Eritrotsitlar o‘rtacha 4 oy umr ko‘radi. Eritrotsitlarda yadro, ribosoma, mitoxondriy bo‘lmaganligi uchun oqsillar sintezi, aerob oksidlanish jarayonlari bo‘lmaydi. Ular retikulotsit bosqichida sintezlangan oqsillar hisobiga faoliyat ko‘rsatadilar. Eritrotsitlar faoliyat ko‘rsatishi uchun qon plazmasi bilan eritrotsitlardagi moddalar konsentratsiyasi farqining saqlanishi, faol transportini amalga oshirilishi uchun membranalarga ATF energiyasi zarur. Bundan tashqari, eritrotsitlar kislorod tashiganligi sababli uni zaharli ta’siridan va boshqa eritrotsitga oksidlovchi sifatida ta’sir qiluvchi moddalar ta’siridan saqlanishi uchun ATF energiyasidan tashqari NADH2 va NADFH2 kofermentlari zarur. Eritrotsitlarning bu omillarga bo‘lgan ehtiyoji eritrotsitlarda kechadigan anaerob glikoliz va glyukozaning pentozofosfat yo‘li bilan parchalanish jarayonlari hisobiga ta’minlanadi (100-rasm)
