«маркетинг фаолиятини таҳлил қилиш ва истиқболлаш»

ÓZBEKISTAN RESPUBLIKASI XALIQ BILIMLENDIRIW MINISTRLIGI
ÁJINIYAZ ATINDAǴÍ NÓKIS MÁMLEKETLIK
PEDAGOGIKALÍQ INSTITUTÍ
QARAQALPAQ TILI HÁM ÁDEBIYATÍ FAKULTETI
QARAQALPAQ TIL BILIMI KAFEDRASÍ
QARAQALPAQ TILI HÁM ÁDEBIYATÍ SÍRÍTQÍ BÓLIM TÁLIM BAǴDARÍ
3-V topar talabası
Berdibaeva Qundiz
Qaraqalpaq tilin oqıtıw metodikası páninen
KURS JUMÍMÍSÍ

Tema: QARAQALPAQ TILI PÁNINEN QOSPA SÓZLERDI OQÍTÍWDÍŃ TEORIYALÍQ HÁM METODIKALÍQ MÁSELELERI
Tayarlaǵan : Berdibaeva Q
Qabıllaǵan: QayıpnazarovaM

Kurs jumısı mazmunı ( maksimal bal 40 ball) _________ball

Kurs jumısın jaqlawı ( maksimal bal 30 ball) _________ball

Berilgen sorawkarǵa juwabı ( maksimal bal 30 ball) ________ball

Ulıwma ball: _________ball
Bahası _________
Kurs jumısı basshısı: Qayıpnazarova M


MAZMUNI

Kirisiw………………………………….............................................………...3

I BAP. QARAQALPAQ TILI PÁNINEN QOSPA SÓZLERDI OQÍTÍWDÍŃ TEORIYALÍQ HÁM METODIKALÍQ MÁSELELERI
1.1. “Qaraqalpaq tili” pániniń rawajlanıwınıń
tiykarǵı baǵdarları.................................................................................................6
Juwmaq hám usınıslar…………………………………………….…………..56
Paydalanılǵan ádebiyatlar…………………………………………….………..60


Kirisiw
Temanıń aktuallıǵı. Ózbekstan Respublikasında oqıtıwshı kadrlardıń mánawiy kelbeti, aqılıy iskerligi, kásiplik sheberligine ayrıqsha itibar berilip atır. Tálim-tárbiya barısınıń sapası hám nátiyjeliligin asırıw keleshektegi rawajlanıwımızdıń tiykarı ekenligi belgili. Elimiz keleshegi, onın ǵárezsizligi, birinshi gezekte, jaslar tárbiyasına, olardı salamat etip ósiriwge, milliy ideya, milliy ideologiya hám Watanǵa sadıqlıq ruwxında tárbiyalawǵa baylanıslı bolıp, bul quramalı processti tabıslı ámelge asırıw ǵárezsiz mámlekettiń eń áhmiyetli wazıypalarınan biri bolıp tabıladı. Sol sebepli búgingi kúnde jaslardıń tálim-tarbiyası ǵárezsiz Ózbekstannıń mámleketlik siyasatında tiykarǵı baǵdarlardıń biri bolıp tur. Ózbekstan Respublikası Prezidenti «Perzentlerimizdi erkin pikirli, zamanagóy bilim hám kásip ónerlerdi iyelegen, bekkem turmıslıq poziciyaǵa iye, haqıyqıy Watanpárwar insanlar sıpatında tárbiyalawda jaslıq waqtınan baslap kitapqa mehir qoyıw kerek”¹-degen pikirleri bilimlendiriwdiń jámiyettegi ornın keń túrde ashıp beredi.
Eger oqıwshılardı interaktiv metodlar tiykarında oqıtıw durıs shólkemlestirilse, tálimniń hár bir basqıshında olar jańa oqıw materialların ózlestire aladı hám kónlikpeleri bekkemlenedi.
Házirgi dáwirde tálimdi rawajlandırıwdıń aldıńǵı qatar usıl hám baǵdarlarınıń biri – arnawlı pánlerdi oqıtıwda modul texnologiyası tiykarında oqıtıw bolıp esaplanadı. Belgili bolǵanınday, dástúriy oqıtıwda oqıtıwdıń maqseti tiykarınan – bilim beriwge, al modul texnologiyasında oqıtıw – talabanıń iskerligine qarata baǵdarlanadı. Modul – bul pánniń bir-birine óz ara baylanıslı bolǵan fundamental túsiniklerdi úyreniwge baǵdarlanǵan hám didaktikalıq principler tiykarında dúzilgen oqıw materialları birligi bolıp, onda pán boyınsha oqıw dástúrleri qısqartırılǵan hám tereńlestirilgen turde bólistiriledi. Nátiyjede basqıshpa-basqısh oqıtıw imkaniyatı jaratıladı. Eger talabalardı modul texnologiyası tiykarında oqıtıw durıs shólkemlestirilse, tálimniń hár qaysı basqıshında da, olar jańa oqıw materialların ózlestire aladı hám kónlikpeleri bekkemlenedi. Qaraqalpaq tili páninde qospa sózler temasın modul texnologiyası tiykarında oqıtıw tómendegi izbe-izlikte ámelge asırıladı:

• 
  talabalardıń teoriyalıq hám ámeliy kónlikpelerin asırıw;
  
• 
  temanı oqıtıwdaǵı dáslepki shárt-sharayatlardı analizlew;
  
• 
  oqıw maqsetleri hám mazmunın belgilew;
  
• 
  pánniń oqıw-didaktikalıq materiallar hám oqıtıwdıń kórgizbeliligin támiyinlew;
  
• 
  teoriyalıq hám ámeliy shınıǵıwlardı ótkeriw;
  
• 
  temadan alǵan teoriyalıq bilimi hám ámeliy kónlikpelerin bahalaw.
  

Modul texnologiyası tiykarında qospa sózlerdi oqıtıwǵa tayarlıq kóriw, yaǵnıy ámeliy saatların oqıtıwdı rejelestiriwde tiykaǵı úsh baǵdarda jumıs alıp barıladı:
Birinshiden, talabalardıń tayarlıq hám bilim dárejesi anıqlanadı, oqıw materialların ózlestiriwi, qabileti haqqındaǵı maǵlıwmatlar analizlenedi;
Ekinshiden, oqıw procesi, reje hám baǵdarlamalar, texnikalıq sharayatlar analizlenedi, barlıq kerekli úskeneler menen támiyinlenedi;
Úshinshiden, arnawlı baǵdarlar anıqlanılıp, moduldiń mazmunın belgilewde zárúrli bolǵan oqıw materialları hám basqa da derekler úyreniledi.