“Tikiş sənayesində keyfiyyətin idarə edilməsi təminatının tədqiqi” mövzusunda yerinə yetirilmiş dissertasiya işi tamamlandırılmış və aşağıdakı kimi nəticə və təkliflər verilmişdir.
Dissertasiya işinin mövzusu müasir dövrün və bazar iqtisadiyyatı şəraitində baş vermiş yenilikləri tam əhatə edir.
Məhsulun keyfiyyətinə qoyulan tələblərin analizi daim diqqət mərkəzində olmuş və olacaqdır.
Aparılmış elmi axtarışlar nəticəsində keyfiyyətin analizi, idarə edilməsi yüngül sənaye sahələri üçün ən ümdə məsələlərdən biridir.
Əsas maraq keyfiyyət sisteminin layihələndirilməsi təşkilatı metodlardan biridir ki, o da dissertasiya işində geniş analiz edilmişdir.
Dissertasiya işində geniş tədqiqatlar və axtarışlar aparılmışdır, bu da məhsulun keyfiyyətinin səmərəliliyinin yüksəldilməsi deməkdir.
Sənaye sahələrində çalışan mütəxəssislər dissertasiya işi ilə tanış olduqdan sonra orada analiz edilmiş yeniliklərin istehsal sahələrində tətbiqinə və ümumilikdə məhsulun keyfiyyətini yüksəldilməsinə nail ola bilərlər.
Hazır məmulatların keyfiyyətinin qiymətləndirilməsi bir daha imkan verəcəkdir ki, əsasən tikiş sənayesi müəssisələri, şirkətləri və s. tərəfindən keyfiyyət göstəricilərinin yeniləşdirilməsinə və müasirləşdirilməsinə nail olunsun.
Dissertasiya işi verilmiş tapşırığı tam əhatə etməklə bazar iqtisadiyyatı şəraitində müasir tələblərə cavab verir.
