Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
314 digər kəndlərində də bu nümunələrə az da olsa rast gəlmək mümkündür. Bu evlər 1993-cü ildə YUNESKO-nun Dünya İrs Siyahısına daxil edilmişdir. Slovaklar 1993-cü ildə öz müstəqilliklərini elan etdikləri üçün öz tarixləri ilə qürur duyurlar, bu səbəbdən onlar bu mövzuda edilmiş söhbətlərə qarşı olduqca həssasdırlar. Bolqarıstan. Bolqarlar milli etnik kökünə və adət-ənənəsinə sadiq millət kimi tanınırlar. Cəsarət mövzusunun geniş yayıldığı bölgədir. Bolqarıstan əhalisinin 90%-ni xristianlar, ikinci böyük dini qrupu isə müsəlmanlar təşkil edir. Lakin orta məktəblərdə müsəlmanların baş örtüyü ilə məktəbə gəlməsinə ciddi narazılıq vardır. VII əsrdən başlayaraq Bolqarıstana olan hərbi təcavüzlərin sayı durmadan artmaqda olduğu üçün cəmiyyət daxilində etnik və mədəni cəhətdən fərqlilik yarandı. Nəticədə isə etnik identikliyin formalaşması prosesində fərqlilik müşahidə edildi. Xüsusilə Osmanlıların bolqarların milli identikliyinə güclü təsiri olmuşdur. Lakin, xarici təsirlərə baxmayaraq etnik və mədəni cəhətdən fərqli insanlar Bolqarıstanın ümumi dini, dili və əlifbası altında birləşərək milli şüuru formalaşdırdı. Bolqarıstanda valideynlər uşaqları liberal üsulla böyütdükləri üçün uşaqlar ictimai yerlərdə çox sərbəst davranırlar. Tədqiqatlar zamanı məlum olmuşdur ki, Bolqarıstanlı valideynlər Almaniyaya gedərkən öz uşaqlarını burada əməl etməli olduqları qaydalar barədə məlumatlandırırlar. Valideynlərin çoxu uşaqlara qarşı zorakılıq aktını qınayır, uşağın üzərinə qışqırmaq, onu vurmaq, cəzalandırmaq kimi halların uşağın şəxsiyyətini və ləyaqətini alçaldacağını bildirirlər. Bolqarıstanda “Bəli” və “Yox” cavablarını bildirən jestlər Avropada qəbul olunan variantın tam tərsidir. Belə ki, başın sağa- sola sallanması “Bəli”, aşağı-yuxarı sallanması isə “Xeyr” kimi bilinir. Bolqarlar öz qonaqpərvərlikləri və qonşuluqları ilə qürur duyurlar. Dəvətsiz qonaq giriş qapısında ya əllə, ya da sözlü olaraq salamlanır, daha sonra səbəbə əsasən içəriyə dəvət edilir. |