Mavzu: alifbe davrida yozuv ko’nikmalarini shakllantirish

Kurs ishning obyekti: Alifbe davrida yozuv ko’nikmalarini shakllantirish asoslarini yoritish jarayoni.
Kurs ishning predmeti: Alifbe davrida yozuv ko’nikmalarini shakllantirishning uslubiy asoslari.
Kurs ishining maqsadi: Alifbe davrida yozuv ko’nikmalarini shakllantirish mavzusini o‘rganishda ilmiy-metodik tavsiyalar ishlab chiqish va ularni o‘quv jarayoniga tatbiq etish.
Kurs ishining vazifalari:
1. Alifbe davrida yozuv ko’nikmalarini shakllantirish metodidan foydalanish innovatsion texnologiyalarni shakllantirish;
2. Alifbe davrida yozuv ko’nikmalarini shakllantirish texnologiyalarini aniqlash;
3. Alifbe davrida yozuv ko’nikmalarini shakllantirish metodikasini yoritish;
4. Alifbe davrida yozuv ko’nikmalarini shakllantirish pedagogik texnologiyalardan foydalanish.
Kurs ishining amaliy ahamiyati: Tadqiqot natijasida umumiy o‘rta ta‘lim boshlang‘ich sinflarida ona tili o’qitish metodikasini o‘rgatish bo‘yicha ta‘limiy topshiriqlar, dars ishlanmalar, dars modellari, ilmiy-metodik tavsiyalar bilan boyitildi.
Kurs ishining tuzilishi: kirish, 2 bob, 4 band, xulosa va foydalanilgan adabiyotlar ro’yxatidan iborat.
I BOB. ALIFBE DAVRIDA YOZUV KO’NIKMALARINI SHAKLLANTIRISH ASOSLARI
1.1. Alifbe davrida yozuv ko’nikmalarini shakllantirish va ularga qo`yiladigan talablar
Maktabda o’qish bilan yozish bir vaqtda o’rgatilmagan, avval faqat o’qish o’rgatilgan. O’qish hijo (bo’g’in) usuli bilan o’rgatilgan. O’qishga o’rgatishning “hijjai qadimiy” deb atalgan usuli asarlar davomida hech qanday o’zgarishsiz davom etib kelgan.
Hijo usulida o’qishga o’rgatishni 3 bosqichga bo’lish mumkin.
1-bosqich. Harflarning nomini yodlatish (harfiy metod). Bu metodning mohiyati asosan quyidagilardan iborat: bir necha yildan beri o’qiyotgan bolalar maktab xonaga Yangi kelgan bolaga bir necha kichik-kichik surani og’zaki yodlatgan. Bola aytayotgan suradagi so’zlarining ma’nosini tushunmay, ularni birin-ketin yodlab olgan, bu orada taxminan bir yilga yaqin vaqt o’tgan. SHundan keyin arab alfaviti yodlatila boshlagan; bola uyida har ikki tomoni randalanib silliqlangan maxsus taxta olib kelgan. Maktabdor taxtaning bir tomoniga qora siyoh bilan 28 ta arabcha harfning yolg’iz shaklini alfavit tartibida bandlarga bo’lib yozib bergan.
Maktabdor birinchi banddagi harflarning nomini alif, be, te, se deb aytgan; bola domlaga ergashib takrorlagan; ayta olmasa, domla Yana aytgan va shuni yaxshilab o’rganishni vazifa qilib topshirgan. Bola birinchi bandni yodlab olgach, ikkinchi bandni shu tariqa yodlagan va h. Bolalar 26 harf nomini 5-6 oyda zo’rg’a bilib olganlar. Ular harflarning nomini yodlab olsalar ham, qaysisi be, qaysisi se ekanini ko’rsatib bera olmaganlar. Ayrim domlalar, otinoyilar yosh bolalarning eslab qolishiga yordam berish maqsadida har bir harf uchun shartli iboralar o’ylab topganlar (- uzunchoqqina alif, bittagina be, - ikkitagina te, uchtagina se kabi).