Microsoft Word dinda savol2 ziyouz com doc

Savol: Ayrim kishilarga ro‘za tutmaslikka ijozat berilgan ekan. Ular 
kimlar? 
Javob: Ro‘za – Islomning besh arkonlaridan biri. U shundayin ulug‘ ibodatki, 
Rasululloh (s.a.v.) : «Agar ummatim Ramazon xislatini bilganida edi, yilning hammasi 
Ramazon bo‘lishini orzu qilar edi», deganlar. 

---

Dinda savolim bor. 2-kitob 
www.ziyouz.com kutubxonasi 
21
Inson kasalligining kuchayishi yo tuzalishining kechikishidan qo‘rqsa, safarda bo‘lsa, 
homilador yo emizikli holda o‘zi yo go‘dakka ziyon yetishidan xavf qilsa ro‘za tutmasligi 
mumkin. Bu kishilar ro‘za tutishga mone’ bo‘lgan sabab ketganidan so‘ng qoldirgan 
kunlarining qazosini tutib berishadi. 
Qarib holdan toygan kishilar va tuzalmaydigan og‘ir bemorlar ro‘za tuta olmasalar, har 
kungi ro‘za uchun ikki kilo bug‘doy yoki uning miqdorida kambag‘allarga fidya beradilar. 
Bordiyu so‘ngra quvvatga kirib yoki tuzalib qolsalar, qazo tutib berishlari lozim.
Kunduzi o‘smir balog‘atga yetsa, ayol hayz va nifosdan toza bo‘lsa, kasal sog‘aysa, 
musofir yurtiga (uyiga) kelsa, kishi adashib yoki qasddan taom yeb qo‘ysa, bularning 
barchasi shu kun oxirigacha hech narsa yeb-ichmasligi kerak.
Ro‘za tutishni niyat qilgandan so‘ng bir necha kun behush yoki jinni bo‘lgan kishi 
mazkur kasallik yetgan kundan qolgan kunlarni qazo qiladi.
Bir oy komil Ramazon sharifda jinnilik holatida bo‘lgan kishidan ro‘za soqit bo‘ladi. 
Agar mazkur davrda behush bo‘lsa unga qazo lozimdir. Hayz va nifosdagi ayollar ro‘za 
tutmaydilar. Toza bo‘lganlaridan so‘ng qazosini tutib beradilar. Ramazonda ro‘zador kishi 
qasddan yeb-ichsa yoki jimo’ qilsa kuniga bir kundan qazosini tutib beradi va jinoyati 
uchun kafforot (evaz to‘lash) vojib bo‘ladi. 
Savol: Fitr sadaqasi nima va uni kimlarga berish lozim?
Javob: Fitr sadaqasi Ramazon oyida beriladi. Payg‘ambarimiz (s.a.v.) hijratning 
ikkinchi yili fitr sadaqasi berishni buyurganlar. Buning qator hikmatlari bor: 
1. Ramazon hayitidek ulug‘ kunda faqirlarni tilanchilik qilish iztirobidan qutqarish; 
2. Barcha musulmonlar shod-xurram bo‘lgan bayram kuni faqirlarni xursandlik va 
farog‘atga erishtirish; 
3. Ro‘za tutib vujudini poklagan kishining molini ham poklashi; 
4. Ro‘za davomida ehtimolan yo‘l qo‘yilgan ba’zi xatolarning to‘g‘rilanishi; 
Fitr sadaqasi zaruriy ehtiyojlaridan ortiqcha kumush nisobi miqdoridagi mulkka ega 
bo‘lgan musulmonga vojibdir. Mazkur nisob miqdoridagi mulkning ko‘payuvchi bo‘lishi
yoki oradan bir yil o‘tgan bo‘lishi shart emas.
Ramazon hayitining birinchi kuni tong otishi bilan fitr sadaqasini berish vojib bo‘ladi. 
Bu vaqtdan avval vafot etgan yoki faqir bo‘lib qolgan, (tong otganidan) so‘ng musulmon 
bo‘lgan, tug‘ilgan yoki badavlat bo‘lgan kishiga fitr sadaqasi vojib emas.
Fitr sadaqasini hayit kunidan avval yoki keyin berish joizdir. Hayit namoziga 
chiqmasdan avval berish mustahabdir. Fitr sadaqasining berilishi vojib bo‘lgach, 
mulkning yo‘qolishi fitr sadaqasini berish majburiyatini bekor qilmaydi.
To‘rt (xil) narsani fitr sadaqasi qilib berish mumkin: bug‘doy, arpa, xurmo, mayiz yoki 
shuning miqdoridagi mablag‘. 
Bug‘doydan, bug‘doy unidan yoki qovurilgan bug‘doy unidan yarim so’ - 1,664 kg, 
arpa, xurmo va mayizdan bir so’ yoki 3,328 kg. berilishi lozim.