Yosh kopchasining atrofdagi to‘qimalari bilan o‘tkir yallig‘lanishi yoki flegmonasi. U surunkali
dakriotsistit, burun shilliq qavatlarining yallig‘lanishi, burun atrofi bushliklarining yiringli yallig‘lanishi
bo‘lib, surunkali dakriotsistit kasalini keltirib chiqaradi. Yosh kopchasi devorlari asta-sekin chuziladi.
Unda to‘planuvchi ko‘z yoshi suyuqligi patogen mikrofloralar (streptokokk, pnevmokokk va boshkalar)
rivojlanishiga qulay sharoit hisoblanadi. Bemorlar doimiy ko‘z yoshlanishiga shikoyat qiladilar. Ob’ektiv
qurganda ko‘z tirqishining ichki burchagida xalqoblanib turganini ko‘rish mumkin. Yosh qopchasi
proeksiyasidagi terida no‘xatsimon shish bo‘lib, uni bosilganda yosh nuqtasidan shilliq yoki yiringli
ajralma chiqadi. Ko‘z yoshi yo‘llarini yuvib ko‘rilganda, suyuqlik burun bo‘shlig‘iga o‘tmaydi va orqaga
yuqori ko‘z yoshi nuqtasidan kaytib chikadi. Surunkali dakriotsistit ko‘z olmasiga katta xavf tug‘diradi,
chunki ko‘pincha shox pardaning yiringli yallig‘lanishiga sabab bo‘ladi. Surunkali dakriotsistitning
davosi faqat xirurgik usul bilandir. Bunda yosh qopchasi va burun bo‘shlig‘i orasida yo‘l hosil qilinadi.
Bu operatsiya dakriotsistorinostomiya deb ataladi.
