Tayanch ko‘nikmalar
O‘quvchilar kundalik turmushda uchraydigan muammolarni hal qilishda qanday tayanch ko‘nik-malardan foydalanadilar?
1. O‘qish va yozish ko‘nikmalari;
2. Matematik savodxonlik;
3.Tabiiy-ilmiy savodxonlik;
4. AKT savodxonligi;
5. Moliyaviy savodxonlik;
6.Madaniy va fuqarolik savodxonligi.
Uzluksiz ta’lim
4-rasm. XXI asr ko‘nikmalari
Shundan kelib chiqib, PISA tadqiqotlarining asosiy yonalishlari, xususan matematik savodxonlik tushunchasining mohiyati ham yildan-yilga takomillashib bormoqda. Xususan, matematk savodxonlikni baholash PISA 2022 tadqiqotlarida muhim o‘rin tutadi, chunki 2022-yilda unga ustuvor yonalish, ya’ni matematika o‘quvchilar savodxonligini baholashning asosiy sohasi sifatida qaraladi. 2000, 2003, 2006, 2009, 2012, 2015 va 2018-yillarda ham matematik savodxonlik baholangan bo‘lsada, u faqat 2003-va 2012-yillarda baholashning ustuvor yonalishi sifatida olingan.
PISA tadqiqotlarida o‘quvchilarning matematik tayyorgarligini baholashda quyidagi uch jihatga alohida e’tibor qaratiladi:
topshiriqlarning o‘quvchilarning kundalik hayotdagi qiziqishlari va ehtiyojlariga mosligi;
muammo bayoni (kontekst) ning hayotiyligi;
matematikani qo‘llash bosqichlarining faqat ayrimlaruni emas, balki barchasining to‘liq qamrab olinganligi (xolistiklik), ya’ni bu jarayonning bir qisminigina bajarish (masalan, tenglamani yechish, algebraik ifodani soddalashtirish) emas, balki masalani tushunish bosqichidan boshlab, uni matematik tilda ifodalash, yechish va yechimni talqin qilishgacha bo‘lgan barcha bosqichlarning hammasini qamrab olinganligi.
Bu jihatlar oʻquvchilarning matematik tayyorgarligini baholash mazmuni, ya’ni matematik savodxonlik tushunchasida o‘z aksini topgan. Matematik savodxonlik tushunchasi turli yillaragi tadqiqotlarda turlicha talqin qilindi. Oxirgi taqdqiqot natijalariga ko‘ra unga quyidagicha ta’rif berish mumkin:
Dostları ilə paylaş: |
