Mavzu; Kapitalning mobilligi darajasini fiskal va monetor siyosatning samaradorligiga ta’siri Mundarija Kirish Reja

2.Kapitalning mobilligi darajasini fiskal va monetor siyosatning samaradorligiga ta’sirini o’ziga hos husiyatlari
Davlat byudjetining asosiy vazifasi – davlatning fiskal siyosati mohiyati va
yo`nalishlarini o`zida ifoda etadi. Kengroq ma`noda aytganda, davlat byudjetining
asosiy vazifasi milliy daromadni taqsimlash va qayta taqsimlash, iqtisodiyotni tartibga solish va rag`batlantirish, ijtimoiy siyosatni moliya bilan ta`minlash,
mamlakatning markazlashtirilgan pul jamg`armalarini vujudga keltirish va ulardan
foydalanish ustidan nazorat kilish hisoblanadi.
O`zbekiston Respublikasida iqtisodiyotning erkinlashuvi va islohotlarning
chuqurlashuvi jarayoni soliq tizimini ham muntazam takomillashtirib borishni
taqozo qiladi. Soliq siyosati moliya tizimi islohotlarining muhim yo`nalishi sifatida
iqtisodiyotni tartibga solish hamda uning barkarorligini ta`minlash jarayonida har
qachongidan ham muximroq bo`lib bormoqda.
Davlat byudjeti daromadlarining byudjetga tushishining uzluksizligi
ta`minlansa, iqtisodiyotning turli tarmoqlari rivojlanishi uchun yetarli darajada
xarajatlar qilish imkoniyati mavjud bo`ladi va aholi turmush farovonligi
yaxshilanadi. Davlat byudjetining xarajatlar qismini optimallashtirish, ortiqcha
xarajatlarga yo`l qo`ymaslik, ijtimoiy zaruriy sohalarni rivojlantirish istiqbollarini
ko`zlagan holda xarajatlarni maqsadli yo`naltirish va bu qilinayotgan xarajatlarni
kelgusidagi samaradorlik ko`rsatkichlarini e`tiborga olish bugungi kundadagi fiskal
siyosatni asosiy vazifasi hisoblanadi.
Mustaqilligimizning dastlabki yillaridan shu kungacha bo`lgan davrda
soliq tizimidagi soliqlar va yig`imlar turlarining kamayib borishiga qaramasdan
davlat byudjeti daromadlari tarkibida muhim salmoqni egallovchi soliqlarning
miqdori o`sib borayotganligini kuzatish mumkin.
Shu o’rida ushbu soliqlarning buydjet daromadlari tarkibida tutgan o`rnini
tahlil qilish lozim. Soliqli daromadlar jami daromadlar tarkibida 2014-2015
yillarda 93,9 foizni tashkil etmoqda. Shundan bevosita soliqlarning ulushi 2015
yilda o`tgan yillarga nisbatan biroz kamaygan va 23,6 foizni, jumladan, yuridik
shaxslardan foyda solig’i 3,5 foizni, jismoniy shaxslardan daromad solig’i 10,1
foizni,obodanlashtirish va ijtimoiy infratuzilmani rivojlantirish solig’i 2
foiznitashkil etgan. Bilvosita soliqlarning ulushi esa o`tgan yilga nisbatan 1
foizga ko`paygan, jumladan, aksiz solig`i 15,2 foizni, bojxona boji 4,4 foizni va
transport vositalari uchun yoqilg’i iste’moli solig`i 3,5 foizni tashkil etmoqda.
Shuningdek, Mol-mulk solig’i va resurs to`lovlarii 0,9 foizga ortib, shundan molmulk solig’i 2015 yilda 4,7 foizni, yer solig`i 2,5 foizni, suv resurslaridan
foydalanganlik uchun soliq esa 0,5 foizni tashkil etmoqda.

Soliq yuki foydaga yoki jami daromadga nisbatan olinadi. Mamlakat miqyosda hamma to`langan soliqlar va maqsadli jamgarmalarning yalpi ichki mahsulotdagi salmog`i xam soliq yukini ifodalaydi deyiladi. Ammo soliq yuki aniq to`lovchining daromadiga nisbatan jami to`lagan soliqlari va to`lovlari salmog`idir.
Soliq yukini pasaytirishga bevosita ta`sir ko`rsatuvchi omillar tarkibi:
• Belgilangan soliq stavkalarini pasaytirish;
• Soliqqa tortish bazasini qisqartirish;
• Soliq to`lovchi sub`ektlar sonini ko`paytirish;
• Davlat ixtiyorida bo`lgan ayrim byudjet xarajatlarni joylarga
berish.
O`zbekistonda soliq yuki bundan o`n yil oldin YAIMga nisbatan (maqsadli
jamg`armalarni hisobga olmagan holda) 27,9 foizni tashkil etgan bo`lsa, 2012
yilda esa 6,3 punktga kamaydi va YAIMga nisbatan 21,6 foizni tashkil yetdi.
2013 yilda esa soliq yukining umumiy darajasini yana 0,3 punktga kamaytirish,
ya`ni 21,3 foizga tushirish chora-tadbirlari ishlab chiqilganligi sababli, bu
ko`rsatkich amalda YAIMga nisbatan 20,5%ni, 2014-2015 yillarda esa 20%
tashkil etdi.

Respublikamizda izchil soliq-byudjet siyosatining amalga oshirilishi, soliq
yukini kamaytirish bilan bog`liq chora-tadbirlarning ishlab chiqilishi soliq
to`lovchilarda ishlab chiqarishni kengaytirishga sharoit yaratilishi, ishlab topilgan
va ularning o`zlarida qoldirilayotgan mablag`larning reinvestitsiya qilinishi
oqibatida qo`shimcha soliq ob`ektining paydo bo` lishi hisobiga nafaqat
byudjetdagi yo`qotishlar o`rnining qoplanishi, balki soliq to`lovchilarning
qo`shimcha daromadlarga ega bo`lib, ishlab chiqarish imkoniyatining oshishiga
olib keladi.
Davlat byudjeti xarajatlari tom ma`noda davlatning ijtimoiy-iqtisodiy
siyosatining moliyaviy mazmunini aks ettiradi. O`zbekiston Respublikasi davlat
byudjeti xarajatlarining keyingi yillardagi tarkibiy tahlillari ko`rsatadiki, xarajatlar
nominal mazmunda (mutlaq ko`rsatkichlarida) ortib borayotganligini kuzatishimiz
mumkin. Lekin, uning yalpi ichki mahsulotga nisbatan salmog`ining kamayib
borish tendentsiyasi kuzatilmoqda.
Shu bilan bir qatorda, davlat byudjeti xarajatlari tarkibida ijtimoiy soha va
aholini ijtimoiy himoyalash xarajatlarining izchil ravishda ortib borayotganligi
davlatimiz tomonidan kuchli ijtimoiy siyosatning moliyaviy asoslari
shakllantirilayotganligidan dalolatdir.
Davlat byudjeti xarajatlarining tarkibidagi ijtimoiy-madaniy tadbirlar
xarajatlari yil sayin oshib borgan(2-jadval).
Keyingi 5 yil mobaynida jami byudjet xarajatlarining tarkibida ijtimoiy
sohaga qilinayotgan xarajatlar 2011 yilda 58,2 foizdan 2015 yilda 59,1 foizgacha
o`sib borgan. ushbu xarajatlar 2012 yilda 12513 milliard so’mga rejalashtirilib,
jami byudjet xarajatlarida 58 foizni tashkil etishi ko’zda tutilgan bo’lsa, 2013 yil
uchun kelib ushbu xarajatlar 15573 milliard so’m hajmida rejalashtirilgan va uning
jami byudjet xarajatlaridagi ulushi 59,2 foizni va 2014 yilda esa 18 783,4 mlrd
so’m yoki 59,5 foizni tashkil etishi ko’zda tutilgan. Demak, ushbu sohaga
qilinayotgan xarajatlar, birinchidan, nominal mazmunda va shuningdek, umumiy
xarajatlar salmog’ida ham ortib bormoqda.

Ushbu holat jahondagi barcha davlatlar orasida eng yuqori ko`rsatkichni
tashkil etadiki, o`z navbatida, respublikamizda izchil amalga oshirilayotgan
ijtimoiy islohotlarning uzoq, strategik ahamiyatga ega ekanligidir. SHuningdek,
ushbu xarajatlarning o`sib borishi bilan birga, ularning davlat byudjeti
xarajatlaridagi eng yuqori salmoqni tashkil etmoqda.
Davlat hokimiyati va boshqaruvi organlari, sud organlari faoliyati uchun
xarajatlar jami xarajatlar tarkibida 2011 yilda jami byudjet xarajatlari 3,7 foizni,
2015 yilga kelib esa bu xarajatlar 3,1 foizni tashkil etmoqda. Davlat hokimiyati va
boshqaruvi organlari, sud organlari ta’minoti uchun saqlash xarajatlar jami
xarajatlar tarkibida 2012 yilda 2,9 foizni tashkil etgan bo’lsa, 2013 yilda bu
xarajatlar 3,1 foiz darajasida va 2014 yilda 3,2 foiz bo’lishi ko’zda tutilgan.
Fuqarolarning o’zini o’zi boshqarish organlarining ta’minot xarajatlari 2013-2014
yillarda jami byudjet xarajatlarining 1,1 foizini tashkil etayotgani kuzatilmoqda.
Bu o’z navbatida davlat boshqaruvi tizimida mahalla institutining rolini oshirish,
uning moddiy-texnik bazasini mustahkamlash bo’yicha amalga oshirilayotgan
islohotlar bilan bevosita bog’liqdir. Demak, nominal mazmunda ushbu xarajatlar
qariyb 2 barobardan ko`p o`sgan bo`lsa-da, ularning byudjet xarajatlaridagi
salmog`i kamayib borgan.
Iqtisodiyot xarajatlari esa 2011 yilda 1938 mlrd. so`mni tashkil etgan bo`lib,
jami byudjet xarajatlarida 11,5 foizni tashkil etgan. 2015 yilga kelib ushbu
xarajatlarning jami davlat byudjeti xarajatlaridagi salmog`i 10,1 foizni tashkil
etgan. Lekin, ushbu xarajatlar nominal mazmunda o`sib borgan.
Vazirlar Mahkamasining zaxira jamg’armasining byudjet xarajatlaridagi
ulushi oxirgi yillarda 0,3 foizni tashkil etib, o’zgarmayotganligini ko’rish mumkin.
Boshqa xarajatlarning jami byudjet xarajatlaridagi ulushi 2012-2013
yillarda 20,7foizni tashkil etgan bo’lsa, 2014 yilda 0,2 foizga kamayib 20,5 foizni
tashkil etishi rejalashtirilgan.
Markazlashtirilgan investitsiyalarni byudjetdan moliyalashtirish uchun 2011
yilda 1037 mlrd. so`m, 2011 yilda 1037 mlrd. so`m, 2012 yilda 1174 mlrd. so`m,
2013 yilda 1300 mlrd. so`mni, 2014 yilda 1500 mlrd. so`mni va 2015 yilda 1800
mlrd. so`mni tashkil etmoqda. Bu, o`z navbatida, hozirgi kunda amalga
oshirilayotgan iqtisodiyotni modernizatsiya qilish va yangilash, innovatsion
texnologiyalarni keng joriy qilish bilan bog`liq yirik va strategik ahamiyatga ega
bo`lgan loyihalarni moliyalashtirishda byudjet investitsiyalarining ham ahamiyati
yuqoriligidan dalolat beradi.
2011 -2015 yillardagi davlat moliyasi tizimi barqarorligini ta`minlash
bo`yicha islohotlardagi muhim qadamlardan biri bu – bir nafar o`quvchiga
15
(tarbiyalanuvchiga) xarajatlarning bazaviy me`yorlaridan kelib chiqqan holda
maktabgacha tarbiya muassasalari, umumta`lim maktablari, akademik litseylar va
kasb-hunar kollejlarining byudjetini rejalashtirish va xarajatlarini moliyalashtirish
tartibi joriy etilganligi va 2010 yildan boshlab ushbu tartibni respublikaning barcha
hududlaridagi mazkur muassasalarga tatbiq etilgani hisoblanadi. Natijaga
yo`naltirilgan byudjetlashtirishning ushbu mexanizmi byudjet muassasalarining
moliyaviy mustaqilligini oshirilishini ta`minladi va xarajatlarning manzilli va
maqsadli sarflanishi uchun sharoit yaratilishiga olib kelmoqda.

2011 -2015 yillar mobaynida byudjet tashkilotlarida ish haqi va ijtimoiy
nafaqalarning izchil ravishda oshirib borilishi davom ettirildi. Jumladan, birgina
byudjet tashkilotlari xodimlarining ish haqi 2014 yilda 23,2 foizga oshirildi.
Birinchi Prezidentimiz Islom Karimov 2014 yildagi erishilgan natijalarga to`xtalib, quyidagi fikrlarni aytib o`tgan edi: “Iqtisodiyotimizning jadal va mutanosib rivojlanib borayotgani aholi hayot darajasi va sifatini izchil oshirish uchun mustahkam zamin yaratmoqda. Byudjet tashkilotlari xodimlarining ish haqi,
pensiya va stipendiyalar hajmi o`tgan yili 23,2 foizga oshdi. Aholining jon boshiga
to`g`ri keladigan real daromadlar esa 10,2 foizga ko`paydi”
Davlat byudjetidan iqtisodiyotni qo`llab-quvvatlash uchun xarajatlari
tarkibida Qishloq va suv xo`jaligi vazirligi tasarrufidagi suv xo`jaligi tashkilotlari
tomonidan iste`mol qilinadigan elektr-energiyasi to`lovlari jami byudjet xarajatlari
tarkibida 2011 yilda 3,7 foizni tashkil etgan bo`lsa, 2011 yilda 3,8 foizni, 2012 va
2013 yillarda 3,5 foizni, 2014 yilda 3,4 foizni, 2015 yilda esa 3,3 foizni tashki
etishi ko`zda tutilgan.
Yuqoridagi tahlillardan ko`rinib turibdiki, davlat byudjeti xarajatlarini
oqilona boshqarish pirovardida nafaqat ijtimoiy sohadagi davlat islohotlarining
samaradorligi ortmoqda, balki, o`z navbatida milliy iqtisodiyotni muvozanatli
rivojlanishini ta`minlashning samarali mexanizmlarini shakllantirish
imkoniyatlariga ega bo`linadi.
Xukumatning bandlik darajasi, ishlab chiqarish hajmi, inflyatsiya sur’atlari
va to’lov balansi holatini o’zgartirishga yo’naltirilgan maxsus qarorlarni qabul
qilishi natijasida davlat xarajatlari, soliqlar va davlat byudjeti qoldig’ini maqsadli
o’zgartirilishi diskret fiskal siyosat deyiladi. Diskretsion fiskal siyosatyuritilganda
iqtisodiy pasayish davrida jami talabni rag’batlantirish uchun davlat xarajatlarini
oshirilishi va soliqlarni kamaytirilishi natijasida davlat byudjeti kamomadi yuzaga
keltiriladi. O’z navbatida davriy ko’tarilish paytida byudjet ortiqchaligi yuzaga
keltiriladi. Diskretsion fiskal siyosat iqtisodiy tebranishlarni yumshatishda muhim
rol o’ynasada, uning ayrim kamchiliklari mavjud. Bu, avvalambor, vaqt oraliqlari
bilan bog’liq.
Nodiskretsion fiskal siyosat — davlat xarajatlari, soliqlar va davlat byudjeti
qoldig’ini avtomatik o’zgartirishni ko’zda tutadi. Nodiskretsion fiskal siyosat
o’rnatilgan barqarorlashtirgichlarga asoslanadi. Rivojlangan davlatlarda o’rnatilgan barqaror-lashtirgichlari rolini progressiv soliq tizimi, davlat transfertlari tizimi va foydada ishtirok etish tizimi o’ynaydi. Nodiskretsion fiskal siyosat davriy
tebranishlarni yumshatish uchun huqumatning bevosita aralashuvini talab etmaydi.