Mavzu: ommaviy madaniyat va axborot xuruji

Bu ma’naviy-axloqiy illatlarning ta’siri natijasida kishilarda bir 
qator ko`rinishlar namoyon bo`ladi:  
-axloqiy buzuqlik, ya’ni jamoat joylarda o`zini tuta olmaslik va film 
va suratlar ko`rish;
-zo`ravonlik va zo`ravonlikni targ`ib qiluvchi filmlar va kompyuter 
o`yinlariga odatlanib qolish;
-o`zim bo`lsam bo`ldi, o`zga bilan ishim yo`q tushunchasida qotib 
qolish;
-barcha narsaga shaxsiy manfaat nazari bilan yondashish;
-shaxsiy manfaatni har narsadan ustun qo`yish. bu borada hech kim 
bilan hisoblashmaslik, hattoki ota-ona hurmati va fikrini ham 
mensimaslik;
-o`z nafsining quliga aylanish;
-hayosizlik, giyohvandlik, ichkilikka, tubanlikka yuz tutishlardan 
iborat.
Shundan ko`rinib turibdiki,ommaviy madaniyat yoshlarning madaniy 
ongini to`g`ri shakllanishiga salbiy ta’sir ko`rsatib, ularni xudbin qilib 
voyaga etkazadi. ―Senga erkinlik beriladi, bilganingni qil, yoshligingda 
ayshingni sur, xohlagan ishni qil, ozod va xursand, hattoki ota-onang ham 
senga xo`jayin emas degan safsatalar yoshlarni har qanday dindan va 
madaniyatdan chalg`itadi va jamiyat oldidagi mas’uliyatini yo`qqa 
chiqaradi, farzandlik burchlaridan, insoniylikdan ham begona qiladi.
Ko`rinishidan va atalishidan oddiy narsaga o`hshagan ommaviy 
madaniyat niqobi ortidagi bu ommaviy axloqsizlikdan millatning kelajagi 
bo`lgan yoshlarni asrashimiz va o`z milliy va diniy qadriyatlarimizni 
ularga o`rgatishimiz shart va lozimdir.
Bunday yot g`oyalar ta’siriga tushib qolgan ayrim yoshlar hayotga 
faqat bir tomonlama boqadigan, engil hayotga intiluvchan bo`lib voyaga 
etishadi.. Bu esa ularda buzg`unchilik, zo`ravonlik, faqat o`z manfaati 
uchun harakat qilish kabi illatlarni rivojlanishiga sabab bo`ladi.
Shu ma’noda keyingi davrda jamiyatimizda ommaviy madaniyat deb 
atalmish ma’naviy tahdid ham paydo bo`lganligi hech kimga sir emas. Bu 
tahdid avvalo jamiyatning ma’naviy-mafkuraviy omillariga xuruj 
qilmoqda.