Qarindoshlari kechasi dafn qilib kelishdi. O’likni shuncha tez ko‘mish joizmi? Javob: Dinimiz mayyitni imkoni boricha tezroq dafnga hozirlab, janozasini o‘qish va
qabrga qo‘yishni targ‘ib qiladi. Bu shariatimiz ko‘rsatmasi bo‘lsa, mayyitga hurmatdir.
Zero, o‘lik tana uzoqroq vaqt qolsa, o‘zgarishi, hidlar paydo qilishi mumkin. Bu holdan
tiriklarga ham ozor yetadi.
Payg‘ambarimiz alayhissalom sahobalardan bittasini tunda dafn etganlar. Hazrati Abu
Bakr Siddiq vafot etganlarida ham, Imom Buxoriy rivoyatlariga ko‘ra, tong otguncha
dafn etilganlar.
Savol: Janoza namozi o‘qiyotgan imom har gal takbir aytganida iqtido qilayotganlarning ko‘plari boshlarini yuqoriga ko‘tarib-tushiradilar. Shu to‘g‘rimi? Javob: Bu ishlarida ma’no yo‘q. Aksincha, u man etilgan amaldir. Bunday bosh
ko‘tarish aqidamizga zid holatlardan hisoblanadi.
Savol: Mayyitni janoza o‘qish uchun masjidga ko‘tarib kelganlarning ko‘pi nima uchundir janoza namozida qatnashmaydilar. Bunga nima deysiz? Javob: Mo‘minlar marhumning yaqinlariga ko‘rinib qo‘yish uchun emas, balki uning
janozasini o‘qish, haqqiga duo qilish, Allohdan gunohlarini mag‘firat qilishini so‘rash
uchun janozaga keladilar. Janoza namozida hozir bo‘lib, unda ishtirok etmaslik ana shu
qarzni uzishdan bo‘yin tovlashdir.
Savol: Nima uchun odatda musibatxonalarda mayyit chiqarilmay turib tilovat qilmaydilar, balki mayyitning dafnidan keyingina tilovat qilinadi? Javob: «Majmu’-ul fatovo» kitobida mayyitni yuvmay turib, uning haqqiga tilovat
qilish mumkin emas deyilgan. Mayyit yuvilgach tilovati Qur’on uchun mayyitning
musibatxonadan chiqarilishi shart emas.
Savol: Xalqda «Aza uch kundir», degan gap yuradi. Nima, uch kundan
