M. agayev, D. C.ƏSGƏrov fiZİkadan laboratoriya iŞLƏRİNƏ RƏHBƏRLİK

Elektronun xüsusi yükünü təyin etmək üsullarından biri maqnetron üsuludur. Maqnetron üsulunun mahiyyəti aşağıdakından ibarətdir. Məlumdur ki, maqnit sahəsində hərəkət edən istənilən yükə, eləcə də elektrona Lorens qüvvəsi təsir edir və bu qüvvə ifadəsi ilə təyin edilir. Burada q - zərrəciyin yükü , - onun sürəti, - maqnit sahəsinin induksiyasıdır. Lorens qüvvəsinin istiqaməti « sol əl qaydası» ilə təyin edilir (Şəkil 1). Sol əlimizi elə tuturuq ki, induksiya xətləri ovcumuza daxil olsun və dörd barmaq sürət istiqamətində yönəlsin. Bu halda digər barmaqlara perpendikulyar yönələn baş barmaq müsbət yükə təsir edən Lorens qüvvəsinin istiqamətini göstərir. Mənfi işarəli yükə təsir edən qüvvə əks istiqamətə yönəlir.