Magistratura məRKƏZİ

Proqramın yerinə yetirilməsinin təşkili, idarə edilməsi və həyata keçirilməsi mərhələsində proqram təsdiq edilməli və proqramın tapşırıqları icraçılara çatdı­rıl­ma­lıdır. Bunun üçün təşkilati və iqtisadi məsələlər həll edilməli, tədbirlər həyata keçirilməli, proqramın gedişi nəzərə alınmalı, nəzarət və təhlil edilməli və qiymət­lən­dirilməlidir. Bundan başqa, proqramın həyata keçirilməsi nizamlanmalı və ko- ordinasiya edilməlidir.

Keyfiyyətin idarə edilməsi sahəsində təhsil proqramının funksiyaları, struk­turu və ixtisasın artırılması. Keyfıyyətin idarə edilməsi sahəsində təhsilin və ixtisasın yüksəldilməsində aşağıdakı xüsusi funksiyalar yerinə yetirilməlidir. Bunun üçün:

• 
  proqnozlaşdırma aparılmalı, kadrlara olan gələcək tələbatlar müəyyən­ləş­di­rilməli və planlaşdırılmalı;
  
• 
  tələblər normalaşdırılmalı;
  
• 
  keyfıyyət parametrləri və qiymətləndirmə üsulları müəyyənləşdirilməli;
  
• 
  tədris planlarının təşkili və yerinə yetirilməsi, həmçinin tədris proseslərinin aparılması üçün təhsil müəssisələri hazırlanmalı;
  
• 
  aparılan tədris prosesinin sabitliyi təmin edilməli;
  
• 
  bütün təşkilati, ideoloji, iqtisadi, metodiki və texniki tədbirlər əlaqə­lən­dirilməli;
  
• 
  tədris prosesinin metodiki təminatı aparılmalı;
  
• 
  yüksək keyfiyyətli əlaqəli tədris-metodiki materiallardan istifadə edilməli;
  
• 
  yüksək ixtisaslı pedaqoji kadrların hazırlanması təşkil edilməli;
  
• 
  təhsilin və ixtisasın artırılmasında keyfiyyət göstəricilərinin qoyulmuş tələblərdən kənarlaşmaları müəyyənləşdirilməli;
  
• 
  informasiya təminatına nail olmalı.
  

Proqramın strukturu və konkret məzmunu tərtib edilərkən pedaqoji kadrlar cəlb olunmaqla, sifarişçilərin təklifləri, ayrı-ayrı ekspertlərin və təhsil alanların təklfləri nəzərə alınmaqla ekspert üsulundan istifadə edilməlidir.

Eyni zamanda, sifarişçilərin, bəzi ekspertlərin və təhsil alanların təkliflərini nə­zərə almaq lazımdır. Belə proqramın struktur məzmunu və keyfiyyəti qiymət­lən­dirilərkən sistemli yanaşma üsulunu tətbiq etmək məqsədəuyğundur. Mütəxəssis hazırlığının və ixtisasın artırılmasının nəticəsi əhəmiyyətli dərəcədə istifadə edilən təhsil üsullarından asılıdır. Tədris prosesinin əsas məqsədlərinə yalnız ənənəvi üsul­­larla (mühazirələrlə, seminarlarla və s.) nail olmaq praktiki olaraq mümkün de­yildir. Məlum olduğu kimi, əhəmiyyətli səmərəni ənənəvi dərsin təhsilin aktiv üsul­ları ilə birgə aparılması verir. İxtisasını özü artıran, yaxud keyfıyyətin idarə edilməsini öyrənən mütəxəssis və tələbə qrupları bir qayda olaraq keyfıyyətin tə­min edilməsində və onun idarəçiliyində daha çox bilik və təcrübəyə malik olurlar.