Microsoft Word etno kitab son srift 12

ETNOPSİXOLOGİYA 
309 
5.2.6. Şərqi Avropa və slavyandilli xalqların 
etnopsixoloji xüsusiyyətləri 
Slavyanlar tarixən Mərkəzi və Şərqi Avropada yaşayırdılar. 
VI əsrdən başlayaraq isə Slavyanlar bir çox ərazilərdə 
məkunlaşmışlar. Bu səbəbdən Slavyanlar 3 qrupa bölünürlər:
1. Qərbi slavyanlar: çexlər, polyaklar, slovaklar;
2. Cənubi slavyanlar: bolqarlar, serblər və keçmişdə 
Yuqoslaviya parçalandıqdan sonra yaranan və hal-hazırda Avropa 
İttifaqına daxil olduqlarına görə formal olaraq cənub slavyanlar 
hesab edilməyən xorvatlar, boşnaklar, makedoniyalılar, çernoqori-
yalılar, slovenlərdir. Onlar Balkan yarımadasında məskunlaşdıqları 
üçün həmçinin balkan slavyanları da deyilir.
3. Şərqi slavyanlar: ruslar, ukraynalılar və belaruslar.
Slavyanların fərqli millətlərə məxsus olmasına və dillərinin 
fərqli olmasına baxmayaraq onlar bir-birlərini qarşılıqlı olaraq 
anlaya bilmə bacarığına sahibdirlər. Lakin, bu xalqların tək oxşar 
xüsusiyyəti də elə budur. Slavyan dilli xalqların çox olmasına 
baxmayaraq onların əksəriyyəti zamanla məhv olmuşdur.
Polyaklar. Polyaklar Hind-Avropa dil ailəsinin slavyan 
qrupunun lexit budağının polyak dilində danışan xalqdır. Dünyada 
yaşayan 60 milyondan çox polyakdan 36 milyondan çoxu Polşada 
yaşayır. Polşa tək millətli xalq olub əhalisinin 98%-ni polyaklar 
təşkil edir.
Polşada milli identikliyin və etnik mənşəyin formalaşması X 
əsrə təsadüf edir. Siyasi cəhətdən birləşən bu etnik azlıqlar, 
Mazovilər, Silezyanlar, Kaşubilər, Qorallar və s. Polşanın milli 
xarakterinin formalaşmasına öz təsirini göstərmişdir. Müasir 
Polşada bu etnik qruplardan ibarət azlıqları tez-ez görmək 
mümkündür. 
Polyaklar mədəniyyətə və incəsənətə olduqca yüksək qiymət 
verirlər. Hətta 1490-cı ildə Leonardo da Vinçi tərəfindən çəkilən 
“Ermine ilə bir qadın” adlı rəsm Polşanın mədəni irsini əks 
etdirərək, polyaklar üçün qiymətli xəzinə hesab edilir. Tənqidçilər 

---