Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
312 dəyərlərinə də olduqca yüksək qiymət verilir. Nəsli davam etdirmək, hələ də ailənin əsas funksiyası hesab edilir. Ənənəvi ailə tipi ilə yanaşı, nuklear və natamam ailələr də geniş yayılmışdır. Evli cütlüklərin 8%-i övladsızdır, lakin normalda ailədə uşaqların sayı artmaqdadır. Çexiyada ailə dəyərlərinin qorunmasına dair bütün haqların 70%-i qadınlara aiddir. Lakin, boşanma haqlarının qanuniləşdirilməsi boşanma sayının iki dəfə artmasına səbəb olmuşdur. Çex ailələrinin ən böyük narahatlığı ailədə əmək bölgüsü, sosial stereotiplərin qadın və kişilərin rollarının bölüşdürülməsidir. Lakin, hələ də ailədə məsuliyyətin ağırlığı qadın üzərində qalmaqdadır. Slovakiya. Slovakların milli-identikliyi onların dini və dili ilə formalaşmışdır. Böyük şəhərlərdən kənarda yerləşən Slovakiya olduqca ənənəvi katolik cəmiyyətdir, dini inancları Çexiyada yayılan ateistliyə nisbətən daha çox və Polşaya nisbətən isə daha azdır. Lakin Slovakiya yeganə ölkədir ki, burada roman katolik, rum katolik, protestan, evanjelist, kalvenist və s. kimi qarışıq dini inanca sahib insanlar bir yerdə yaşayırlar. Hətta onlar arasında müsəlmanlar və yəhudilər də vardır. Slovakiyanın dini mahnıları daha çox çobanlara, təbiətə, mədəniyyətə həsr olunmuşdur. Bunun əsas səbəbi isə slovakların dini inancları ilə bağlıdır. Slovaklar eyni dilə sahib olsalar da, regionlarda dialektlə bağlı problemlər vardır. Belə ki, Slovakiyanın qərbində yaşayan biri ilə, şərqində yaşayan biri dialektləri fərqli olduğu üçün bir- birlərini anlamaqda çətinlik çəkirlər. Slovakiyanın coğrafi şəraitinə baxdıqda millətin etnopsixoloji xüsusiyyətləri haqda da geniş məlumat vermək mümkündür. Onların əksəriyyəti çox istiqanlı, onlardan kömək istəyən hər kəsə köməklik edən, üzlərindən təbəssüm əksik olmayan və yadlara qarşı yaxın münasibət göstərəndirlər. Slovak insanlarından yadlara qarşı nadir hallarda hansısa xələl gələ bilər. Eyni zamanda Slovak xalqı əziyyətdən və zəhmətdən qorxub qaçmayan, əksinə əziyyətin sonunda tanrının onları mükafatlandıracaqlarına inanan şüuraltı düşüncəyə sahibdirlər. |