Microsoft Word dinda savol2 ziyouz com doc

 
Savol: Jinlar qay shaklda ko‘rinadi? 
Javob: Bir necha hadislarga ko‘ra shayton va jinlar gohida odam, ko‘pincha turli 
hayvonlar shaklida ko‘rinar ekan. 
Payg‘ambar (s.a.v.): «Bani Isroildan ba’zilari maymun va to‘ng‘izlar suratiga aylantirib 
qo‘yilganidek, jinlar ham ilonlar suratiga kiritilgan», deganlar. (Ibn Hibbon va Tabaroniy 
rivoyati). 
Abu Hurayra (r.a.) Payg‘ambarimizdan ushbu hadisni rivoyat qilganlar: «Har bir 
tuyaning ustida shayton bor. Ular minib xorlanganlar. Chunki minuvchini Alloh taolo 
ko‘tarib turadi», 
Abu Qaloba (r.a.) rivoyat qilishlaricha, Payg‘ambar alayhissalom shunday deganlar: 
«Agar itlar bir jamoat bo‘lmaganida ularni o‘ldirib yuborishga amr etardim. Lekin 
qorasini o‘ldiringlar. Chunki u itlarning jinidir yoki jindandir». 
Shayxulislom Ibn Taymiya (r.a.) shunday deydilar: «Qora it itlarning shaytonidir. 
Jinlar juda ko‘p suratlarda ko‘rinadi. Shuningdek qora mushuk suratida ham. Chunki 

---

Dinda savolim bor. 2-kitob 
www.ziyouz.com kutubxonasi 
30
qoralik boshqa ranglarga qaraganda shaytoniy kuchlarni jamlovchiroqdir. Yana unda 
harakat quvvati ham bordir. Jinlar ilon, chayon va boshqa suratlarda, tuya, sigir, qo‘y, 
ot, xachir, eshak va qushlar suratida ham, bani Odam ko‘rinishida ham ko‘rina oladilar». 
 
Savol: Ba’zilar folbinga borib, kelajaklari haqida fol ochirishadi. Shu 
to‘g‘rimi? 
Javob: Hozirgi paytda boshiga biror tashvish tushgan yoki biror narsasini yo‘qotgan 
ayrim kishilar darrov folbin huzuriga borib,fol ochtirishga, «issiq-sovuq» qildirishga, 
uning aytganlarini bajarishga o‘rganib qolishgan. Vaholanki bu ish Qur’oni karim hukmi 
va Rasululloh sunnatlari bilan man etilgan. 
Qur’oni karimning ichkilik ichish, qimor o‘ynash va butlarga sig‘inish harom ekani 
haqidagi oyatida folbinlik ham sanalgan: «Ey mo‘minlar, aroq (mast qiladigan ichkilik 
ichish), qimor (o‘ynash), butlar (ya’ni ularga sig‘inish) va cho‘plar (ya’ni cho‘plar bilan 
folbinlik qilish) shayton amallaridan bo‘lgan harom ishdir. Bas, najot topishingiz uchun 
ularning har biridan uzoq bo‘lingiz!» (Moida surasi, 90-oyat). 
Kelajakni faqat Alloh biladi . Bu narsa Qur’oni karimda ko‘p takrorlangan. 
Rasululloh (s.a.v.) aytadilarki: «Folbinga borib, undan fol ochishni so‘ragan va uning 
aytganlarini tasdiqlagan kimsa Muhammadga yuborilgan narsani inkor etgan bo‘ladi». 
Hozirgi kunda keng tarqalgan kitobga, qartaga, suvga va boshqa narsalarga qarab fol 
ochish, shuningdek yulduzlarga qarab kelajakni aytish (munajjimlik) barcha-barchasi 
Qur’oni karimda ta’kidlangan harom amallardan sanaladi. Bularni dinimiz taqiqlaydi. 
Folga ishongan kishi kofir bo‘ladi, dindan chiqadi. Rasulullohdan rivoyat qilingan hadisda 
aytilishicha, jinlar g‘ayb ishini (kelajakda nima bo‘lishini) bilmaganlari uchun bir yilgacha 
Sulaymon alayhissalomning o‘lganlarini bilmay, u zot uchun ishlayvergan 
ekanlar.Demak, folbinlarning «mening jinim undoq deyapti», «bobolarim bundoq 
deyapti» degan gaplari aldamchilikdan o‘zga narsa emas.