Лекция. TÁRbiyaNÍŃ ulíwma metodlarí Jobası

11-ЛЕКЦИЯ. TÁRBIYaNÍŃ ULÍWMA METODLARÍ
Jobası;
10.1. Tárbiya formaları, metodları, usılları hám quralları túsinikleri
10.2. Shaxs sanasın qáliplestiriw metodları
10.3. Shaxstıń minez-qulqı hám xızmetin shólkemlestiriw metodları
10.4. Shaxstıń minez-qulqın motivaciyalaw hám qoshametlew metodları
10.1. Tárbiya formaları, metodları, usılları hám quralları túsinikleri
Tárbiyanı shólkemlestiriw formaları, onı klassifikatsiyalaw. Oqıwshılardı tárbiyalaw hár qıylı tárbiya formaların qollanıw nátiyjesinde ámelge asırıladı. Tárbiya formaların saylaw – tárbiyalıq jumıstıń mazmunı, tárbiyashınıń sheberligine hám tárbiya protsesine tásir etiwshi basqa da jaǵdaylarǵa baylanıslı boladı.
Tárbiyanı shólkemlestiriw forması - bul tárbiyalıq protsestiń hár qıylı elementleriniń ishki baylanısın sáwlelendiretuǵın hám tárbiyashımenen tárbiyalanıwshı arasındaǵı óz-ara qatnastı támiyinleytuǵın tárbiyalıq protsesti shólkemlestiriw usılları bolıp tabıladı.
Tárbiyanı shólkemlestiriw forması túsinigi keń hám tar maǵanada qollanıladı. Tárbiyanı shólkemlestiriw forması keń maǵanada qollanılǵanda, ayrım ótkeriletuǵın tárbiyalıq isler emes, al tárbiyanı shólkemlestiriwdiń pútkil protsesin túsinemiz.
Pedagogikalıq á`debiyatlarda tárbiyanı shólkemlestiriw formaların alıp qaraǵan waqıtta oqıwshılardıń shólkemleskenligine, tárbiyalıq protsessti klass, gruppa hám ayırım oqıwshılardıń qatnasıwında ótkeriliwine qarap bóledi. Usılardı esapqa alǵanda tárbiyanı shólkemlestiriwdiń - frontal yamasa massalıq, gruppalıq yamasa krujok, oqıwshılardı jeke isler menen shuǵıllandırıw formaları bar
Sońǵı waqıtları tárbiyanı shólkemlestiriw formaların tárbiya metodlarınıń tásirine qarap bólgenimizde tarbiyalawdıń awız-eki, praktikalıq hám kórsetpeli formalarıda kelip shıǵadı. Bul kórsetilgenlerden tısqarı, sońǵı waqıtları quwırshaq teatrı, slyot hám taǵı basqa formaları payda boldı. Tárbiyalıq jumıstıń tiykarǵı maqseti bul iste hár qıylı tárbiyalıq formaların paydalanıw bolıp esaplanadı.