«маркетинг фаолиятини таҳлил қилиш ва истиқболлаш»

S – pikirińizge sebep kórsetiń. Qospa sózler neshe sózden turıwına qaramastan uluwma bir máni ańlatadı. Gápte bir sorawǵa juwap berip bir gáp aǵzası xızmetinde keledi. Qospa sóz sostavındaǵı sózler belgili bir turaqlı tártipte qáliplesedi, olardı bir-birinen aeıratıwǵa yamasa ornın ózgertiwge bolmaydı.
M – kórsetken sebebińizdi dálillep mısal keltiriń. Mısalı: besatar (qospa sóz), bes kitap (sóz dizbegi), Taxtakópir (qospa sóz), taxta kópir (sóz dizbegi), sarı may (qospa sóz), ókshe kóteriw (turaqlı sóz dizbegi).
U– pikirińizdi ulıwmalastırıń. Demek, qospa sózdiń quramındaǵı komponentler arasında sintaksislik baylanıs sezilmeydi, sebebi tariyxıy rawajlanıwlar barısında sintaksislik baylanıs gúńgirtlesip, olar bir sózge aylanǵan, gápte tek bir gáp aǵzası xızmetin atqaradı.
Hárbir oqıwshı jeke túrde tarqatılǵan qaǵazdaǵı jeke túrde tarqatılǵan qaǵazdaǵı PSMUdıń 4 basqıshın óz pikirlerin jazba túrde bayanlaw arqalı tolıqtıradı.
3-basqısh:
– Hárbir tıńlawshı óz qaǵazların tolıqtırıp bolǵan soń, oqıtıwshı olardıń kishi toparlarǵa bóliniwin ótinish etedi yaki túrli toparlarǵa bóliw usıllarınan paydalanǵan halda oqıwshılardı (student) kishi toparlarga ajıratadı;
– oqıtıwshı hárbir toparǵa PSMU texnologiyasınıń 4 basqıshlı jazılǵan úlken formattaǵı qaǵazlardı tarqatadı;
– oqıtıwshı kishi toparlarǵa hárbir jazılǵan qaǵazlardaǵı pikir hám dálillerdi úlken formattaǵı qaǵazǵa ulıwmalastırılǵan túrde 4 basqısh boyınsha jazıwın aytadı.
4-basqısh:
– kishi toparlarda dáslep hárbir oqıwshı ózi jazǵan hárbir basqıshtaǵı pikirleri menen topar aǵzaların tanıstırıp ótedi. Topar aǵzalarınıń barlıq pikirleri úyrenilgennen soń kishi topar aǵzaları olardı ulıwmalastırıwǵa kirisedi;
– topar aǵzaları PSMUdıń 4 basqıshınıń hárbiri boyınsha uluwmalastırıp onı jaqlap shıǵıwǵa tayarlıq kóredi;
– pikirlerdi ulıwmalastırıw waqtında hárbir oqıwshı óz pikirlerin jaqlawı, dálillewi múmkin.
5-basqısh:
– kishi toparlar ulıwmalastırǵan pikirlerin qorǵaydı, topar basshısı hárbir basqıshın jeke oqıydı. Bazı bólimlerin dálillewi, yaǵnıy topardıń ne ushın bul pikrige kelgenin aytıp ótiwi múmkin.
6-basqısh:
– oqıtıwshı sabaqqa juwmaq jasaydı, bildirilgen pikirlerge óz qatnasın bildiredi. Tómendegi sorawlardı oqıwshılarǵa beredi.
Bul sabaqta nelerdi bilip aldıńız hám nelerdi úyrendińiz?
Bul texnologiyanı sabaqta qollanıw qanday nátiyje beredi?
Solay etip, qaraqalpaq tili muǵallimi oqıwshılarǵa yaki studentlerge tıyanaqlı bilim beriwde, teoriyalıq materialdı túsindiriwde temaǵa sáykes metodlardı durıs tańlay biliwi kerek. Bul ushın oqıtıwshı óz qánigeligi boyınsha lingvistikalıq túsiniklerdi hár tárepleme iyelegen bolıwı, materialdı túsindiriw usılın tereń biliwi lazım.