Microsoft Word dinda savol2 ziyouz com doc

Savol: Ayrimlar taloq qilingan ayolini «halola» yo‘li bilan yana 
nikohlab olsa bo‘ladi, deyishadi. «Halola» Islomda bor narsami? 
Javob: Inson tabiatan tanho yasholmaydi. Alloh taolo uni shunday yaratgan. Oila 
quradi, nasl qoldiradi. Oila mustahkam, orttirilgan farzandlar ma’naviy va ruhiy 
barkamol bo‘lishi uchun er va xotin nikoh shartlariga rioya etishlari lozim. Er-xotin o‘z 

---

Dinda savolim bor. 2-kitob 
www.ziyouz.com kutubxonasi 
26
hayotlarini birgalikda davom ettirishlariga ko‘zlari yetmay qolganda ularning har biriga 
ajralish huquqi berilgan. Er uchun taloq, xotin uchun xulu’ –mol evaziga eridan taloq 
olish joriy qilingan.
Er agar xotinini uch taloqdan kam taloq qilgan bo‘lsa, ajralishganlaridan so‘ng yana
yangi nikoh orqali birgalikda yashashlari mumkin. Ammo uch taloq qilgan bo‘lsa, endi 
ular hayotlarini o‘zaro bog‘lay olmaydilar. Xotin boshqa erga tegib, u bilan ham 
kelisholmay ajralsa yo undan beva qolsa, ana shundagina avval uch taloq qilgan eri bilan 
hayotini qayta bog‘lashi mumkin. 
Uch taloq qilingan xotin taloq qilgan eriga halol bo‘lishi uchun boshqa birov o‘z 
nikohiga olib, qo‘shilib, so‘ng taloq qilishini «halola» deyishadi. «Halola» «shar’iy hiyla» 
hisoblanadi. «Shar’iy hiylalar»ga amal qilish din asoslarini yemiradi. Halolaga rozi 
bo‘lgan er va halola qiluvchi haqida Abdulloh ibn Mas’ud (r.a.) shunday deydilar: 
«Rasululloh (s.a.v.) halola qilguvchini va halola qildirguvchini la’natlaydilar».
La’natga uchragan kimsa dunyo va oxirat ne’matlaridan bebahra qoladi. Shunday 
ekan, mutloq ajralib ketishga ko‘zi yetmagach, yengiltaklik qilib, og‘ziga taloq so‘zini 
olmaslik kerak. 
 
Savol: Bola tug‘ilganidan so‘ng necha kundan keyin uning qulog‘iga 
azon va iqomat aytiladi? Shu aytilgan azon va takbir janoza namozining