Bir necha pul oqimlarining bo‘lajak qiymati Tahlilni bo‘lajak qiymat konsepsiyasiga tayangan holda omonatlar to‘g‘risidagi misolni tahlil qilishdan boshlaymiz. Xullas, har yili bankdagi hisob raqamingizga 1000 dollar qo‘yasiz, unga yiliga 10% foyda yoziladi. Agar ikki yil ichida bir sent ham olmasangiz, muddat oxirida qancha pulga ega bo‘lasiz?
Boshlang‘ich 1000 dollar birinchi yil oxiriga 1100 dollarga o‘sadi. Keyin Siz yana bir marta 1000 dollar qo‘shasiz va ikkinchi yil boshida hisobingizda 2100 dollar bo‘ladi. Ikkinchi yil so‘ngida hisobingizda 1,1 x 2100 dollar yoki 2310 dollar bo‘ladi.
Bir necha pul oqimlarining keltirilgan qiymati qiymati ANNUITETLAR Ko’pincha, jamg’arma sxemalarda, investitsion loyihalarda yoki kreditni qaytarish sxemasida bo’lajak pul tushumlari yoki to’lovlari (ya’ni, ijobiy yoki salbiy pul oqimlari) yildan yilga o’zgarmas bo’lib qoladi. Bu kabi doimiy pul tushumlari yoki to’lovlari annuitetlar, yoki renta (annuity) deb ataladi.
1) Annuitetning bo’lajak qiymati Faraz qilaylik, Siz keyingi uch yil davomida har yili 110 dollardan jamg’arib borishni rejalashtirgansiz. Agar foiz stavkasi yiliga 10%ga teng bo’lsa, bu davrning oxiriga kelib Sizda qancha pul to’planib qolishi mumkin? Sizda qancha pul to’planishini aniqlash annuitetning bo’lajak qiymatini topish formulasidan foydalasiz.
