Mavzu: Husnixatga o`rgatishning maqsad va vazifalari reja

Sultonali Mashhadiy 1461 -yil Nizomiyning "Mahzanul - asror" masnaviysini, 1464 -yil Hofizning devoni, 1465-1466 -yillaresa Alisher Navoiyning q'azaliyot devonini kitobat qilib, shuhrat topdi. Keyinchalik Navoiyning taklifi bilan Mashhaddan Hirotga kelib, Husayn Boyqaro kutubxonasida xattotlarga boshchilik qilgan. Hozirga qadar u oqqa ko'chirgan 50 ta asar bizgacha yetib kelgan.
Sultonali Mashhadiyning faoliyati borasida Hazrat Navoiy "Majolis-un-nafois"da, Qozi Ahmad va Som Mirzolar o'zlarining tazkiralarida ma'lumot berib o'tganlar.
Yaxshi va chiroyli yozishdan maqsad faqat oson o'qish emas, balki o'quvchiga estetik zavq baq'ishlash, yozuvni maleh va bade' qilishdir. Ta'kidlaganimizdek, xattotlik san'ati yaqin Sharq xalqlari o'rtasida arab yozuvi asosida keng tarqaldi, Arab yozuvining oltilik silsilasi - suls,nasx, muhaqqaq, rayhon, tavqe' va riqo' yozuvlari arab xattotiik san'atiga asos soldi. Xattotlik usuli yozuv turiga bog'liqdir. Xattotlik o'z nazariy va amaliy qonunlariga ega ediki, xushnavislar bunga qat'iy rioya etar edilar. Xattotlik nazariyasiga X-XI asr mashhur xattotlari Abu Ali Muhammad (Ibni Muqla) va All Ibni Hilol (Ibni Tavvob) asos solganlar. Ular an'anasini Yoqut Musta'simiy nazariy jihatdan rivojlantirdi. Xattotlik san'ati ta'kidlaganimizdek muayyan qonunva talablarga asoslangan va bu talablar matematik aniqlikni talab qilar edi. Oltilik tizimiga asoslangan xattotlik san'ati me'yor sifatida doira shaklini tanlar edi. Bu doira ichida tomonlari barobar uchburchak, kvadrat va beshburchak chizilib, undan harflar andozasi muayyan qilingan. Har bir harf uchun romb shaklidagi yuqoridan pastga qarab qo'yilgan nuqtalar ishlatilar edi. Yozuv turlariga qarab nuqtalar miqdori o'zgartirilgan. Masalan, muhaqqaq yozuvi uchun sakkiz nuqta, suls yozuvi uchun yetti va tavqe' yozuvi uchun olti nuqta muqarrar qilingan edi.
3. Arab yozuvi va xattotlik san’ati.
Arab harflari yozilishiga ko'ra doira ichidagi uchburchak, kvadrat va beshburchak shakllaridan foydalangan. Dol, of, mim va vov harflarini yozishda uchburchakdan foydalansalar, jim harfining boshi va shunga o'xshash harflarni yozishda beshburchak andoza sifatida xizmat qilgan. Ba'zan bu murakkab sistema o'rniga oddiy usul –nuqtalar hisobi qo'llangan. Masalan, suls yozuvida alif harfi yetti nuqtaga, muhaqqaq yozuvida sakkiz nuqtaga, tavqe' yozuvida oiti nuqtaga, "be" harfi esa suls yozuvida olti nuqtaga, muhaqqaqda yetti, tavqe'da besh-nuqtaga, "jim" va "ayn" harflarining xatdan pastgi qismi suls yozuviga o`n yarim muhaqqaq va tavqe' yozuvlarida to'qqiz nuqta hajmida belgilangan va yozilgan.
Xattotlik san'atini rivojlantirishda Ibn Muqla, Ibni Tavvob va Yoqut Musta'simiy bilan bir qatorda XV asrning mashhur xushnavisi Sultonali Mashhadiyning hamxizmatlari kattadir. Uning "Odob ul-mashq" risolasida birinchi bor chiroyli yozuvga o'rgatishning ikki usuli - nazariy va qalamiy usuilari bayon etilgan. Nazariy usul o'tgan ustozlar yozuvini o'rganish vamushohada etishni taqozo etsa, qalamiy usul-chiroyli nusxaga qarab payvasta mashq qilishni talab etadi.
Xushnavislar aksaran ikki tarzda jalliy va xafiy tarzida yozardilar. Odatan xafiy mashqi kunduzi, jalliy mashqi kechasi amalga oshirilar edi. Chunki xafiy xati kichik yozilsa, jaliy yozuvi katta - katta yozilar edi. Ko'pgina kitoblarning hoshiyalarida xafiy xatida kitobat qilingan yozuvlarni ko'ramiz. O'rta asrlarda har bir xushnavis hech bo'lmaganda uch xil yozuvda - suls, nasx, nasta'Iiq yozuvlarida mashq qilib bilar edi. Aksariyat oltilik va nasta'liq yozuvida juda yaxshi va chiroyli yozar edi. Xushnavislarning asosiy qurollari siyoh, rangli jo'shalar, oq va rangli qog'oz, nayqalam, qalamtarosh, mistar, qalamdon, siyohdon, mehrak
va qalamqat edi. Sultonali Mashhadiyning "Risolai xat", Mirall Hiraviyning "Midod ul-xutut" Mirimodi Qazviyning "Odob ul-mashq", Majnun ibn Kamoliddin Mahmudi Rafiqiyning "Risolai xati manzum", Shafyoniyning "Risolai xat", Fathulloh Ahmad ibn Muhammadning "Risola dar usul va qavoidi xututi sitta" kabi risolalarida siyohni tayyorlash texnologiyasi, nayqalam qog'ozning sifatini bilish usullari, umuman yozish qurollari borasida qimmatli ma'lumotlar berilgan.