M umarova, М. Nabiyeva

Imlo: b-p, t - d undoshlarining imlosi eslatiladi.
Tahlil: Nima uchun soydagi suv quridi? Soydagi suvning qurishida kim aybdor? Uni qanday bildingiz? Soyga suv kelishi uchun dehqon nima qildi?

Qisqartirib bayon yozishga tayyorlanish:

1. 
   Hikoyani to'liq qayta so'zlang.
   
2. 
   Hikoyadan dehqon haqida nima bildingiz? (Suvsizlikning yuzaga kelishi, dehqonning suvsizlikdan tashvishlanishi va shu tashvishdan qutilish uchun nima ish qilganini bayon qiling.)
   
3. 
   Hikoyani berilgan reja asosida bayon qiling. Rejaning har bir savoliga 2 -3 gap bilan javob bering.
   

Reja savollari:

1. 
   Dehqon tog'dagi daraxtlarni nima qildi? (2 ta gap)
   
2. 
   Bir yildan so'ng qanday voqea yuz berdi? (2 ta gap)
   

118

3. 
   Dehqon o‘z aybini qanday bildi? (3 ta gap)
   
4. 
   Qor soyga suv kelmagani uchun kimni aybladi? (2 ta gap)
   
5. 
   Qanday qilib soyga suv keldi? (2 ta gap)
   

Tayanch so'zlar: tanob, ancha-munchasini, toqqa.

Qulog'i yo'q ekan

Avtobus yuradigan yo'l tepalikdan o'tardi. Ko'chaning ikki tarafidagi o'tlar kechasi yog'ib o'tgan yomg'irdan yashnab ketgandi. Qizil, pushti, binafsha gullar ko'ngil ochardi. Sof havoda odam huzur qilardi. Qushlar tinmay sayrardi.

Avtobus tepada to'xtadi. Undan yo'lovchilar tushdi. Saodat ukasi Jasurning qo'lidan ushlab olgandi. Sal yurgach, Jasur opasining qo'lidan chiqib, pastga yugurdi. Olcha daraxti oldida to'xtadi. Olchaning novdasini sindirib oldi. Uning yaprog'i aralash hosilini sidirib tashladi. So'ng novdani havoda qilichdek o'ynata boshladi. Saodat Jasurning bu ishi uchun koyidi.
Jasur sakrab-sakrab bug'doyzorga kirdi. Qo'lidagi olcha novdasi bilan to'lishgan donlarni savalay ketdi. Ularning ketidan kelayotgan dehqon yigit:

• 
  Hoy bola, buyoqqa chiq! Donni nobud qilasan-ku!, - dedi.
  
• 
  Siznikimas-ku!, - dedi Jasur.
  

Dehqon jahl bilan Jasurga qarab yurgandi, Saodat ukasining qo'lidan tortdi.
Dehqon norozi bo'ldi. Saodatga ukasining qulog'i yo'qligini aytdi.
(125 so'z, 60 -70 so'z atrofida bo'lishi ham mumkin.)