I-IV sinflar uchun harakatli o’yinlar.
1-sinf.
Harkatli o’yinlarni kichkintoy bolalar ham, kattalar ham qiziqish bilan
o’ynaydilar.
O’yinlarda biz harakatning yurish, yugurish, sakrash, uloqtirish, to’siqlarni,
qarshiliklarni yengish kabi asosiy turlarini ko’ramiz. O’yinlar diqqat bilan fikrlashni
jamlashni o’rgatadi, chaqqonlikni, tezkorlikni, kuch, chidamlilik sifatlarini
rivojlantiradi. Jamoa o’yinlari esa do’stlik va o’rtoqlik hissini tarbiyalaydi.
Ochiq havoda o’tkaziladigan o’yinlar sog’lik uchun juda foydalidir. Har bir
o’yinning o’ziga xos qoidalari bor. Unda birov yutadi., birov esa yutqazadi. Shuning
uchun boshlashdan oldin hakam tayinlash kerak.
“Sopolak” o’yini . Bu qiz va o’g’il bolalarning eng sevimli o’yinlaridan
biridir. Ayniqsa, qiz bolalar bu o’yinni yaxshi ko’radilar. O’yindan avval 5 juft katak
ikki qator qilib chiziladi. Shundan so’ng sanash yo’li bilan o’yinchilar ketma-ketligi
aniqlanadi. Boshlovchi kichikroq yassi toshni tanlaydi. So’ngra o’yinchi bir oyoqda
chiziq boshidan sakrab, sopolakni tepib, chiziqlarga tushurmasdan olib o’tadi. Kim
oldin sopolakni hamma kataklariga ketma-ket oyoq bilan tepib, olib o’tsa, o’sha g’olib
chiqadi.
"Ko’z bog’lag’ich"o’yini. O’yin qatnashchilaridan birining ko’zi ro’mol bilab
bog’lanadi va u o’rtada turadi. Bolalar: - "Xola, nimangiz yuqoldi?" - deb so’rashadi.
Ko’zi bog’langan bola: "Angishivonam", - deb javob beradi. Bolalar: "men topdim,
men topdim", - deb har tomonga yuguradilar. Ko’zi bog’langan bola esa tovush kelgan
tomonlarga qo’lini cho’zib, bolalarni ushlashga harakat qiladi. Ushlangan bola o’yindan
chiqadi yoki uning ko’zini bog’lashadi. O’yin shu tariqa davom etadi. Hyech tutilmagan
o’yinchilar eng chaqqon va g’olib deb hisoblanadi.
|
