Mavzu: Axborotlashuv jarayonining jamiyat taraqqiyotiga ta'siri

Mavzu:Mafkuraviy tajovuz va axborot xavfsizligi.

Milliy ma’naviyat targ`ibotida ommaviy axborot vositalarining o`rni katta. Ayniqsa bugungi texnika asrida har kuni, har daqiqada radio, televidenie, internet saytlari orqali dunyodagi barcha yangiliklardan voqif bulib turibmiz. Xoxlaymizmi, yo`qmi, ommaviy axborot vositalari yordamida tarqatilayotgan turli buzg`unchi g`oyalarga ham duch kelib turibmiz. Buzg`unchi kuchlar o`z g`oya, mafkuralarini har kun va har daqiqada ommaviy axborot vositalaridan tarqatmokdalarki, mamlakatimizning eng chekka kishlog`iga ham u bemalol etib bormoqda. I.Karimov aytganidek, hozirgi davrda matbuot, ommaviy axborot vositalari shunday qudratli kuchga aylanmoqdaki, o`z kelajagini o`ylaydigan har qaysi xalq va millat buni sezmasligi, his etmasligi mumkin emas .

Buzg`unchi kuchlar o`zlarining insonlarni o`zligidan, milliy xususiyatlaridan ayirishga qaratilgan g`oyalarini ommaviy vositalar orqali juda chiroyli, har qanday odamning diqqat–etiborini tortaolish darajasida tarqatish orqali, ayniqsa, murg`ak, hali dunyoqarashi to`la shakllanmagan yoshlarni o`z muxlislariga aylantirmoqdalar. Bugungi yoshlar avvalgi yoshlardan keskin farq qiladi. Ular ko`rgan, eshitgan va o`qigan yangilikni amalda sinab ko`rishga o`ch. Aslida bu yoshlikka xos xususiyat. Buni yaxshi bilgan buzg`unchi kuchlar o`zlarining manfur niyatlarini ustalik bilan yoshlar qalbiga singdirishga kirishib ketgan, ular bu yo`lda har qanday usul, vosita, mablag`ni ayayotganlari yo`q. Bu ishlarga maxsus mutaxasislar jalb etilayotgani berilayotgan axborotning yanada mukammal va chiroyli chiqishiga olib kelmoqda, bugun ba’zan beozorgina bo`lib tuyulgan musiqa, oddiygina mul’tfilm yoki reklama lavhasi orqali ham ma’lum bir mafkuraviy maqsadlar va intilishlar ifodalanmoqda.
Istiqlol tufayli mamlakatimizda ommaviy axborot vositalari rivoji yo`lga qo`yilib, ommaviy axborot vositalari orqali dunyoda sodir bo`layotgan ijtimoiy – siyosiy, iqtisodiy, madaniy va ma’naviy o`zgarishlar, ularning mazmun – mohiyatini ochib berish hamda milliy ma’naviyatimiz targ`ibotiga alohida ahamiyat berilmoqda. Bugun televidenie orqali berilayotgan ko`rsatuvlar, radio eshittirishlari va gazeta – jurnallarda e’lon kilinayotgan maqolalar asosan xalqimizning milliy qadriyatlari, urf – odat, an’analari targ`ib – tashviqotiga qaratilgan. Tariximiz, udumlarimiz, milliy – ma’naviy tiklanish bilan bog`lik amalga oshirilayotgan ishlar ko`lamini yoritish ommaviy axborot vositalarining asosiy mavzusiga aylangan. Millatning milliy ma’naviyatini tiklash, odamlar qalbida milliy ma’naviyatimizga hurmat, ular o`rtasida vatanparvarlik, insoniylik g`oyalarini targ`ib etish va odamlar ongida turli buzg`unchi g`oyalarga qarshi mafkuraviy immunitetni hosil etishda eng maqbul va tezkor vosita bu - ommaviy axborot vositalari ekanligini hayotning o`zi ko`rsatib turibdi. I. Karimov ta’biri bilan aytganda, hozirgi paytda hayotimizni elektron axborot vositalari, xususan, televedenie va radiosiz umuman tasavvur etib bo`lmaydi. Bugungi kunda ular bir vaqtning o`zida axborot maydoni, ham ijtimoiy – siyosiy, ma’naviy – ma’rifiy minbar, shu bilan birga insonga madaniy, badiiy – estetik oziq beradigan va hordiq chiqaradigan makon vazifasini bajarmoqda. Shuning uchun ham mamlakatimizda ommaviy axborot vositalari faoliyatini rivojlantirishga keng imkoniyatlar yaratilgan. Ammo turli buzg`unchi tahdid va ta’sirlarga qarshi kurashish yo`lida hali qiladigan ishlarimiz yo`q emas. Albatta, bu mavzuda bahs – munozaralar tashkil etish zarur, ammo bu haqda so`z yuritganda, avvalo, yoshlar qalbiga yo`l topib, ulur tushunadigan tarzda, sodda va aniq qilib gapirish kerak. Zerikarli, quruq ma’ruzalarni o`qib yoki oyat va hadisni arabcha aytib bergan bilan ish bitmaydi. Bu borada har tamonlama chuqur o`ylangan, ta’sirchan, zamonaviy informatsion usullarga asoslangan, jamoatchilikda sog`lom fikrni shakllantirishga qaratilgan targ`ibot – tashviqot ishlarini mahorat bilan olib borish lozim. Bugun inson ma’naviyati, uning ongi uchun kurash ketayotgan ekan,ommaviy axborot vositalari xalqimiz ma’naviyatiga ta’sir qilishga urinayotgan buzg`unchi kuchlarga qarshi o`zining ezgu g`oyalar targ`iboti bilan qarshi turishi kerak.
Bugungi g`oyalar kurashi ketayotgan davrda inson ma’naviyatini boyituvchi ma’naviy ozuqa sifatida xizmat kiluvchi vosita bu adabiyot va san’atdir. Adabiyot va san’at azal – azaldan inson qalbining ifodachisi sifatida xalq hayotini yorqin buyoqlarda aks ettirib kelgan.