Microsoft Word etno kitab son srift 12

ETNOPSİXOLOGİYA 
315 
Qonaqpərvərliyin qəbul edilməməsi və qonaq gedilən evə əldə gül 
və ya şirniyyat aparmamaq hörmətsizlik kimi qəbul edilir. 
Serbiya. Serbiya əhalisinin çoxu xristiandır, lakin onların 
arasında müsəlmanlar, hətta ateistlər və aqnostiklər də vardır. 
Serbiya azadlığı uğrunda 1 milyondan çox insanı qurban vermişdir. 
Elə bu səbəbdəndir ki, xalq öz tarixinə yüksək qiymət verir. 
Türklərin təsirindən asılı olaraq serbiya xalqında mübarizlik, 
cəsarətlik, mərdlik kimi milli xarakter keyfiyyətləri formalaşmışdır. 
Serbiyada hər bir ailənin özünün müqəddəsləri vardır və 
həmin şəxslərin doğum günlərini, onlar xüsusi dini ayinlərlə 
bayram günü kimi qeyd edirlər. Bu müqəddəslərin meydana 
çıxmasının səbəbi Savvanın adı ilə bağlıdır. Savva ilk müstəqil serb 
kilsəsinin yaradılmasına nail olmuşdur və eyni zamanda həm ölkə 
daxilində, həm də ölkə xaricində bir sıra siyasi məsələləri dini 
yollarla həll etməyə müvəffəq olmuşdur. . 
Serb xalqı itləri çox sevir və heyvanların qayğısına qalırlar. 
Lakin pişiklərin uğursuzluq gətirə biləcəyini düşündükləri üçün 
pişik saxlamırlar.
Serbiyada nigah adətləri yüksək psixoloji əhəmiyyət daşıyır. 
Belə ki, gəlin ilk dəfə ailə qurduğu evə girərkən qapıda dayanır və 
bir körpə uşağı götürərək üç dəfə qaldırır. Bu cütlüyün uşaq sahib 
olmasının arzu edilməsinə dair adətdir. Nigah zamanı qadınlar eyni 
bərabər hüquq qazandıqları üçün boşanmaların sayı daha da 
artmışdır. Serbiyada bir neçə ailə eyni dam altında yaşamağa 
öyrəşmişdir. Hətta əmilər, bibilər, yaxın qohumlar və ailənin digər 
üzvləri bir evdə yaşamasalar belə onlar bir-birinə yaxın ərazilərdə 
yaşayırlar.
Serbiyada görüşərkən üç dəfə öpüşmək adətdir. Serb xalqı 
olduqca qonaqpərvərdir.
Belarusiya. Belarusiya etnopsixoloji səbəblərdən rusiyadan 
təsirlənsə də xalq öz milli-identikliyini formalaşdırmaq üçün 
həddən artıq səy göstərir. Göllər, çaylar, meşələr (40%) Belaru-
siyanın ərazisinin ən geniş sahələrini əhatə edir. Hətta bu göstərici 
Belarusiyanın bayrağının yaşıl rəng olmasında da öz əksini 

---