Mavzu: dunyo aholisi

Urbanizasiya – shaharlashish demakdir, ya’ni jamiyat hayotida shaharcha yashash tarzining ortib borishi. Shaharlashish jarayonini quyidagi xususiyatlarda ko’rishimiz mumkin:
1) Shahar aholisi sonining o’sib borishida.
2) Ishlab chiqarishning shaharlarda to’planishida.
3) Shaharlar maydonining kengayib borishida.
Jamiyat rivojlanishi tarixida shaharlarning ma’muriy markaz, madaniy markaz hamda iqtisodiy aloqalar qilinadigan markazlar sfatida roli ortib bordi. 1808 yilda dunyo aholisining 2,4 % ining shaharlarda yashagan bo’lsa, hozirgi kunda bu ko’rsatkich taxminan 47 % ga ortib ketdi. 1900 yilda 1,4 %, 1950 yilda 29 %, 1990 yilda 45 % bo’ldi. Davlatning urbanizasiyalashgan darajasi quyidagi ko’rsatkichlar asosida belgilanadi:
1) 50 % dan yuqori bo’sa, yuqori darajada urbanizatsiyalashgan;
2) 20 – 50 % o’rtacha urbanizatsiyalashgan;
3) 20 dan kam bo’lsa, past urbanizatsiyalashgan.
Hozirgi kunda urbanizatsiyalashgan hudud jami dunyo hududini 1 % egallagan holda dunyo sanoat mahsulotining 80 % ini ishlab chiqarmoqda. Tabiatga chiqarilayotgan chiqindining 80 % i ham urbanizatsiyalashgan hududlar massasiga to’g’ri kelmoqda. Shahar aglomeratsiyalari konurbanizasiya ham deyiladi. Shaharlar hududining kengayib borib, qo’shilib ketishidan yirik shahar megapolislar vujudga keladi.
Masalan: Bosvash, Chipits, Sansan, Tokaydo. Yirik shaharlar atrofidagi qishloqlardagi aholining asosiy qismi sanoat, savdo bilan band bo’ladi. Bunday qishloqlarda hududning kengayishi, ijtimoiy hayotning rivojlanishi–Rurbanizasiyaga misol bo’ladi. Bu rurbanizatsiya jarayoni deyiladi (inglizcha-rural-qishloq, qishloq joylar urbanizatsiyasi).
Shaharlar aglomeratsiyasi shaharlarning guruh bo’lib rivojlanishiga, shahar aholisi manzilgohlarining hududiy jihatdan deyarli bir – biri bilan qo’shilib ketishi yoki bir – biriga juda yaqin joylashishiga, yirik shaharlarning o’z atrofi bilan birgalikda tez rivojlanib asosiy yirik shaharlar bilan uning shahar atrofi zonasi o’rtasida aholining qayta taqsimlanishi jarayoni adabiyotlada suburbanizasiya deb ataladi.
Yirik shaharlar va shahar aglomeratsiyalarining rivojlanishi ular atrofida va orasida joylashgan ko’plab qishloq aholisi manzilgohlari ham shaharlarga xos hayot obrazining keng tarqalishiga sababchi bo’ladi. Bunday zonalarda joylashgan qishloq aholisi manzilgohlarida odatda, qishloq xo’jaligi bilan bog’liq bo’lmagan mehnat faoliyati asosiy o’rin tutadi, aholi qishloq joylarda yashab, shaharlarga borib ishlaydi, aholining har kuni bajaradigan ishlari mayatniksimon harakati misli ko’rilmagan darajada keng tus oladi.
Kundalik mayatniksimon harakat ishga borish uchungina emas, balki o’qish, ma’daniy – maishiy talablarni qondirish maqsadlarida ham amalga oshiriladi. Bu rurbanizasiya jarayoni deyiladi. (ingilizcha “rural” – “qishloq”) rurbanizatsiya “qishloq joylar urbanizatsiyasi” demakdir. Juda yirik urbanizatsiyalashgan rayonlar AQShda keng rivojlangan. Uning shimoliy – sharqiy qismida, Atlantika sohilida aglomeratsiya jarayoni ayniqsa kuchli.
Ayrim mamlakatlarda urbanizatsiyaga xos katta va yirik shaharlar, shahar aglomeratsiyalar tez rivojlanmoqda. Malumki odatda yirik shaharlar katta yoki kichik aglomeratsiyalarning markazi hisoblanadi. Bular mamlakatning eng yirik sanoat hududidir. Hozirgi zamon urbanizatsiyasi va ayniqsa yirik shaharlar aglomeratsiyalari geografik muhitga ham katta ta’sir ko’rsatadi. Ba’zan shaharlar va aglomeratsiyalar geografik muhitga faqat salbiy ta’sir ko’rsatadi deb o’ylaydilar. Urbanizasiya jarayonida geografik muhitga ko’rsatiladigan ta’sir uni yaxshilash, aholi hayoti uchun yanada qulayroq qilish maqsadida amalgam oshirish mumkin. Erlar melioratsiyasi, dengiz, daryo, ko’l va suv omborlari qirg’oqlarining mustahkamlanishi, gidrografiya tarmoqlarning qayta ta’mirlash, himoya zonalari barpo etish va boshqalar shaharlar va shahar atrofi tabiatini yanada qulaylashtirish maqsadida amalga oshiriladigan tadbirlar jumlasidandir.
Shaharlarning rivojlanish jarayonida tabiatga uzviy ta’sir etishi oqibatida uning turli komponentlari o’rtasidagi muvozanat buzilishi, oqar suvlar va atmasfera haddan tashqari ifloslanib ketishi, eroziya jarayoni kuchayishi, flora va fauna kambag’amlashib kamayib ketishi mumkin.
Bunday jarayonlarni maishiy sanoatlarning yirik shaharlari va aglomeratsiyalarida ko’rsa bo’ladi. Sanoat korxonalari va avtomabil transporti atmosfera va oqar suvlarni ifloslantiruvchi asosiy manbalardir. Dunyoning eng yirik shaharlari bo’lgan Nyu-York, Tokio, Parij, London osmonida sanoat va avtotransport iflosliklaridan iborat sun’iy bulutni har doim ko’rish mumkin. Birgina Nyu-York shahrida har kuni atmosferaga 3200 t oltingugut birikmalari, 280 t sanoat changi, 4200 t uglerod oksidi ko’tariladi. Hozirgi zamon urbanizatsiyasi jarayoni global xarakterga ega bo’lib deyarli butun dunyoni qamrab olgan.
Urbanizatsiya o’ziga xos shahar hayot tarzini vujudga keltiradi. Buning esa kishilarning o’zaro aloqalari uchun qulay vaziyat yaratadi, aholining kasbiy tarkibini, ijtimoiy harakatchanligi tamoman o’zgartiradi. Urbanizatsiya jarayoni yirik shaharlar va shahar aglomeratsiyalarida urbanizatsiyalashgan muhitni vujudga keltiradi. Yuqori darajada urbanizatsiyalashgan muhit aholining hayoti, mehnat va dam olishi jarayonida vujudga keladigan deyarli barcha talablarni qondira oladi.
Hozirgi zamon urbanizatsiyasi fan–texnika inqilobi bilan chambarchas bog’liq holda rivojlanmoqda. Fan–texnika inqilobi sanoatning hududiy konsentrasiyasiga sanoatning ayrim qisimlarida emas, balki katta areallarda joylashuviga aglomeratsion jarayonini kengaytirishga sababchi bo’lmoqda.
Urbanizasiyaning yanada kuchayishiga ta’sir etayotgan muhim omillardan biri – hozirgi zamoning juda tez taraqqiy etayotgan ishlab chiqarish va ijtimoiy infratuzilmasidir. Hozirgi zamon urbanizatsiya jarayonining ko’p qirraligi, turli ijtimoiy–iqtisodiy tuzumga ega bo’lgan mamlakatlarda bir–biridan forq qilish urbanizatsiyani tiplarga ajratishni taqozo qiladi:
1) Industrial tip;
2) Kompleks tip;
3) “Soxta” Urbanizasiya tip;
4) xizmat darajasining haddan tashqari rivojlanishi.
Dunyo urbanizatsiya jarayoni, asosan 1 chi tip va 2 chi tiplarga to’g’ri keladi. Urbanizatsiyaning 3 chi tipi soxta urbanizatsiya rivojlanayotgan mamlakatlarga xos. Urbanizatsiyaning 4 chi tipi ayrim rivojlangan mamlakatlarga xosdir. Urbanizatsiyani mamlakat xo’jaligining hududiy tarkibi bilan bog’lab geografik jihatdan o’rganish yaxshi natijalarni beradi.
Urbanistik tarkib-aholining soni turlicha bo’lgan shaharlarning nisbatan, yirik shaharlar aholisining barcha shahar aholisidagi salmog’i kabi ko’rsatkichlardan iborat. Shaharlar juda qadimgi zamonda ma’muriy hokimiyat, savdo va hunarmandchilik markazi, harbiy qo’rg’onlar sifatida Nil, Dajla, Furot daryolari deltalarida paydo bo’lgan. Kapitalizmni rivojlanishi va yirik mashinasozlik sanoati, transport va jahon bozorining o’sishi bilan shaharlarda sanoat to’plandi. Ko’p shaharlar transport tugunlariga, savdo taqsimot tugunlariga aylanib bordi. Shaharlarning ma’muriy va madaniy markazlar sifatidagi mavqelari kuchaydi. 20-asr o’rtalarida nomoddiy sohalarning o’sishi bilan shaharlarning vazifalari yanada kuchaydi. Hozirgi zamon shahari bir qancha vazifani bajaradi. Lekin bir xil vazifani bajaruvchi shaharlar ham mavjud. Masalan, tog’-kon sanoti shahari, ilmiy shahar, kurort shahari va xatto poytaxt shaharlari ham qurilgan. Ba’zi shaharlar poytaxt qilish uchun maxsus qurilgan.
Urbanizasiya hozirgi zamondagi eng muhim ijtimoiy iqtisodiy jarayonlardan biri hisoblanadi. Urbanizatsiya deb mamlakatda, hudud va jahonda shaharlarning o’sishi va shahar aholisini salmog’i ortishi, murakkab shaharchalar shaxobchalari, tizimlarining paydo bo’lishi va rivojlanishiga aytiladi. Binobarin, urbanizatsiya, jamiyat hayotida shaharlar ahamiyatining tarixiy o’sish jarayonidan, jamiyatning aholi mehnati, turmush tarzi va madaniyatining ko’proq shaharlarga xos bo’lib o’zgarib borishidan iboratdir.
Hozirgi zamon urbanizatsiyasi butun jahonga tegishli jarayon bo’lib ko’pchilik mamlakatlarga xos bo’lgan uchta umumiy xususiyatga ega:
Birinchi xususiyat - shahar aholisi sonining xususan rivojlanayotgan mamlakatlarda tez sur’atlar bilan o’sib borishi. Masalan, 1900 yilda jahon ahosilining 14 % ga yaqini shaharlarda yashagan bo’lsa, 1950 yilda 29 % ga, 1990 yilda 45 % ga hisobga olganda shaharlar aholisi har yili 50 mln. kishiga ko’payib bormoqda.
Ikkinchi xususiyat - aholi va xo’jalikning asosan yirik shaharlarda to’planishi. Bunga ishlab chiqarish xususiyati, uning ilm-fan, ta’lim bilan aloqasining murakkablashib borayotgani sabab bo’lmoqda. Bundan tashqari katta shaharlar kishilarning ma’naviy ehtiyojlarining odatda to’liqroq qondiradi.
Hozir jahonning eng yirik shaharlari Mexiko, Tokio, Nyu-York, Pekin, Shanxay kabilardir. Bu shaharlardan taxminan Mexikoda 19,7 mln. kishidan ortiq kishi, qolganlarida 10-20 mln. kishi yashaydi.
Uchinchi xususiyat - shaharlar maydonini kengayib ketishi. Hozirgi zamon shaharlashishi uchun shaharlarning oddiy bir o’zakli shaklidan shaharlar va qishloqlar tutashib ketib, shaharlar guruhi, shaharlar «uyumi» shakliga, ya’ni shaharlar aglomerasiyasi shakliga o’tish xosdir.
Urbanizatsiya butun jahon jarayoni sifatida umumiy xususiyatlarga ega bo’lish bilan birga turli mamlakatlar va hududlarda o’ziga xos xususiyatga ega. Bu xususiyatlar urbanizatsiyaning har xil darajada ekanligida va sur’atida aks etadi.
Urbanizatsiya darajasi ancha past bo’lgan rivojlanayotgan mamlakatlarda shaharlashish eniga o’smoqda, shahar aholisi tez ko’payib bormoqda. Shaharlar aholisining yillik o’sishi 4/5 qismi rivojlanayotgan mamlakatlarga to’g’ri keladi. Shaharliklarning mutloq soni esa iqtisodiy rivojlangan mamlakatlardagidan anchagina oshib ketdi. Ilm fanda shahar portlashi deb nom olgan bu hodisa rivojlanayotgan mamlakatlarning butun ijtimoiy - iqtisodiy taraqqiyotida muhim omillaridan biri bo’ldi.
Shaharlarning tez o’sayotganligiga qaramay jahon aholisining yarmidan ortig’i qishloqlarda yashaydi. Qishloqlarning umumiy soni esa 15-20 mln. ga etadi. Qishloq aholisini joylanishida asosan ikki usul mavjud: g’uj va tarqoq joylashish.
Qishloqlarning mavjudligi tarixiyrivojlanish, iqtisodiy rivojlanishga tabiiy sharoitning xususiyatlariga bog’liq. Hozirgi vaqtda urbanizatsiya atrof muhitning o’zgarishiga katta ta’sir ko’rsatib kelmoqda. Katta shaharlar va aglomeratsiyalar ifloslikning deyarli asosiy manbai bo’lib, atrof-muhitga kuchli ta’sir ko’rsatadi. Birinchi o’rinda atmosfera havosini ifloslanishi kuzatiladi.
Urbanizatsiyalashgan hudud quriqlikni 1% egallaydi, jahon aholisini 47 % yashaydi. Yalpi ichki mahsulotni 80%, zararli chiqindilar va gazlar 80 % urbanizatsiyaga to’g’ri keladi. Urbanizatsiya 1800 yilda 2,4 % , 1900 yilda 14 %, 1950 yilda 29 %, 1990 yilda 45 %, 2008 yilda 47 % tashkil etdi.
Davlatlarning urbanizasiya darajasiga e’tibor bersak: Singapur 100 %, Belgiya, Quvayt 97 %, Venesuella 93 %, Isroil 92 %, Buyuk Britaniya, Urigvay 90 %, Germaniya 87 %, Braziliya 80 %, AQSh 75 %, Yaponiya 76 %, Hindiston 26 %, Xitoy 24 %, Oman, Efiopiya, Malavi 13 %, Uganda 12 %, Butan 10 %, Ruanda, Brundi 8 %.
Shahar tushunchasiga e’tibor bersak: Daniya, Shvetsiya, Finlyandiyada 200 kishidan ortiq, Kanada Avstraliya 1000 kishi, Germaniya, Fransiya, Kuba 2000 kishi, AQSh, Meksika 2500 kishi, Avstriya, Hindiston, Eron, Madagaskar 5000 kishi, Shveysariya, Malayziya 10000 kishi, Nigeriya 20000 kishi, Yaponiya 30000 kishi, Janubiy Koreya 40000 kishi, O’zbekiston 7000 kishi.
Urbanizasiyaning o’ziga xos tomonlari: Konurbanizasiya–shahar aglomerasiyalari, Suburbanizasiya – shahar atrof urbanizasiyasi, Rurbanizatsiya – “qishloq” urbanizasiyasi, “Shahar portlashi”, “Soxta” urbanizatsiya. Masalan: AQSh da: “Bosvash”: tarkibidagi aglomeratsiyalar: Boston, Nyu-York, Filadelfiya, Baltimor, Vashington, Brijport, Pravideks. Uzunligi – 1000 km, eni – 200 km, aholisi – 50 mln.ga yaqin. Oltita shtatni o’z hududi ichiga oladi: Massachuseti, Rod Aylend, Konnektikut, Nyu-Jersi, Delaver, Merilend va Kolumbiya federal okrugi. Bosvash – “aglomeratsiyalar aglomeratsiyasi” ya’ni bu “Shahar-rayon” deyiladi. “Chipite” – Chikago, Detroit, Pitsburg, “San-San” – San-Fransisko, San Diego. Buyuk Britaniyada: Birmengem, Manchester, Liverpul, Glazgo. Germaniyada: Rur rayoni. Gollandiyada: “Randshtat Xolland” aglomeratsiyasi: Amsterdam, Rotterdam, Gaaga, Arnem, Utrext va boshqalar. Yaponiyada: Tokaydo aglomeratsiyasi: Tokio, Nagoya, Osaka – 600 km. Tokio – Kavasaki, Iokogama Osaka – Kobe, Kioto aglomeratsiyalari qo’shilib ketgan.
Yuqorida aytib o’tganimizdek urbanizatsiyaning 4 tipi mavjud: industrial, kompleks, “Soxta” urbanizatsiya, urbanizatsiya “servis”.
Shaharlarning mikro, mezo, makro o’rni mavjud. Bundan tashqari shaharlarning funksional tiplari mavjud: ko’p funksiyali shaharlar, iqtisodiy funktsiya asosiy bo’lgan shaharlar, madaniy-ma’muriy markaz vazifasini bajaruvchi shaharlar, fan shaharlari, kurort shaharlar.