Mahalla va oila

“Farzandlaringizni izzat-ikrom qilish bilan birga axloq-odobini ham 
yaxshilanglar!”, “Hech bir ota o‘z farzandiga xulqu odobdan buyukroq 
meros bera olmaydi”, deyiladi hadisda.
 
Yana bir hadisda esa: “Mo‘min 
kishiga berilgan narsalarning eng yaxshisi chiroyli xulqidir”, deyilgani 
bejiz emas. Bobokalonlarimiz hamisha barkamol inson shaxsini 
tarbiyalashga intilganlar va o‘z farzandlari, mahalla yoshlari va butun 
jamiyatning tarbiyali bo‘lishi uchun kurashganlar.

---

189
O‘zaro kelishuv, otaning bolalarga va onaga mehr-muhabbati yuksak 
axloqli insoniy munosabatlari namunasi bo‘lib, ular bola qalbini larzaga 
keltiradi, yaxshi his-tuyg‘ular bilan to‘ldiradi, atrofni o‘rab turgan voqelikka 
samimiy munosabatni tarbiyalaydi. Bu bilan ota-onalar farzandlari oldida juda 
katta obro‘- e’tiborga sazovor bo‘ladilar. 
Buning uchun ota-onalar o‘z farzandlari o‘rtasida obro‘ga ega 
bo‘lishlari uchun quyidagi chora - tadbirlarni amalga oshirishlari zarur:
•
ota-onalar farzandlari davrasida obro‘ orttirish uchun ularning 
ruhiy dunyosiga kirib borishlari ayni muddaodir. Chin obro‘ga ega 
bo‘lmoqchi bo‘lgan har bir ota-ona qimmatli vaqtlarini o‘z 
norasidalaridan hech mahal ayamasliklari; 
•
oila davrasida ota-onalarning kuzatuvchanligi, ziyrakligi, sezgirligi, 
fahmliligi, hozirjavobliligi, samimiyligi muhim ahamiyatga ega ekanligi; 
•
ota-onalarning o‘z farzandlariga va oilaning boshqa a’zolariga 
(buva, buvi, kelin va boshqalar)ga mehribonligi obro‘ orttirishning eng 
muhim yo‘lidan biri ekanligi; 
•