Ommaviy axborot vositalari va ma’naviy-g`oyaviy tahdidlar haqida gap
ketar ekan, eng avvalo g`araz maqsadlarda amalga oshirilayotgan tashqi
g`oyaviy
ta’sirlar,
mamlakatimiz
hayotida
sodir
bo`layotgan
o`zgarishlarga xolis yondashuv bayrog`i ostida
berilayotgan bir yoqlama
axborotlar va baholarning oldini olish, ularga qarshi ob’ektiv
ma’lumotlarni kishilarga tezkor, tizimli va tadrijiy etkazib berish masalasi
dolzarb bo`lib turganini alohida qayd etish zarur.
Bunday informatsiyalar jamiyatda ma’lum ijtimoiy fikrning
shakllanishiga ta’sir etmay qolmaydi. SHu munosabat bilan birinchi
Prezidentimiz I.A.Karimov ―YOshlarni ochiq axborot olish davrida
hukm surayotgan umumbashariy ahloqiy inqirozdan asrash muammosiga
alohida e’tibor qaratgani diqqatga sazovor: -...keyingi yillarda ko`plab
namoyish etilayotgan jangarilik filmlarni ko`pchilik, ayniqsa, yoshlar
maroq bilan ko`radi, chunki odamzot tabiatan mana shunday to`polonlarni
tomosha qilishga moyildir. Afsuski, tarix tajribasi shundan dalolat beradi,
insonni tabiatidagi insoniylikdan ko`ra
vahshiylik, ur-yiqit instinktlari,
ya’ni xatti-harakatlarini qo`zg`atib yuborishosonroq. Ongi shakllanib
ulgurmagan aksariyat yosh tomoshabinlar bunday filmlardan ko`pincha
turli yovuzlik, yirtqichlik, shafqatsizliklarni o`rganadi, xolos. Natijada
ularning diydasi qotadi, qalbidan toshbag`irlik, zo`ravonlik, axloqsizlik
kabi illatlar joy olganini o`zi ham sezmay qoladi. Hatto shunday tomosha
va filmlarning qahramonlariga ko`r-ko`rona
taqlid qilishni istaydigan
yigit-qizlar ham topiladi. CHunki ular bunday uydirma talqinlar ta’sirida
qo`l urayotgan ishi qanday ayanchli oqibatlarga olib kelishini tushunib
etmaydi.
Globallashuv jarayoniga jamiki insoniyat tortilayotgan bo`lsada,
ammo yoshlarning ishtiroki jiddiy o`rganishni talab etadi. Bu biz
yoshlarga kelajagimiz davomchisi sifatida g`amxo`rlik qilishgina emas,
balki globallashuv jarayoni aynan yoshlar ishtirokida keng qamrovli
ahamiyat kasb etayotgani bilan izohlanadi. CHunki globallashuv tufayli
erishilgan yutuqlar va orttirilgan ommaviy madaniyat dinamik harakterda
bo`lib, uning tarqatish vositalari – zamonaviy kommunikatsiya va axborot
texnologiyalari, internet tarmoqlari va kompyuter
tizimlari tezlikni talab
qiladi va bu imkoniyat yoshlarda aks etgan. Qolaversa, ushbu tizimlarning
faoliyatiga bo`lgan qiziqish ham yoshlarga xos jarayon. ―Bugungi kunda
yoshlarimiz nafaqat o`quv dargohlarida, balki radio-televidenie, matbuot,
internet kabi vositalar orqali ham rang-barang axborot va ma’lumotlarni
olmoqda. Jahon axborot maydoni tobora kengayib borayotgan shunday bir
sharoitda bolalarimizning ongini faqat o`rab-chirmab, uni o`qima, buni
ko`rma, deb bir tomonlama tarbiya berish, ularning atrofini temir devor
bilan o`rab olish, hech shubhasiz, zamonning talabiga ham,
bizning ezgu
maqsad-muddaolarimizga ham to`g`ri kelmaydi. - deb ta’kidlaganlari bejiz
emas.
Taassufki, bugun yoshlarimizning aksariyati globallashuv tufayli
Evropa va xorijiy ma’naviy-madaniy oqimlar ta’siriga ko`proq
ishtiyoqmand bo`lib, milliy ma’naviyatimizning hayotbaxsh, yuksak
axloqiylikka asoslangan tamoyillarga ixlosmandligi sust kechmoqda.
Inson qadri, mas’uliyati, axloqiga bepisandlik ba’zi yoshlarning kiyinishi,
fe’l-atvori, yurish-turishida yaqqol ko`zga tashlanib qolmoqda.
Ta’kidlash joizki, globallashuv sharoitida intellektual zahiralarning
o`zaro boyitishi va muloqot imkoniyati o`sibgina qolmay, balki milliy
madaniyat boyitilib, umuminsoniy qadriyatlarga
erishish imkoniyati
ortadi. SHuningdek, globallashuv etnomilliy omillarning siqib chiqarilishi
bilan bog`liq xavfni vujudga keltirib, yoshlarda o`z turmush madaniyatini
o`rganishga ishtiyoqning susaytirishi, g`arb madaniyati ta’sirida ma’naviy-
mafkuraviy qashshoqlashish, xalqona qadriyatlarning unifikatsiyalashuvi
kabilarning yuzaga kelishiga imkoniyat tug`dirishi ham mumkin. Bunda
globallashuvning o`zi madaniyatga to`g`ridan-to`g`ri,bevosita ta’sir
ko`rsatmay, balki axborot texnologiyalari va telekommunikatsiya
tarmoqlari (sputnik televidenie, internet)ning keng tarqalishi va intensiv
o`sishi va rivojlanishi katta ta’sir ko`rsatadi.
Dostları ilə paylaş: