Microsoft Word etno kitab son srift 12

ETNOPSİXOLOGİYA 
286 
onları müstəqilliyə öyrəşdirirlər. Əgər uşaq palçıqda oynamağı arzu 
edirsə, ana hirslənməyəcək və ata qayışını çəkməyəcək. Çünki hər 
kəsin öz səhvləri və təcrübə hüququ vardır. 
6. Nənələrlə və babalarla nəvələr nadir hallarda görüşürlər, 
bir qayda olaraq onlar başqa ştatlarda yaşayırlar. 
7. Amerikalılar üçün uşağın ətrafında mənəvi atmosfer 
əhəmiyyətlidir. Məsələn, çimərlikdə hətta balaca qız çimərlik 
geyimində hökmən olacaqdır. 
8. Şəxsi həyata hüquq. Bu qaydaya riayət etməyi amerikalılar 
hətta körpələrdən tələb edir. Uşaqlar valideynlərdən ayrı otaqlarda 
yatırlar və hər halda körpə gecə su içmək istəsə və ya valideynin 
yorğan-döşəyində kabuslardan gizlənmək istəsə də ana- ataya 
toxunmaq olmaz. Heç kim hər beş dəqiqədə uşaq çarpayısına 
qaçmır. 
9. Uşaq doğulana kimi mövcud olan həyat tərzi doğuşdan 
sonra da davam edir. Uşaq dostlarla səs-küylü əyləncə gecələrindən 
və görüşlərdən imtina etmək səbəbi deyil, onlar bu yerlərə körpəni 
özüylə götürürlər və onun ağlamağına baxmayaraq, hər bir qonağa 
saxlamağa verirlər. 
10.Uşaq tibbinin əsas şüarı "təlaşa düşməyin". Təzə 
doğulmuş körpənin müayinəsi qısa ola bilər "çox gözəl uşaqdır!" 
deyirlər və kütləsini çəkirlər. Həkimlər tərəfindən sonrakı 
müşahidəyə gəlincə körpənin zahiri görünüşü həkim üçün əsas 
amildir. Əla görünür? Deməli, sağlamdır. 
Cənubi Amerikada ibtidai insanların mədəniyyəti bir-
birindən ayrı şəkildə yaşayan tayfa qruplarının məişət və əmək 
fəaliyyətində təzahür edirdi. Onlar Cənubi Amerika və Odlu 
Torpaq rayonunun tropik meşəlikləri və düzənliklərində 
məskunlaşmışlar. Hündür dağlar, böyük çaylar, təsəvvürə gəlməz 
düzənliklərlə əhatələnmiş bu məkandan insanlar öz ibtidai 
məişətlərindən irəliyə addımlaya bilməmişlər. 
Odlu Torpaq rayonu, Şərqi Braziliya, Argentina, Boliviya, 
Paraqvayda yaşayan tayfalar cəmiyyət və mədəniyyətin ibtidai 
inkişafında idilər. Onların həyat tərzi dinamik xarakter kəsb edirdi. 

---