Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
249 sirlərini heç kimin cəzasız qarşı gələ bilməyəcəyi bir ev, ailəvi, müqəddəs yer sayılır. Klubdan qovulmaq ingilis üçün biabırçılıq sayılır. İngilis cəmiyyətə yüksək tələbat hiss edir, lakin heç kim onun qədər çoxsaylı insanların arasında özünü təcrid edə bilmir. Mədəni qaydaları pozmadan böyük bir toplumun içərisində özüylə ola bilir, düşüncələrinə dalır, özünü və başqalarını utandırmadan özünə sərf eləyəni edə bilir. Heç kim ingilis qədər öz vaxtını və pulunu düzgün bölə bilmir. O, həddindən artıq çox işləyir, lakin hər zaman istirahət etməyə də vaxt tapır. İş saatlarında əyilmədən işləyir, bütün əqli və fiziki gücünü ortaya qoyur, asudə vaxtlarında isə həvəslə həzzə qapılır. Harada yaşamağından asılı olmayaraq hər bir ingilisin üzərinə onun milliyətinin möhürü vurulmuşdur. Fransızı italyandan və ya ispandan fərqləndirmək hər zaman asan deyildir, lakin ingilisi kiminləsə səhv salmaq çətindir. Hara gedir getsin özüylə adətlərini, davranış tərzini daşıyır, heç yerdə və heç kimə görə öz vərdişlərini dəyişmir, hər yerdə özünü evindəki kimi aparır. Bu, original, özünəxas, yüksək səviyyədə bütöv xarakterdir. İngilis çox şöhrətpərəstdir. O, inanır ki, onun ata yurdunda hər şey başqalarından daha yaxşıdır. Buna görə də onlar əcnəbilərə yuxarıdan baxır, üzülərək, çox zaman isə laqeyd yanaşırlar. Bu qüsurlu cəhət ingilislərdə ünsiyyətin olmaması nəticəsində və digərləri üzərində özünün üstünlüyünü şüurunda böyütmüşdür. Pul ingilisin sitayiş obyektidir. Heç kim zənginliyə bu cür hörmətlə yanaşmır. İngilisin ictimai mövqeyi nə olur olsun, istər alim, vəkil, siyasi xadim və ya kahin ilk növbədə tacirdir. Hər addımında vaxtının çox hissəsini pul qazanmağa sərf edir. Onun ilk qayğısı hər zaman və hər yerdə mümkün qədər daha çox qazanmaqdır. Lakin pul qazanmağa belə bir həvəs və hərisliyin olmasına baxmayaraq ingilis xəsis deyildir: rahat yaşamağı və istədiyi kimi xərcləməyi sevir. İngilislər çox səyahət edirlər və hər zaman daha çox fakt |