Microsoft Word etno kitab son srift 12

ETNOPSİXOLOGİYA 
316 
tapmışdır. Bu səbəbdən Belarusiya “Avropanın ağ ciyərləri” 
adlandırılır. 
Rəsmi məlumatlara görə Belarusiya xalqının 85,9%-i dini 
inanca sahibdir. Onlardan təxminən 82%-i ortadoksal xristanlığa, 
yerdə qalanları isə katolik, protestanlıq, islam və musəvilik dini 
inanclarına sahibdirlər. Rusiyadan fərqli olaraq Belarusiyada 
insanlar başqalarına qəsdən zərər vermək və ya oğurluq kimi 
hallardan uzaqadırlar.
Belarusiya uzun müddət SSRİ-nin bir hissəsi olaraq, sovet 
mədəniyyətindən təsirlənsə də, Belarusların milli xarakterində olan 
əsas xüsusiyyətləri silə bilmədi. Avropanın mərkəzində yerləşən 
Belarusiya orta əsrlərdə qonşu ölkələrin bir-biri ilə olan 
mübarizəsində “Tranzit nöqtə”yə çevrildi. Belarusiya bu ölkələrlə 
mübarizə aparmaq yerinə kiçik fədakarlıqlar edərək danışıqlar 
aparır və sülhə nail olurdu. Əsrlər sonra bu vəziyyət belarusların 
milli xarakterinə çevrildi. Hətta Belarusiyanın himninin sözləri belə 
“biz, belaruslar sülh insanlarıyıq” sözləri ilə başlayır.
Həmçinin belaruslar sonsuz xeyirxahlıq və mehribanlıq 
göstərən insanlar kimi tanınırlar. Əgər bir insanın pulu yoxdursa və 
o acdırsa Belarus vətəndaşı həmin şəxsdən pul almadan ona yemək 
verir. Əgər onun əynində olan son köynək belə kiməsə xeyirxahlıq 
etmək üçün vacibdirsə, onlar heç düşünmədən öz köynəyin həmin 
şəxsə verərlər. Belaruslar məsuliyyətli və işinə həssas yanaşan 
xalqdır. Xalqın milli xarakterində tənbəllik arzu olunmayan 
keyfiyyətdir. Bu həmçinin xalqın yaşadığı coğrafi və iqlim şəraiti 
ilə də bağlı olaraq da yaranmışdır. 
Ukrayna. Ukrayna adı köhnə slavyan dilində “sərhəd ölkəsi” 
mənasını verir. Ukraynalıların etnik kökü ilə bağlı müxtəlif fikirlər 
vardır. Belə ki, ruslar tərəfindən ukraynalılara edilən təzyiq 
nəticəsində ruslar öz mədəniyyətini və dilini ukraynalılara 
aşılamağa çalışmışdır. Hətta ukraynalıların ayrı, müstəqil bir xalq 
olduğunu düşünmək və bu dildə danışmaq belə ölüm cəzası ilə 
nəticələnirdi. Müstəqil olduqdan sonra ukraynalılar uzun müddət 
ayrı bir xalq olduqlarını və öz dillərinin olduğunu başqa xalqlara 

---