Microsoft Word Bojxona nazariyasi doc

Sqqs = (Bq + Ib + As) x N/100 
bunda: 

---

 
87
Sqqs - qo’shilgan qiymat solig’i summasi; 
Bq - bojxona qiymati; 
Ib - import boji; 
As - aksiz solig’i; 
N - QQS stavkasi. 
Jismoniy shaxslar tomonidan tijorat maqsadida olib kelinadigan 
tovarlardan, qo’shilgan qiymat solig’i, bojxona bojlari va yig’imlar 
o’rniga yagona bojxona to’lovi to’lash joriy etildi. 
 
7 bob.Bojxona  rasmiylashtiruvi va deklarasiyasi 
 
7.1 Deklarasiyalash jarayoni va bojxona brokeri 
 
7.1.1 Deklarasiyalash shakllari va muddati 
 
Respublika bojxona chegarasidan olib o’tilayotgan yoki bojxona 
rejimi o’zgartirilayotgan tovarlar va transport vositalari, shuningdek 
boshqa
 
tovarlar va transport vositalari uchun qonun hujjatlarida 
belgilangan hollarda bojxona organiga deklarasiya topshirilishi lozim. 
Deklarasiyalash tovarlar va transport vositalari to’g’risidagi, ular 
joylashtiriladigan bojxona rejimlari haqidagi aniq ma`lumotlarni, 
bojxona maqsadlari uchun zarur bo’lgan boshqa ma`lumotlarni 
belgilangan shaklda bayon etish orqali amalga oshiriladi. 
Deklarasiyalashning shakli va tartibi, shuningdek bojxona 
deklarasiyasida ko’rsatiladigan ma`lumotlarning ro’yxati qonun 
hujjatlarida belgilanadi. 
Tovarlar uchun bojxona rasmiylashtiruvidan o’tkazilayotgan 
bojxona organiga deklarasiya topshiriladi. 

---

 
88
Tovarlar tashiydigan transport vositalari tovarlar bilan bir vaqtda 
deklarasiyalanadi. 
Yuksiz transport vositalari va yo’lovchilar tashiyotgan transport 
vositalari respublikaning bojxona chegarasini kesib o’tish vaqtida 
deklarasiyalanadi. 
Dengiz, daryo va havo kemalari o’zi yetib kelgan respublika 
bojxona hududidagi port yoki aeroportda yoxud o’zi jo’nab ketgan 
respublika bojxona hududidagi port yoki aeroportda 
deklarasiyalanadi.
 
Bojxona deklarasiyasi bojxona organlari tomonidan belgilangan 
muddatlarda topshiriladi. Bu muddatlar tovarlar va transport vositalari 
ko’rsatilgan kundan e`tiboran o’n besh kundan oshmasligi lozim. 
Jismoniy shaxslar tomonidan notijorat maqsadlardagi tovarlarni 
qo’l yuki va bagaj holida bojxona chegarasidan olib o’tishda bojxona 
deklarasiyasi tovarlarni ko’rsatish bilan bir vaqtda topshiriladi. 
Bojxona hududiga kirib kelayotgan transport vositalari 
respublika bojxona chegarasini kesib o’tganidan keyin ko’pi bilan 
uch soat, bojxona hududidan chiqib ketayotgan transport vositalari 
esa respublikaning bojxona chegarasini kesib o’tishiga kupi bilan uch 
soat qolganida deklarasiyalanadi. 
Ushbu me`yorda ko’rsatilgan muddatlar bojxona organlari 
belgilaydigan tartibda va shartlarda uzaytirilishi mumkin. 
Bojxona organi bojxona deklarasiyasini qabul qilishni rad 
etishga haqli emas. 
Bojxona deklarasiyasi qabul qilinganligi rasmiylashtirilgan 
paytdan boshlab u yuridik ahamiyatga molik faktlardan dalolat 
beruvchi hujjatga aylanadi. 
Bojxona deklarasiyasini taqdim etish bilan bir vaqtda bojxona 
organiga boshqa zarur hujjatlar ham topshiriladi. Bojxona organi 

---

 
89
bojxona deklarasiyasi va taqdim etilgan hujjatlarda bayon etilgan 
ma`lumotlarni tekshirish uchun qo’shimcha ma`lumotlarni so’rab 
olishga haqli. Ko’rsatib o’tilgan hujjatlar va qo’shimcha ma`lumotlar 
ro’yxati qonun hujjatlarida belgilanadi. 
Bojxona organi etishmayotgan hujjatlar va ma`lumotlarni taqdim 
etish muddatlarini belgilashga haqli. 
Bojxona organining ruxsati bilan xalqaro tashishlarda 
qo’llaniladigan chet tillarda tuzilgan hujjatlar taqdim etilishi mumkin. 
Bojxona deklarasiyasida ko’rsatilgan ma`lumotlar bojxona 
organining ruxsati bilan deklarant tomonidan o’zgartirilishi yoki 
to’ldirilishi, topshirilgan bojxona deklarasiyasi esa qaytarib olinishi 
mumkin. 
O’zgartirish, to’ldirish yoki kaytarib olish faqatgina: 
-  bojxona deklarasiyasini tekshirish boshlanguniga qadar; 
-  tovarlar va transport vositalarini ko’zdan kechirish 
boshlanguniga qadar; 
-  ko’rsatilgan ma`lumotlarning noto’g’ri ekanligi bojxona 
organi tomonidan aniqlanguniga qadar amalga oshirilishi 
mumkin. 
Bojxona deklarasiyasini o’zgartirish yoki to’ldirish uning amal 
qilish doirasini kengaytirishi yoki toraytirishi mumkin emas. 
Bojxona organlarining mansabdor shaxslari o’z tashabbusi bilan, 
shaxsning topshirig’i yoki iltimosiga binoan yozma bojxona 
deklarasiyasini to’ldirishga, bojxona deklarasiyasida ko’rsatilgan 
ma`lumotlarni o’zgartirish yoki to’ldirishga haqli emas, bojxona 
organlarining vakolatiga kiritilgan ma`lumotlarni bojxona 
deklarasiyasiga kiritish hollari, shuningdek agar mashinada ishlov 
berish uchun foydalaniladigan kodli ma`lumotlar bojxona 

---

 
90
deklarasiyasida kodsiz ko’rinishda mavjud bo’lsa, kodli mu’lumotlarni 
o’zgartirish yoki to’ldirish bundan mustasno. 
Agar deklarant alohida sabablar tufayli batafsil bojxona 
deklarasiyasini taqdim eta olmasa, bojxona organi qonun hujjatlarida 
belgilanadigan tartibda muvaqqat yoki to’liq bo’lmagan bojxona 
deklarasiyasini taqdim etish uchun ruxsat berishga haqli, bunda 
muvaqqat yoki to’liq bo’lmagan bojxona deklarasiyasida bojxona 
maqsadlari uchun zarur bo’lgan asosiy ma`lumotlar bayon etilishi va 
yetishmayotgan ma`lumotlar bojxona organi belgilaydigan 
muddatlarda taqdim etilishi shart qilib qo`yiladi. 
Ayni      bir    shaxs  tomonidan    ayni      bir  xil    tovarlar      va 
transport vositalari muntazam ravishda olib o’tilsa, bojxona organi 
muayyan davr mobaynida respublikaning bojxona chegarasi orqali 
olib o’tiladigan barcha tovarlar va transport vositalariga bitta bojxona 
deklarasiyasi berilishiga ruxsat etishi mumkin. 
Davriy bojxona deklarasiyasini topshirish hollari va tartibi qonun 
hujjatlarida belgilanadi.