. Tiu estas la sola vorto, kiu aperas kaj en la finna kaj en la hungara enciklopediaj 

artikoloj. Neinformita leganto eĉ tion povus konkludi, ke tiu Ludoviko estas praa finno-ugra 

vorto pruvanta la parencecon de tiuj lingvoj. 

 

Ne nur la antaŭnomoj Lazaro Ludoviko estas preskaŭ tute nekonataj ekster Esperantio, 

sed senbaza kredo estas ankaŭ tiu kredo, ke la Esperantan vorton Ludoviko oni tradukis, kaj en 

etnolingvaj tekstoj aperis ĝiaj asimilitaj formoj (Ludwig, Louis, ktp.). Fakte la falsaj nomoj 

disvastiĝis tute alimaniere. 

En la ekzameniitaj enciklopedioj mi trovis la jenajn 34 plum-antaŭnomojn de 

Zamenhof: Eleazar, L.,L.L., L. Ludowik, Lajos, Lazar, Lazar Ludwig, Lazar Markoviĉ, 

Lázaro Louis, Lazaro Ludovico, Lazarus, Lazarus Ludovic, Lazarusludwig, Lazarus Ludwig, 

Lejzer Ludovik, Lejzer Ludwig, Lejzer Ludwik, Ljudvig-Lazar, Ljudvik, Ljudvik Lazar, Louis, 

Louis Lazare, Louis-Lazare, Ludoviko, Ludoviko Lazaro, L'udovit Lazár, Ludowik, Ludwig L., 

Ludwig, Ludwig Lazarus, Ludwig Lejzer, Ludwik, Ludwik Lazar kaj Ludwik Lazarus. Nur tri 

el ili estas ĝustaj informoj: L., Lazar kaj Lazar Markoviĉ, kvankam menciindas, ke en 

enciklopedio nur la lasta, plena nomo akcepteblas. La aliaj 31 informoj estas falsaj, t. e. ili 

estas aŭ plum-antaŭnomoj aŭ nur fikciaj elpensaĵoj. Multaj el ili teorie povus esti 

diverslingvaj variantoj de la plum-antaŭnomoj, sed fakte ili estas false (aŭ tute ne) tradukitaj 

en la cel-lingvon. Pro la kaŝado de la fiksa, neŝanĝebla referencnomo ili estas nur falsaj, iel