Mavzuni mustahkamlash uchun savollar.
1. Maktabgacha ta’lim tarixi haqida nimalarni bilasiz?
2. Kim ilk bor «bolalar bog’chasi» tushunchasini muomalaga kiritdi?
3. «Frebel tuhfalari» deganda nimani tushunasiz va ular nimalardan iborat?
4. Frebelbolalar bog’chasining maqsadi va tamoyillari nimalardan iborat?
5. Qaysi olimlar maktabgacha ta'lim sohasi bo'yicha ilmiy tadqiqotlar olib borgan?
6. O‘zbekistonda ijtimoiy maktabgacha ta’limning vujudga kelishi va taraqqiyot bosqichlari haqida nimalarni bilasiz?
Mavzu:Maktabgacha ta’lim va tarbiya to‘g‘risidagi qonun.
Reja:
1.Maktabgacha ta’lim va tarbiya to‘g‘risidagi qonuni haqida tushuncha.
2.Maktabgacha ta’lim va tarbiya to‘g‘risidagi qonunining maqsad vazifalari.
3.Maktabgacha ta’lim tizimida kadrlarni tayyorlash va sohaga qabul qilishga qo‘yiladigan talablar.
Tayanch so’zlar:inklyuziv, litsenziya, tarbiya, tizim, innovatsion, uzluksiz, standart,ta’lim,davlat.
O’zbekiston Respublikasining Maktabgacha ta’lim va tarbiya to’g’risidagi qonuni2019 yil 16 dekabr O‘RQ-595-sonli qarori bilan qabul qilngan.Ushbu qonun 11 bob va 28 moddadan iborat.
1-bob. Umumiy qoidalar
1-modda. Ushbu Qonunning maqsadi
Ushbu Qonunning maqsadi maktabgacha ta’lim va tarbiya sohasidagi munosabatlarni tartibga solishdan iborat.
2-modda.Maktabgacha ta’lim va tarbiya to‘g‘risidagi qonun hujjatlari
Maktabgacha ta’lim va tarbiya to‘g‘risidagi qonun hujjatlari ushbu Qonun va boshqa qonun hujjatlaridan iboratdir.
Agar O‘zbekiston Respublikasining xalqaro shartnomasida maktabgacha ta’lim va tarbiya to‘g‘risidagi O‘zbekiston Respublikasi qonun hujjatlarida nazarda tutilganidan boshqacha qoidalar belgilangan bo‘lsa, xalqaro shartnoma qoidalari qo‘llaniladi.
3-modda. Asosiy tushunchalar
Ushbu Qonunda quyidagi asosiy tushunchalar qo‘llaniladi:
alohida ta’lim olish ehtiyojlari bo‘lgan bolalar — nogironligi bo‘lganidan yoki bo‘lmasligidan qat’i nazar, oila, pedagoglar, mutaxassislar, jamiyat va davlatning alohida e’tiboriga muhtoj bo‘lgan individual ehtiyojlarga ega bolalar;
Dostları ilə paylaş: |
