Ólshew qateligi ólshew nátiyjesin anıq (haqıyqıy ) bahadan shetlesiwin (iyiliwin) ańlatiwshı ólshewdiń sapa kriteryası. Qadaǵalaw sorawları

Ólshew qateligi - ólshew nátiyjesin anıq (haqıyqıy ) bahadan shetlesiwin (iyiliwin) ańlatiwshı ólshewdiń sapa kriteryası.
Qadaǵalaw sorawları
1. “Metrologiya tiykarlari” pánin úyreniwdiń tábiy zárúrligi;
2. “Metrologiya tiykarlari” nıń pán retinde qáliplesip barıw procesi qanday keshken?
3. Qanday áyyemgi ólshew birliklerin bilesiz?
4. Pánniń rawajlanıwda ayriqsha úles qosqan alımlardan kimlerdi bilesiz?
5. Sapanıń virtual sxemasın túsintiriń?
6. Metrologiya páni qanday bólimlerden ibarat hám olar neni uyretedi?
7. “Metrologiya tuwrısında” Respublika nızamınıń tiykarǵı áhmiyeti nelerden ibarat?
8. Metrologiyaniń akciyomalarin túsintiriń?
9. Metrologiyaniń neshe postulati bar hám olardıń táriypleń?
10. Ólshewlerdiń qanday sapa kriteryaları bar hám olardı túsintiriń.

II BAP ÓLSHEWLERDIN` TEORIYALIQ TIYKARLARI
2. 1 Ólshew procesi hám ólshew ob'yektleri
Shamanıń sanlı ma`nisin ádetde ólshew ámeli menen ǵana tabıw múmkin, yaǵnıy bunda bul shama muǵdarı birge teń dep qabıl etilgen sol túrdegi shamadan neshe ret úlken yamasa kishi ekenligi anıqlanadı.
Ólshew dep, sonday salıstırıw, ańǵarıw, anıqlaw procesine aytıladi, ol jaǵdayda ólshenerlik shama fizikalıq eksperiment járdeminde, tap sol túrdegi, birlik retinde qabıl etilgen muǵdarı menen óz-ara salıstırıladı.
Bul táriypten sonday juwmaqqa keliw múmkin: birinshiden - ólshew bul hár túrlı shamalar tuwrısında informasiya payda etiw bolıp tabıladı; ekinshiden - bul fizikalıq eksperiment bolıp tabıladı; úshinshiden - ólshew processinde ólshenerlik shamanıń ólshem birliginiń isletiliwi bolıp tabıladı. Sonday eken, ólshewden maqset, ólshenerlik shama menen onıń ólshem birligi retinde qabıl etilgen muǵdarı arasındaǵı (ayırmashılıqtı ) koefficientti tabıw bolıp tabıladı. Yaǵnıy, ólshew processinde ólshewden názerde tutılatuǵın maqset, yaǵnıy ızleniwshi shama (bul sonday tiykarǵı shama, onı anıqlaw pútkil izertlewi, tekseriwi wazıypası, maqseti esaplanadı ) hám ólshew ob'yekti qatnasadı. Ólshew ob'yekti (ólshenerlik shama ) sonday járdemshi shama bolıp, onıń járdeminde tiykarǵı ızleniwshi shama anıqlanadı, yamasa bul sonday apparat, onıń járdeminde ólshenerlik shama salıstırıladı.
Sonday etip, úsh túsinikti bir-birinen ajrata biliw kerek: ólshew, ólshew procesi hám ólshew usılı.
Ólshew - bul ulıwma hár túrlı shamalar tuwrısında informasiya qabıllaw, ózgertiw bolıp esaplanadı. Bunnan maqset ızlenip atırǵan shamanı san ma`nisin qollaw, isletiw ushın qolay formada anıqlaw bolıp tabıladı.
Ólshew procesi - bul salıstırıw eksperimentin ótkeriw procesi bolıp tabıladı (salıstırıw qanday usılda bolmasin).
Ólshew usılı bolsa - bul fizikalıq eksperimenttiń anıq belgili struktura járdeminde, ólshew quralları járdeminde hám eksperiment ótkeriwdiń anıq jolı, algoritmı járdeminde atqarılıwı, ámelge asırılıw usılı bolıp tabıladı.
Ólshew ádetde ólshewden gózlengen maqsetti (ızlena-jatqan shamanı ) anıqlawdan baslanadı, keyin bolsa sol shama -dıń xarakterin analiz (analiz) qılıw tiykarında tikkeley ólshew ob'yekti (ólshenerlik shama ) anıqlanadı. Ólshew procesi járdeminde bolsa sol ólshew ob'yekti tuwrısında informasiya payda etinadi hám aqır-aqıbetde birpara matematikalıq qayta islew jolı menen ól-chash maqseti haqqında yamasa ızlenip atırǵan shama haqqında informasiya (ólshew nátiyjesi) alınadı.
Ólshew nátiyjesi - ólshenip atırǵan shamanıń san ma`nisin ólshew birligine kóbeymesi jol menende ańlatpalanadı.