«маркетинг фаолиятини таҳлил қилиш ва истиқболлаш»

Óz jubıńdı tap metodı
Bul metodtı da kishi toparlarda qollansa boladı. Bunıń ótkeriliw tártibi tómendegishe:
Bunda biz hár túrli reńli qaǵazlardan hár qıylı figuralardı jasaymız. Mısalı: tórtmúyeshlik, domalaq h.t.b. Sonday-aq, miywelerdi jasasaq ta boladı. Bul muǵallimniń sheberligine baylanıslı. Sol jasaǵan qaǵazlarımızdı dál ortasınan bólip alamız, soń bólgen qaǵazımızdıń bir tárepine soraw jazamız, ekinshi tárepine sol sorawdıń juwabın jazamız. Olardı bir ıdısqa salıp aralastıramız. Soń topar aǵzaları sol ıdıstan birewin ózi tańlap aladı. Keyin muǵallim soraw alǵan oqıwshıǵa alǵan sorawın oqıwın aytadı. Ol sorawdı oqıǵan soń basqa oqıwshılar onı tıńlap, sol sorawdıń juwabın alǵan oqıwshı durıs tawıp, ol da qolındaǵı qaǵazdaǵı juwaptı oqıwı kerek. Eger sorawǵa durıs juwap tabılsa, olar bir juplıq boladı. Qollarındaǵı qaǵazlardı alıp ekewin qurastırsa bir figura payda boladı. Tórmúyeshlik, domalaq yamasa miywelerden alma, almurt h.t.b. Onıń qanday nárse bolǵanın da oqıwshılarǵa taptırıwımız kerek. Mısalı, bunı Qospa sózlerdi tákirarlaw sabaǵında ótkersek boladı.
1. Qospa sózlerdiń sırtqı forması hám komponentlik quramına qaray túrlerin anıqlań? degen soraw alma formasında qıyılǵan reńli qaǵazdıń jartı tárepine jazıladı.
Juwabı: Qospa sózler sırtqı forması, komponentleriniń túri hám qosılıw dárejesine qaray 5 túrge bólinedi: 1) sostavlı sózler; 2) jup sózler; 3) tákirar sózler; 4) birikken sózler; 5) qısqarǵan sózler. Onı oqıwshılardıń ózleri tabadı.
Mına sorawlardı jazsaq boladı:
Álle qanday, hesh nárse, bazı bir, hár kim sózleri qospa sózdiń kaysı túri?
Juwabı: sostavlı almasıqlar.
Tákirar sózler qanday mánilerdi ańlatadı
Juwabı: Kúsheytiw, kóplik, dawamlılıq manilerin
Qısqarǵan qospa sózler qaysı sóz shaqabına tán?
Juwabı: Atlıq.
Jup hám tákirar sózlerdiń ózgesheligi?
Juwabı: Jup sózler túbiri hár qıylı sózlerdiń juplasıwınan, tákirar sózler birdey túbirdegi sózlerdiń tákirarlanıwınan jasaladı