Mədəniyyət və turizm Mündəricat

Azərbaycan Musiqi Mədəniyyəti Dövlət Muzeyi 
 
Muzey 1967-ci ildə yaradılmışdır. Bakıdadır. Muzeyin fondunda 35 mindən çox eksponat toplanmışdır. 
Eksponatlar içərisində milli musiqi alətlərindən tar, kamança, saz, dəf, qoşanağara, həmçinin qədim qrammofon 
və  patefonlar,  Azərbaycan  peşəkar  musiqi sənətinin yaradıcısı
 
  Üzeyir  Hacıbəyovun,  milli  professional  vokal 
sənətinin  banisi  Bülbülün,  görkəmli  bəstəkarlardan  Qara  Qarayevin,  Fikrət  Əmirovun,  Arif  Məlikovun, 
Süleyman  Ələsgərovun,  Cövdət  Hacıyevin  müəllif  not  əlyazmaları, 
əsərlərindən  seçmələr,  musiqi  xadimlərinin  şəxsi  əşyaları,  afişalar,  konsert 
proqramları,  musiqi  sənətinə  həsr  olunmuş  kitablar  və  başqa  materiallar 
diqqəti cəlb edir.  
Muzeyin filiallarından olan "Xalq Çalğı Alətlərinin daimi sərgisi" öz 
rəngarəngliyi  ilə  ifaçılıq  sənəti  haqqında  məlumatları  tamaşaçıların  nəzərinə 
çatdırır. 
Niyazinin  (1912-1984)  xatirə-muzeyi  bu  dahi  bəstəkar  və  dirijorun 
xatirəsinə  həsr  edilib.  Mənzilin  bəzi  otaqları  maestronun  sağlığında  olduğu 
kimi  saxlanılıb,  yəni  1958-ci  ildən  onun  vəfatına  qədər.  Eləcədə  Vaqif 
Mustafazadənin (1940-1978) xatirə-muzeyi öz musiqisində Amerikan cazının, 
Azərbaycan muğamının və Avropa pianoçuluq ənənələrinin sintezini istedadla 
yaradan dahi musiqiçinin həyat və yaradıcılığını əks etdirir. 
Muzeyin nəzdində Qədim milli musiqi alətləri ansamblı fəaliyyət göstərir. Ansamblın bənzərsiz cəhəti 
ondadır ki, musiqiçilər orta əsrlərdə istifadə olunmuş, tədricən unudulmuş və sonradan bərpa olunmuş musiqi 
alətlərində XIV əsr musiqisini, həmçinin Azərbaycan xalq mahnılarını ifa edirlər. 
 
Muzeyin ünvanı: Bakı şəhəri, Rəşid Behbudov küçəsi, 5  
Telefon :[phone]  
 
***